معلومات عن كاسيت الصنى 2013

**haitham fares** · 07-03-2013 11:48 AM

السلام عليكم ..
انا عاوز اعرف الكاسيت بتاع الصنى 2013 بيشغل سيديهات نوعها اية لاني جربت اعمل سي دي زى اللى كنت بعمله لعربيتي القدية بس مشتغلش بيدينى رسالى checking وخلاص

ولو ممكن حد يفيدينى ازاى اعمل السي دي الصح

كمان كنت عاوز اعرف مدخل AUX استخدامة ازاى واى اجهزة ممكن اوصلها عن طريقة؟

شكرا

**dodyam** · 07-03-2013 12:13 PM

من برنامج الـ nero لنسخ الـ CD اعمل Add لأغانى الـ MP3 وبعدين اعملها burn عادى جدا

وخلى بالك الكاسيت مش بيشغل DVD

مدخل الـ AUX ممكن مثلا لو عندك موبايل به مدخل للسماعات تشترى كابل و توصل بينهم وتسمع الأغانى اللى على الموبايل على كاسيت العربية

بس بصراحة بأفضل السيديهات أكتر لان الصوت انقى و كمان لان التحكم عن طريق زراير الكاسيت أسهل لو انت سايق

**ahmed452003** · 07-03-2013 12:16 PM

بيشغل ام بي 3 اتأكد ان امتدادات الاغاني ام بي 3 وياريت يكون عالي الجودة Quality: 320 kbps علشان يظهر امكانيات الكاسيت والسماعات وتعيش .

**haitham fares** · 07-03-2013 03:08 PM

المشاركة الأصلية كتبت بواسطة dodyam

من برنامج الـ nero لنسخ الـ cd اعمل add لأغانى الـ mp3 وبعدين اعملها burn عادى جدا

وخلى بالك الكاسيت مش بيشغل dvd

مدخل الـ aux ممكن مثلا لو عندك موبايل به مدخل للسماعات تشترى كابل و توصل بينهم وتسمع الأغانى اللى على الموبايل على كاسيت العربية

بس بصراحة بأفضل السيديهات أكتر لان الصوت انقى و كمان لان التحكم عن طريق زراير الكاسيت أسهل لو انت سايق

شكرا دودى ..انا استخدمت cd_r

**د.محمدعبدالعال** · 12-03-2013 03:43 AM

هو الكاسيت اللي راكب في النيو صني ده نوعه ايه ؟؟ أنا قعدت ادورله على اسم ملقتش .

**MELKASHEF** · 12-03-2013 07:34 PM

هل الكاسيت بيقدر يقرا الفولدرز يا جماعة من على السي دي ولا لأ ؟
وبالنسبة لل FM Modulator فيه واحد بيتباع تمنه حوالي 120 جنيه وفيه AUX out
هل فيه حد جربه ويقدر يقولنا هوا كويس ولا لأ علشان بأفكر أشتريه؟
شكرا للي ردوا على الموضوع لحد دلوقتي وللي حيردوا كمان إن شاء الله

**hany79** · 12-03-2013 11:26 PM

المشاركة الأصلية كتبت بواسطة MELKASHEF

هل الكاسيت بيقدر يقرا الفولدرز يا جماعة من على السي دي ولا لأ ؟
وبالنسبة لل FM Modulator فيه واحد بيتباع تمنه حوالي 120 جنيه وفيه AUX out
هل فيه حد جربه ويقدر يقولنا هوا كويس ولا لأ علشان بأفكر أشتريه؟
شكرا للي ردوا على الموضوع لحد دلوقتي وللي حيردوا كمان إن شاء الله

أنا كنت جربت ال modulator اللي ب١٢٠ جنيه بتاع راديو شاك ، حطيت فيها فلاشة عليها أغنية كانت ل اليسا :) و نفس الاغنية حطيتها على الموبايل و وصلته بوصلة. Aux و شغلت الاتنين و نقلت بين الاتنين لقيت ان في فرق كبير في نقاوة الصوت لصالح الaux رحت مرجعهالهم علطول و فضلت اسمع اللي عايزه عن طريق الموبايل.

**haitham fares** · 13-03-2013 12:24 AM

شكرا لكل اللى ردوا بس انا لغاية دلوقتي مش عارف اية نوع السي دي اللى ممكن يشتغل ..انا جربت اللى مكتوب علية cd_r بس منفعش؟؟

**Land_Cruiser** · 13-03-2013 12:32 AM

المشاركة الأصلية كتبت بواسطة haitham fares

شكرا لكل اللى ردوا بس انا لغاية دلوقتي مش عارف اية نوع السي دي اللى ممكن يشتغل ..انا جربت اللى مكتوب علية cd_r بس منفعش؟؟

يا فندم CD_R تشتغل عادى عليه . اللى ما يشتغلش هى ال DVD . حضرتك بس أحرق ال CD على سرعه 12X بالكتير و ما تنساش تقوله يقفل ال session علشان الكاسيت يعرف يقرأها و ده مش هيخليك تعرف تضيف عليها ملفات تانى بعد كده لكن ضرورى علشان ال كاسيت يعرف يقرأها

**dodyam** · 13-03-2013 09:30 AM

المشاركة الأصلية كتبت بواسطة melkashef

هل الكاسيت بيقدر يقرا الفولدرز يا جماعة من على السي دي ولا لأ ؟
وبالنسبة لل fm modulator فيه واحد بيتباع تمنه حوالي 120 جنيه وفيه aux out
هل فيه حد جربه ويقدر يقولنا هوا كويس ولا لأ علشان بأفكر أشتريه؟
شكرا للي ردوا على الموضوع لحد دلوقتي وللي حيردوا كمان إن شاء الله

أيوة الكاسيت بيقدر يقرأ الفولدر من على السى دى ويقلب بينهم و تقدر تخلى اسم الفولدر يظهر على شاشة الكاسيت لو انجليزى طبعا

المشاركة الأصلية كتبت بواسطة land_cruiser

يا فندم cd_r تشتغل عادى عليه . اللى ما يشتغلش هى ال dvd . حضرتك بس أحرق ال cd على سرعه 12x بالكتير و ما تنساش تقوله يقفل ال session علشان الكاسيت يعرف يقرأها و ده مش هيخليك تعرف تضيف عليها ملفات تانى بعد كده لكن ضرورى علشان ال كاسيت يعرف يقرأها

تمام كده