الموضوع: أستشاره لتسعير بولو 1999 سريعا ارجوكم

المشاركة الأصلية كتبت بواسطة hamada_elzayat

شوفى الاكسنت وحلوه ال 1500 دى مواصفات خليجى حتلاقى مكتوب كده فى علامه فى القايم الشمال بعد ما تفتحى باب السائق حاولى تاخديها على 35 تبقى حلوه جدااااااااا

كويس انك قولتلى على السعر عشان كنت حاسه 32 صعبه شويه ... هى باردو عامله 174 الف كيلو ...
ربنا يقدم اللى فيه الخير وجزاك الله خيرا كثيـــــــــــــرا

تصيحه وانتى بتشترى
وانتى بتقولى السعر بتاعك خليكة واثقه من نفسك واوعى تحسسى البائع ان العربيه عاجباكى خالص ومش حتمشى غير ما تاخديها حاولى توصليلو انها مش فارقه معاكى تاخديها او لأ عشان ميمسكش فى السعر بتاعه ويتحكم فيكى
ربنا يوفقك لعربيه حلوه ان شاء الله

المشاركة الأصلية كتبت بواسطة hamada_elzayat

تصيحه وانتى بتشترى
وانتى بتقولى السعر بتاعك خليكة واثقه من نفسك واوعى تحسسى البائع ان العربيه عاجباكى خالص ومش حتمشى غير ما تاخديها حاولى توصليلو انها مش فارقه معاكى تاخديها او لأ عشان ميمسكش فى السعر بتاعه ويتحكم فيكى
ربنا يوفقك لعربيه حلوه ان شاء الله

السلام عليكم
عملت زى ما حضرتك قولت من غير ما أعمل نفسى مش فارقه معايا لانى كنت واصله لمرحله أنها مش فارقه فعلا كمان ملقتش عندو اللى بدور عليه بولو او ابيزا
اللى حصل بقى
لاقيت رينو كليو 2003 قاعدو يقولولى دى حلوه وزى أكسيل الكورى بس فرنساوى وبدأ معايا ب38 و بعدين وافق على 35 الف بسهوله روحت جبت أخويا و زوجى و جربوها قالولى عايزه شغل فى البور و سرفيس بس الأساسيات سليمه والموتور والعفشه عايزين سرفيس بس سولام
روحنا تانى يوم رفعناها فى بنزينه التعاون اللى فى المطار و هناك فى حد أسمه الحاج عبد العزيز أنسان محترم أوى و حبوب كده قالى دى بنت فرنساويه جميله :) على العربيه أستخرت ربنا وقلت على بركه الله
كنت عارفه انها عايزه شويه تظبيت فى البور و تربيط فتيس و سرفيس كامل فنزلت مع الراجل فى السعر كمان ألف
من ساعتها عند ميكانيكى أسمو بولا فى عين شمس و صرفت 3500 ولسه مستلمتهاش وحاسه أنى هنفجر

الحمدلله على كل شىء بس حبيت اقول لحضرتك نهايه رحله البحث
أسفه على الإطاله
وشكرا جزيلا لدعمكم و مساعدتكم لى
جزاكم الله خيرا جزيلا

المشاركة الأصلية كتبت بواسطة hossamalsadik

ممكن الفيرنا او اللانوس وحجته وصيانتها رخيصه ومريحه ومتوفره فى كل حتى
ممكن الهوندا سيفك بردو كويسكه لاقصى حد وفى فى القاهرة المنيل تحديدا واحد اسمه الشياطن الحمر الحج يحيى هتلاقى كل حاجه عنده صيانه قطع غيار استيراد قطع غيار جديد يعنى منه فيه فهتستريحى
ممكن البولو مش هقولك على جملها وقطع غيار متوفره جديد واستيراد بالحرافيين وغيرهم وسيارة اعتماديه ( قطع غيار معمره ألمانى ) الصيانه بتعتها يفضل ميكانيكية الفولكس فقط لوحد قريب منك يبقى تمام
ممكن ألابيزا 94 حتى 2002 نفس البولو بردو

بالتوفيق ان شاء الله

شكرا جزيلا أخى الكريم على نصائحك الغاليه جزاك الله خير الجزاء

مبروك يا ستى على العربيه الجديده
ربنا يديكى خيرها كلو ويكفيكى شرها كلو
وانضمى بقى لقسم الرينو هنا هما حيفيدوكى باذن الله قبل ما تعملى اى حاجه وتدفعى فلوس كتير
هنا الميزه انك لما يحصل حاجه وتسألى تلاقى كذا واحد مر بنفس الموقف وحيتكلم معاكى من واقع خبره وربنا يسهلك الحال ومبروك تانى مره