الموضوع: أستشاره لتسعير بولو 1999 سريعا ارجوكم

السلام عليكم ... فى امامى اتنين بولو 1999 ... 1000 سى سى ... الاتنين عاملين حوالى 130,000 كيلو واحده إلا و واحده وى
واحده التكيف بيشتغل و بيفصل لوحده وصاحبها بيقول ان ده فيوز عايز يتغير و فى كسر فى الفيرام بتاع التابلو هو هيعمله عموله عشان قالولو ملهاش قطع غيار ولازم يغير التابلو كله ... الكوتش نص عمر ... عايزه بليه شمال و ديسك دبرياج ..... فى حاجه فى الكهربا تقريبا عايزه تتظبط ....قافش فى السعر على 38

العربيه التانيه البربريز مشرخ و هو لازقو ... الموتور مفتح لانه بيجرى .... التكييف ضعيف بردو .... راشش الرفارف رشه وحشه درجه اللون مختلفه وعياله بيلعبو فيها شويه :)
ووافق على 37 ... ايه رايكو طبعا انا عجبانى السودا الاولى بس محتاره عشان التانيه عملها سيرفيس
فإيه رايكو الله يكرمكو سريعا

اسفه نسيت أذكر ان الاتنين زجاج عادى بدون كهربا و هاف باور و التكييف ضعيف
لسه مكشفتش بس الحاله العامه كويسه

واحده أقاليم وانا فى القاهره بس صاحبها نزل بيها القاهره و عملها سيرفيس .. تانى ىد و مستخدمه شويه دى على 37 الف
والتانيه جيزه عايزه سرفيس و ظبط كهربا و بلى امام شمال زى ما قال و كوتش دى على 38 الف
ايه رايكو لحسن انا محتاسه خالص لو ممكن حد يقولى أكشف فين كزيس ياريت انا من مصر الجديده يعنى جسرالسويس اقرب حاجه فى حاجات العربيه

المشاركة الأصلية كتبت بواسطة syd

يا فندم الأثنين بصراحة مش نافعين
الأولي بتاعة الأقاليم دي - أشك بنسبة 1000% انه تاجر - وحضرتك تقدري تتأكدي من دي بمنتهي السهولة - وبالتالي حرام تدفعي المبلغ دة كله وهو تلاقيه مخلصها علي 28
والثانية غالية مووووووت علي 38 والشغل اللي فيها - خليها تخلل عنده

انصحك دوري مرة تانية
وياريت تقوليلنا ايه الغرض من العربية ؟؟؟ السفر والعائلة ولا مجرد الdaily use في وسط البلد ؟؟؟

تحياتي

والله كلام حضرتك صحيح وجزاك الله خيرا عل ذوقك ونصايحك ....
الغرض من العربيه مشاوير داخل البلد و صراحه جالى شغل بالتجمع وعشان الحق ميعاد باص بنتى لازم أستخدم عربيه و مستناش الباص بتاعى فعشان كده انا متسربعه شويه عشان قبل بدايه السنه اللى جايه اكون أتعلمت سواقه
شكرا جزيلا لمشاركتك

المشاركة الأصلية كتبت بواسطة syd

طالما حضرتك الهدف من العربية الأستخدام اليومي - يبقي حضرتك عايزة عربية اعتمادية (قليلة الأعطال + سهولة صيانة ووفرة قطع غيار + تكاليف تشغيل مش كتير من حيث استهلاك واسعار قطع غيار)
+
عربية city car عشان الركن وخلافه

انصحك بشدة تدوري في الرينج دة
1- بولو (97-99)
2- ابيزا (98-99)
3- فيات سينا 1.4 (2000-2004)

كان نفسي اقولك بونتو 97-2000 بس للأسف العربية دي بالزات قطع غيار غالية ومش اعتمادية (كثيرة الأعطال لأن الميكانيكية بهدلوها)

ربنا يوفقك لما فيه الخير

تحياتي

جزاك الله خيرا كثيرا .... العربيات دى فعلا حلوه .... بس مثلا زميلنا هنا بيقولو ان البولو 97-99 بتبقى فى أوائل التلاتينات و الاقى ناس عرضاها ب39.500 و لما اروح يقول أخرها 38 الكلام ده مش واحده ولا اتنين وللامانه فجأه الاقى حد عارضها بسعرها مثلا 34 و يبقى اول كلام طبعا يطلع فى اسكندريه او اسماعيليه ........... سبحان الله اكيد ربنا شايل لكل واحد نصيبه
شوفت واحده أبيزا كانت متاكله مرتين d: بس ماهتمتش اوى ولكن المهم انو كان مسقط موتور مفيهوش باور والفتيس كان عايز شغل و منغير تكييف مع ان كان مكتوب فى الاعلان كلام تانى خالص

أسفه على الأطاله بس اخر حاجه ايه رأى حضرتك فى الفورد فييستا مو 98 1300 سي سي تكييف وبور اير باج زجاج كهربا الموتور جديد وعامل 21.000 كيلو بيقولى لما غسل دوره مياه نزل صدأ و ده معناه ان الموتور تمام كويس ... ومغير كوتش ..... مقدرتش اشوفها انهارده بس ان شاء الله اشوفها بكره
وجزاك الله خير الجزاء على تعبك فى الرد

للاستفاده تقريبا نفس الموضوع هنا http://www.nilemotors.net/Nile/36337...post3875047864

غاليه جداااااااا واحد صاحبى شارى بولو 98 كامله بسم الله ماشاء الله عليها وكمان موتور 1400 ب 35
العربيه تكييف مش شغال يبقى تخصمى سعر التكييف كلو لانه لو حاجه بسيطه كان صلحو هو كاوتش يعنى حوالى 300 او 350 الفرده بليه واسطوانه وديسك ب 650 و 150 تركيب
وانا كنت شارى عربيتى ب 33 بس 1300 وفيها باور وجنوط بس كانت حاله ( طبعا قبل ما اطلع عين اللى اشتراها اللى هو انا عشان انا جديد )
اصبرى شويه وسيبك من التجار ومتستعجليش لان العربيات فيها حوااااااراااااات كتير
وقاعده اساسيه وانتى بتشترى تشوفى الرخصه باسم المالك ولا لأ ولو باسمه شوفيها من فتره ولا لسه مغيرها لو من فتره يبقى كويس لو لسه مغيرها ممكن يكون برضو تاجر بس بيفهم
وبرضو استنى راى الافاضل هنا متستعجليييييييييييييييييي يييييييش

المشاركة الأصلية كتبت بواسطة hamada_elzayat

غاليه جداااااااا واحد صاحبى شارى بولو 98 كامله بسم الله ماشاء الله عليها وكمان موتور 1400 ب 35
العربيه تكييف مش شغال يبقى تخصمى سعر التكييف كلو لانه لو حاجه بسيطه كان صلحو هو كاوتش يعنى حوالى 300 او 350 الفرده بليه واسطوانه وديسك ب 650 و 150 تركيب
وانا كنت شارى عربيتى ب 33 بس 1300 وفيها باور وجنوط بس كانت حاله ( طبعا قبل ما اطلع عين اللى اشتراها اللى هو انا عشان انا جديد )
اصبرى شويه وسيبك من التجار ومتستعجليش لان العربيات فيها حوااااااراااااات كتير
وقاعده اساسيه وانتى بتشترى تشوفى الرخصه باسم المالك ولا لأ ولو باسمه شوفيها من فتره ولا لسه مغيرها لو من فتره يبقى كويس لو لسه مغيرها ممكن يكون برضو تاجر بس بيفهم
وبرضو استنى راى الافاضل هنا متستعجليييييييييييييييييي يييييييش

ربنا يكرمك أخى hamada_elzayat جزاك الله خير الجزاء مش هتصدق لو قولتلك أنى بقالى 6 شهور بنزل أتفرج على عربيات من يناير اللى فات شوفت فيات اونو 2006 و بونتو 2000... سوزوكى التو 2006 و 2007 سويفت 93 و 92.. رينو كليو 2000 و 2001 و 2002 و 2003 ميجان 2002 ... أوبل كورسا هاتشباك 99 و سيدان 2005 كان فيها بارومه فى السقف بشع و صاحبها كان ماسك فى 40 الف شوفت هوندا سيفيك 91 وكانت عايزه حاجات كتير و صاحبها ماسك فى 37 الف
شوفت لادا 2107 مو 2004 - فيات تيبو هيونداى إكسيل 96 بولو 97 و اتنين 99 و التالته هشوفها بكرة إن شاء الله لو كان لينا عمر
ده اللى انا فاكره واللهى وكل مره مصاريف و أخويا وبنتى معايا و ممكن أوصل لمرحله الرفع و الكشف لدرجه ان بقى نفسى البس فى أى عربيه حتى لو وحشه بس معرفش قبلها .........
المهم انا لم أيئس من رحمه ربى أنو يرحمنى انا و بنتى من التوكوسه فى يوم
أسفه طولت عليك
ربنا يجازيك خيرا"