حصريا و بعد طول انتظار ( تركيب شاشه+gps+dvd)للصني الشكل القديم

**khalodee_08** · 15-06-2013 12:25 AM

بسم الله الرحمن الرحيم

بقالي سنه كامله ببحث و بدور على افضل طريقه لتركيب شاشه للصني يكون شكلها و نوعها كويس مش الشاشات الصيني الي في السوق الي شكلها مش حلو او ملهاش مكان كويس تركب في العربيه او نوع ردئ مبيستحملش الشغل او الجو الحر بتاعنا
المهم كنت في زياره لليابان وكنت بتفرج على الصني بتاعتهم علشان اشوف التقفيل الياباني على ابوه بقى:P
لقيت ان مفيش نيسان صني اصلا العربيه هناك اسمها ( NISSAN-BLUEBIRD-SYLPHY )
طبعا هوا الشكل واحد بس مقولوكوش بقى على نضافه التقفيل اكيد
المهم لقيت تغير بسيط في الطابلوه و ده شكل الطابلوه المصري و الياباني

[IMG]

[/IMG] [IMG]

[/IMG]

بعد مشفت الكلام ده قمت اشتريت الشاشه و الكاسيت و الdvd والباب الي تحته الشاشه علشان الباب ده مختلف عن الي بيجي مع العربيه المصري زاي مهوا باين في الصوره الي فوق
بس للاسف البهوات قصو الاسلاك من العربيه بدل ميفكو الفيش و حاليا الاجهزه عند مهندس صاحبي
بيحاول يوصلها و يشغلها ان شاء الله و هستلمهم بكره

و ده فيديو يوضح الاجهزه شكلهم ايه و شكلهم و هما شغالين

[media]http://www.youtube.com/watch?v=MYhHF5BjMD4[/media]

و ان شاء الله بكره او بعده بالكتير هركب كل حاجه و هصورهم في العربيه بعد ميشتغلو و هعمل موضوع تاني يوضح امكانيات الجهاز و طريقه التركيب و التشغيل ان شاء الله

اسف على الاطاله بس انا عملت الموضوع ده علشان الفائده تعم على الجميع و يكون منتدانا الحبيت و اعضائه صقور النيسان يكونو اول ناس في مصر تجيب المعلومات ده و يركبو كل الحصريات الي محدش هيعرف يعملها غيرنا بأذن الله..و انا حاضر لأي استفسار