النجدة سريعا ارجوكم

**ecybrarian** · 13-07-2009 11:37 AM

دلوقتي في مشكلة كبيرة جدا حصلت...عربية واحد قريبي دايو لانوس موديل 2008 عاملة 9700 كيلومتر فقط، والعربية متابعة الصيانة الدورية زي الكتاب ما بيقول..المشكلة إن العربية فصلت مرة واحدة بدون سابق انذار..وجه حد من مقار بص على العربية وقال إن سير الكاتينة اتقطع!!!!!!!! يا سبحان الله سير كاتينو يقطع في أقل من سنة واقل من 10,000 كيلو....

المهم إنه قال إنها هاتكلف من 1500 إلى 2000 جنيه!!!!!! والحل إننا نروح ابو رواش ونشوف هناك الضمان ممكن يشيل ايه؟؟؟؟ يعني نرفع العربية على ونش وبعدين نروح نسمع كلام مش حلو فنرجع مثلا ولا ايه؟؟؟؟؟ وهو لازم الواحد يتخانق هناك ويزعق وكده...ولا في حد هناك بيفهم ممكن نتفاهم معاه...إللي يعرف حد بيفهم هناك ياريت يقول انا هو مين وتليفونه ايه...

هو الضمان في الحالة دي ايه؟؟؟؟؟؟؟؟؟؟؟؟

لو حد يعرف تليفون ونش في العجوزة او الدقي ياريت يبتعتهلنا برضه

وكتر الله خيركم

**MMamdouh** · 13-07-2009 12:03 PM

المفروض الضمان يتحمل تكاليف الصيانة بالكامل

MMamdouh

**Ashraf_Ashraf** · 13-07-2009 12:27 PM

اولا دا عيب خطير جدا فى عربيه زيرو وفى الضمان واكيد لازم الضمان يشيل كل التكاليف بالكامل ومهما قالولك لازم تاخد حقك ولو معرفتش اتصل بجهاز حمايه المستهلك وماتسبش حقك

**mohsen** · 13-07-2009 02:57 PM

لو سمحتوا

لو دى عربيتى وفى الضمان يبقى الموضوع هيبقى بالنسبة لى مش مين يتحمل تكاليف الصيانة او مين يدفع تكاليف الونش

انما لازم أغير المكنة كلها لان ببساطة الموضوع ممكن يتكرر تانى لانه احتمال كبير اوى انه عيب تصنيع فى أحد اجزاء المكنة

هو المتسبب فى تفويت سير الكاتينة

**ecybrarian** · 13-07-2009 03:09 PM

انا شاكر للرجالة على الردود المفيدة دي..وانا بلغت قريبي ده وهو مقتنع برأيكم جدا..بس هايخدهم بالراحة الأول وبعدين يشوف..هابقى اتابعكم بالتفاصيل والجديد إن شاء الله

**samirayad** · 13-07-2009 03:17 PM

والله يا أستاذ : هشام ..............أنا بأتمنى لكم التوفيق وأنكم تلاقوا هناك

حد هناك بيفهم ممكن نتفاهم معاه

.....وأنا حاسس أنهم حيؤولوها .....أن العربيه كانت قاطره عربيه تانيه ......وأنقطع السير ..........وكل ده علشان صاحب العربيه هو اللى يشيل الموضوع ............فأرجو أن تسير الأمور عكس ما أنا عارفهم ...........

**Mohamed.Fawzy** · 13-07-2009 03:30 PM

المشاركة الأصلية كتبت بواسطة ecybrarian

انا شاكر للرجالة على الردود المفيدة دي..وانا بلغت قريبي ده وهو مقتنع برأيكم جدا..بس هايخدهم بالراحة الأول وبعدين يشوف..هابقى اتابعكم بالتفاصيل والجديد إن شاء الله

خالى بالك ان الضمان هيتحمل التكاليف لو صاحبك بيعمل الصيانه الدوريه فى التوكيل و فى مواعيدها

غير كده انسى هيطلعوها سوء استخدام

على كلامك المفروض صاحبك يكون عمل صيانتين فى التوكيل على الأقل وهما
1-صيانه ال 1000
2- صيانه ال 5000

**mummy_47** · 14-07-2009 09:51 AM

مش عارف ايه موضوع سير الكتينه اللي بينقطع على طول كده...الحوار ده اتكرر كثرا جدا..والواحد بدأ يقلق جدااااااااااااا..يعني انا هشتري سير كاتينة GATES واتاكد ازاي انه مش مغشوش وممكن ينقطع وميكملش 40 الف وهو ميعاد التغيير الطبيعي...ولا الواحد يخليه في الامان ويغير السير كل 5000 كم(كلام مش منطقي)...يا ريت استاذ محمد ممدوح يقولنا ازاي نعرف المغشوش من السليم لكل السيور مع العلم ان احنا مش هنجيب غير من محلات قطع الغيار المعروفة والتي اعطاها لنا استاذ محمد كتر خيره على google earth.لاني اعتقد ان مراكز الخدمة المعتمده اللي عملت الصيانة لللسيارة صاحبة المشكلة بيحط سير كاتينه اصلي..فكيف ينقطع بعد 9700كم وارجعو للمشكلة اللي تحت بنفس العنوان سير الكتينة انقطع بعد 9000 كم...انا هتجنن خلاص....برجاء الرد ...عايزين حل جذري لعدم تكرار هذه المشكلة الرهيبة ..يعني الواحد لو مسافر ولا حاجة والسير انقطع ديه تبقى مشكلة جامده خالص وخصوصا لو بالليل وبهدله ناهيك عن ان الموتور ممكن يودع او اقل حاجة هتيجب صبابات...
وفي انتظار ردودكم الكريمة.

**Mohamed.Fawzy** · 14-07-2009 10:55 AM

المشاركة الأصلية كتبت بواسطة mummy_47

مش عارف ايه موضوع سير الكتينه اللي بينقطع على طول كده...الحوار ده اتكرر كثرا جدا..والواحد بدأ يقلق جدااااااااااااا..يعني انا هشتري سير كاتينة gates واتاكد ازاي انه مش مغشوش وممكن ينقطع وميكملش 40 الف وهو ميعاد التغيير الطبيعي...ولا الواحد يخليه في الامان ويغير السير كل 5000 كم(كلام مش منطقي)...يا ريت استاذ محمد ممدوح يقولنا ازاي نعرف المغشوش من السليم لكل السيور مع العلم ان احنا مش هنجيب غير من محلات قطع الغيار المعروفة والتي اعطاها لنا استاذ محمد كتر خيره على google earth.لاني اعتقد ان مراكز الخدمة المعتمده اللي عملت الصيانة لللسيارة صاحبة المشكلة بيحط سير كاتينه اصلي..فكيف ينقطع بعد 9700كم وارجعو للمشكلة اللي تحت بنفس العنوان سير الكتينة انقطع بعد 9000 كم...انا هتجنن خلاص....برجاء الرد ...عايزين حل جذري لعدم تكرار هذه المشكلة الرهيبة ..يعني الواحد لو مسافر ولا حاجة والسير انقطع ديه تبقى مشكلة جامده خالص وخصوصا لو بالليل وبهدله ناهيك عن ان الموتور ممكن يودع او اقل حاجة هتيجب صبابات...
وفي انتظار ردودكم الكريمة.

-الراجل صاحب الموضوع كان بيتكلم على عربيه مكملتش 10.000 كيلو يعنى اللى انقطع سير الفابريكه مش gates

- اما لو انت هتشترى مع نفسك اشترى من محل ثقه و ارشحلك ابو الحسن فى بين السرايات او المنير فى اول فيصل

-

الموضوع: النجدة سريعا ارجوكم

LinkBack

أدوات الموضوع

عرض

النجدة سريعا ارجوكم - انشر الموضوع فى :

-

-

-

المواضيع المتشابهه

افيدونى ارجوكم سريعا

ارجوكم افيدونى سريعا

ارجوكم الافادة سريعا-عن الماتركس

اهل الخبرة افيدوني سريعا ارجوكم

الكلمات الدلالية لهذا الموضوع

المفضلات

المفضلات

ضوابط المشاركة