الفردة اليمين فاتحة لبره والعربية بتحدف ناحية اليمين ؟؟؟

**hamid20** · 15-06-2013 12:32 AM

الفرده اليمين الامامية فاتحة لبره والعربية بتحدف ناحية اليمين ؟؟؟
لو سمحتم عايز اعرف المشكلة فين ؟؟؟

**MohammedAladel** · 15-06-2013 02:02 AM

ضبط زوايا

أنا عندى فى ميجان مفيش غير مكان واحد لضبط الزوايا وهو تيش الدركسيون فلما عملت شغل فى العربية والتيش اترحل من مكانه العربية حدفت شمال جامد

فكيت الكاوتش ولفيت التيش كام لفة لجوا عشوائى وجربت لحد ما ضبطت معايا طبعا الكلام دا مشيت بيه حالى لحد ما أضبط زوايا

بس أنا لو عندى الفردة اليمين واثق من ضبط الزوايا بتاعتها عادى ممكن اضبط الشمال بإيدى
www.nilemotors.net/Nile/353942-tie-rod.html

**hamid20** · 15-06-2013 02:21 AM

انا هافك التيش شوية واشوف
والف شكر على ردك يا ابو حميد

**MohammedAladel** · 15-06-2013 02:26 AM

خد بال حضرتك ... أنا عندى دا المكان الوحيد اللى بيتظبط منه زوايا العربية

فيه عربيات تانية فيها أكتر من مكان

لأن ممكن تكون الفردة فاتحة من مكان تانى

أو ممكن يكون فيه حاجة غلط فى عفشة العربية على العموم متجريش بيها وأمشى على أقل من مهلك لحد ما تحل المشكلة اللى عندك

**hamid20** · 15-06-2013 02:40 AM

تمام يا محمد والف شكر مرة تانية على ردك
بس عندى سؤال هو انا لو فكيت التيش اكتر من اللازم فيه مشكلة ؟

**MohammedAladel** · 15-06-2013 02:51 AM

بص حضرتك التيش دا عبارة عن حتة عصاية بتحرك العجلة يمين أو شمال مع لفك للدركسيون

وبيتربط على مسمار قلاووظ بس بيتركب قبلها صامولة زنق بحيث إنها تزنق التيش ولو عايز تغير مكان التيش هتضطر تهوى الصامولة دى عشان تشوف بقى انت عايز تطلعه برا شوية أو تدخله جوا شوية

يعنى بعد ما بتهوى الصامولة .... مثلا عايز تدخله لجوا .... هتلف الصامولة دى بإيدك فى اتجاه عقارب الساعة وتلف التيش فى اتجاه عقارب الساعة هيدخل معاك لجوا بعدين تربط الصامولة عكس اتجاه عقارب الساعة عشان تزنقه

العكس بقى لو عايز تطلع التيش لبرا .... هتهوى الصامولة فى اتجاه عقارب الساعة برضه وهتلف التيش عكس ات جاه عقارب الساعة هيطلع معاك لبرا وبعدين تربط الصامولة عكس إتجاه عقارب الساعة

لو فعلا العيب من عند التيش .... هتبقى العملية نظرية

يعنى مثلا أنا جربت ألفه لفتين لجوا عشان أخلى العجلة تفتح لبرا لأنك لما بتدخله الجوا هيشد العجلة معاه

بعدين تجرب العربية تشوفها ضبطت ولا لأ ( الكلام دا طبعا لما تكون متأكد من العجلة اللى بتحدف عندك )

لكن متروحش تلف 7 لفات وتقول أجرب ..... ممكن تحدف منك جامد

أفضل لك ضبط زوايا

**hamid20** · 15-06-2013 03:05 AM

الصامولة اللى بتزنق المسمار القلاووظ مش موجودة عندى فى التيش !!!!
العربية لادا 2107 مستعملة وغيرت تيش يمين ومش كان فيه صامولة لما اشتريته ,,,

**hassanin_lada** · 15-06-2013 03:05 AM

بص علي البيض

**hamid20** · 15-06-2013 03:12 AM

كنت عند عفشجى وقالى البيض تمام
وهو نفسه اللى قعد يلف القلاووظ بتاع التيش بس ما اخدتش بالى من الموضوع ده الا لما حدفت يمين!!!!

انا حاسس انى لو فكيت التيش علشان اظبط اتجاه الفرده هيبقى التيش ماسك على حتة صغيرة فى القلاووظ ,,,فهل ده فيه مشكلة ولا ايه ؟؟؟

**MohammedAladel** · 15-06-2013 03:23 AM

حتة صغيرة أزاى ! لا متخاطرش يا باشا أضبط زوايا وهو العفشجى لما لف التيش بوظ ال زوايا عندك ممكن

الصامولة مش بتيجى مع التيش الجديد دى بتبقى راكبة على المسمار اللى بيركب فيه التيش معرفش بقى فى عربيتك إيه النظام

بس أنا حاولت أديك فكرة مقربة مش أكتر ولا أقل

الموضوع: الفردة اليمين فاتحة لبره والعربية بتحدف ناحية اليمين ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

الكاوتش اليمين فاتح لبره وبيحدف؟؟؟

الطاسة بتاعة الفردة اليمين طارت

الفردة اليمين مرحلة ورا !

العجلة اليمين مرحلة لبره حوالى 2 سم

صوت طقة لما بنحود ناحية اليمين من العجلة اليمين؟

الكلمات الدلالية لهذا الموضوع

المفضلات

المفضلات

ضوابط المشاركة