المشاركة الأصلية كتبت بواسطة aelmostafa76
شكرا جزيلا ليكم جميعا
انا فعلاً متخوف جدا من شراء الأسبيرانزا لأن الصيني عموما في مصر في أي منتج بيكون سيئ للغاية حتى و لو كان شكله حلو رغم اني برضه ساعات باقعد مع نفسي و اقول ما فيه ناس كتير شرينها و ماشيين بيها في الشارع و كمان الكماليات بتاعتها وهمية مقارنة بسعرها. لكن لسه واحد صحبي قايلي حكاية من شوية ان فيه واحد يعرفه كان اشترى عربية شيري و طبعا هي من نفس العائلة و كان لسه جايبها من اسكندرية و راجع بيها على القاهرة و هو راجع لبس في نقرة او مطب حاجه زي كدا و العربية فضلت تعوم بيه و لقى سبحان الله السوسته بتاعة العربية طلعتله من الكبوت و لما رجع للتوكيل اللي هو اشتراها منه قالوله ده عيب سواق. هو طبعا اكيد فيه جزء من المشكلة عيب سواق لأن الواحد و هو ماشي لازم يكون حذر لكن مش لدرجة ان السوستة تطلع من الكبوت ؟؟؟
و صاحبي ده برضه لما سألته على الجين2 قالي انها عربية حلوة أوي بس مشكلتها الوحيدة الجير بوكس بتاعها (الفيتيس) بيبوظ بسرعة و ضعيف التحمل.
على كل حال انا ممكن استنى الـ Persona لأن شكلها هتكون عربية ممتازة.
بس ياريت لو حد يعرف سعرها يقولي و كمان يقولي نظام الدفع بيكون ازاي.
و شكراً
