إكصدام و شنطة الفلونيس

**bambino2013** · 15-06-2013 02:56 AM

السلام عليكم و رحمة الله
أنا كنت موجود في المنتدى بإسم bambino 2011 و بعدين الحساب مش عاوز يفتح فعملت حساب بنفس الإسم
أنا معايا فلوانس من شهر 10 اللي فات إمبارح و بقدر الله العربية مركونة امام البيت و جت عربية خبطت العربية اللي ورايا فالعربية اللي ورا ريحت على الفلوانس المهم الشنطة مش بتقفل لأن الإكصدام إتخبط و الجزء اللي وراه إترحل شوية فعايز زرجينة ترده و الإكصدام إتشرخ في الجنب الشمال بس يترد على السخن مش البارد ياترى رأيكم أروح التوكيل و لا بره و هل الوكيل هيرضى يعدل الإكصدام في قسم السمكرة و لا لازم يتغير كله .
أنا رحت لواحد سمكري بره قالي الموضوع هيتكلف حوالي 200 جنية فقط غير دهان الإكصدام
بس طبعا في الوكيل الإكصدام لن يقل عن 2500 جنيه ومعرفش المصنعية للزجينة هتبقى كاك ياريت حد يفيدني ؟
وجزاكم الله خيرا

**bambino2013** · 15-06-2013 09:29 PM

مفيش حد عايز يساعدني أول مرة تحصل , كل مرة كان أحباب المنتدي بيساعدوني
لعل المانع خير
عموما أنا رحت الوكيل و قاللي التكلفة هتكون 7 ألاف جنيه بس بصراحة مبالغين جدا
الإكصدام ب2550
الظهر الموجود خلف الإكصدام الخلفي 2000 جنية
المصنعية 2500
و الله أعلم ده شامل ضربية المبيعات و لا لأ
و هيبدأ يشتغل فيها بعد 10 أيام لأن عندهم ضغط شغل .
و الحمد لله على كل حال

**dedo_ryo** · 16-06-2013 12:48 AM

عاااااااااااااااااااالي جدا ........... متعملها بره و هتكون اقل كتييييييييييييييييييييييي ير زي ما انت قولت 200 جنيه للزرجينه و حوالي 400 رش الاكصدام و 100 احتياطي لو في كلبس اتكسر ولا حاجه لكن الرقم الخزعبلي بتاع التوكيل 7000 جنيه ده كتييييييييييير

**ahmadm** · 16-06-2013 12:36 PM

السلام عليكم
روح للحج سمير على فى الحرفيين انا من كم شهر عربية اخويا حصل فيها حادث و ظبطناها عندة انت مشكلتك بسيطة زرجينة شنطة مش عارف بكام احنا كان عندنا كذا زرجينة .بس رش الاكصدام حوالى 200 جنية عند خالد العسكري ( حد نظيف) و على فكرة قابلت واحد فى التوكيل كان عامل عندهم زرجينة شنطة و كانت معمولة وحش جدا و فية فرق واضح و بتعض كمان و هية بتقفل سيبك من التوكيل فى اعمال السمكرة و الدوكو و ممكن كمان تروح ورشة نايل موتورز بتاعة الاستاذ كريم صاحب المنتدى.

و دة موضوع كنت عاملة عن الحادث بالاسعار

http://www.nilemotors.net/Nile/330841-2012.html

**bambino2013** · 16-06-2013 11:08 PM

طيب أنا سايب عندهم العربية من إمبارح عشان وهم قالولي مش هنشتغل فيها قبل عشر أيام فهل ممكن أروح أسحبها منهم
و النقطة التانية أنا ساكن في أكتوبر و معرفش أروح الحرفيين ياريت لو توصفلي أروح إزاي .

**ahmadm** · 17-06-2013 01:16 AM

المشاركة الأصلية كتبت بواسطة bambino2013

طيب أنا سايب عندهم العربية من إمبارح عشان وهم قالولي مش هنشتغل فيها قبل عشر أيام فهل ممكن أروح أسحبها منهم
و النقطة التانية أنا ساكن في أكتوبر و معرفش أروح الحرفيين ياريت لو توصفلي أروح إزاي .

روح خدها من عندهم عادى

جاى من صلاح سالم للأخر اطلع الكوبري و انزل شمال و خد اول يمين هاتلاقى مدينة السندباد على شمالك خد للأخر هتلاقى كوبري فى وشك انزل من تحتة شمال كدة انت فى جسر السويس اسال اى حد هايقولك على الدخلة و ربنة يكرم انشا الله