إكصدام ريجاتا

**SHLD** · 11-02-2008 03:40 PM

يا ريت يا جماعة حد يدلني إذا كان الاكصدام الخلفي والامامي للشاهين ينفع يركب علي ريجاتا ولا لآ لآن فرق السعر بين الاثنين كتير يا ريت حد يدلنا وياريت المهندس سبعاوي يرد علينا في الموضوع ده

**sherif_84** · 12-02-2008 08:17 PM

هما ممكن يركبوا لكن مش هيبقوا مظبوطين زى الشاهين طبعا لأن أماكن الربط مختلفة فى السيارتين ولكن ممكن لو سمكرى كويس يكبسهولك فى مكانه فى الريجاتا لكن اسمحلى أسألك
هى اكصدامات الريجاتــا غالية للدرجة دى ؟؟؟؟؟؟؟ أرجو الافادة

**hazem_khidr** · 13-02-2008 06:06 AM

زي ما الاستاذ ششريف قالك بالضبط
من رايي هات اكصدامتها لو متوفرين احسن و اشيك

**SHLD** · 13-02-2008 10:57 AM

أنا سألت مرة تقريبا واحد قالي الريجاتا الاكصدام حوالي من 350 إلي 400 في حين الشاهين بيعنل حوالي 120 وأنا عايز أغير الاثنين

**sherif_84** · 13-02-2008 03:10 PM

المشاركة الأصلية كتبت بواسطة hazem_khidr

زي ما الاستاذ ششريف قالك بالضبط
من رايي هات اكصدامتها لو متوفرين احسن و اشيك

حازم باشا وحشتنا عامل ايه طمنا عنك ( :

**hazem_khidr** · 13-02-2008 04:42 PM

عارف اني مقصر و الله يا شريف بيه معلش اعذرني اليومين دول

**sab3aawy** · 13-02-2008 04:51 PM

العربية الربجاتا اعرض شوية من الشاهين واكصداماتها شكلها مختلف شوية

اكصدامات الشاهين هتركب مكان بتوع الريجاتا، لكن مش السهولة اللى انت متخيلها، بنحتاج نحف شوية من الإكصدامات من الشفة العليا فى الجنبين وبيحتاج شوية تظبيط فى اماكن تركيب الصواميل

وبالتال اللى هيركبه لازم يكون فنان مش سمكرى من بتوع على ما تفرج

فلو انت تعرف واحد فنان توكل على الله، وافهمه من الأول انت عايز تعمل ايه، لو السمكرى اللى انت تعرفه سمكرى عادى يبقى اشترى اكصدامات الريجاتا، إلا صحيح هى اكصداماتك الحالية ايه ظروفها؟

**SHLD** · 14-02-2008 12:04 PM

أخيرا يا باش مهندس سبعاوي رديت علينا وعلي فكرة أتمني أتعرف علي حضرتك وعلي فكرة أنا مهندس ميكانيكا في شركة بتروجت يعني مشروعات وتصنيع وعلي فكرة مواضيع حضرتك لفت نظرنا جدا أنا وزملاتي وحضرتك بقيت بالنسبة لينا السبعاوي ملك النت مع إني معاي واحد زميلي كان شغال في مركز خدمة أبو غالي بس فترة صغيرة ويا ريت لوحضرتك عندك قابلية للتراسل معنا يا ريت تراسلني وعلي فكرة أنا معاي ريجاتا وشكل الاكصدمات مقبول ويا ريت تراسلني لاني عايز أسألك شوية حاجات عن الريجاتا خاصة عشان أخلي شكل العربية حلو

**مواطن مصرى** · 15-02-2008 12:30 AM

الاستاذ شيلد

بصفتى من ملاك الريجاتا انصح حضرتك بلاش لعب فى الشكل الخارجى
اشترى اكصدامات الريجاتا الاصلية احسن لان تركيب اكصدامات الشاهين فيها 3 مشاكل

1- فارق العرض بين الشاهين و الريجاتا
2- اماكن الصواميل مختلفه
3- صعوبه التركيب

و بصفه عامه انا علمنى الزمن الا اشترى اى قطعه غيار للسيارة غير القطعه الاصلية المخصصة لها
صحيح ممكن تكون اغلى
صحيح ممكن اتعب على ما الاقيها
لكن صدقنى هترتاح لو فكرت بمبدأى

و بعدين طالما حالة الإكصدامات كويسه ليه بتفكر تغيرها ؟!

مع خالص تحياتى

**SHLD** · 17-02-2008 12:00 PM

شكرا يا أخ مواطن مصري علي النصيحة وعلي فكرةأنا إسمي سامي بس إنت عارف العربيات المستعملة الواحد بيحب ساعات يظبط فيها وعلي فكرة أنا عايز أستفسر علي حاجة منك بخصوص عداد السرعة كان الاول مش شغال بعدين وديته لكهربائي فكه ونضفه وبعدين إشتغل لمدة ييجي شهر إمبارح حسيت إنه بدأيتقل بس إكمني داخل البلد وعلي فكرة إستخدامي للعربية قليل جدا جدا مش عارف السبب من إيه بس أنا بيتهيائلي في السرعة العالية ممكن يبقي كويس وهو دلوقتي بياخد وقت وهو بيعلي ووقت وهو بينزل بس بيشتغل