يا ريت يا جماعة لو حد يقارن بين الأسبيرانزا الصيني و البروتون الماليزي من جميع الأوجه بحيث تكون مقارنه شاملة من جميع الأوجه :smile:
=================
يرجى عدم الكتابة باللون الاحمر
حيث أنه مخصص لأستخدام الأدارة فقط
وشكرا
الأدارة 3
يا ريت يا جماعة لو حد يقارن بين الأسبيرانزا الصيني و البروتون الماليزي من جميع الأوجه بحيث تكون مقارنه شاملة من جميع الأوجه :smile:
=================
يرجى عدم الكتابة باللون الاحمر
حيث أنه مخصص لأستخدام الأدارة فقط
وشكرا
الأدارة 3
حضرتك بتقارن موتور من انتاج شركة Lotus الانجليزية و تقفيل الماليزي بموتور نمساوي زي الي متركب في الاسبرانزا A516 و تقفيل صيني
السلام عليكم و رحمة و الله و بركاته
أولا أي عربيتين في العالم ممكن يتقارنوا ببعض
مفيش أي مشكلة
بس أي بروتون
واجا
ويرا
أو جين 2 ؟؟؟؟؟؟؟؟؟؟
لو حضرتك عايز معلومات عن الجين 2
فيه في القسم معلومات كثيرة و مواضيع جمة تستطيع أن تتزود منها و لو عندك أي إستفسار ......... ما عليك إلا ان تضعه هنا و إن شاء الله نحن ملاك الجين 2 سنجاوبك بإذن الله
و بالنسبة للإسبرانزا ......... حضرتك ممكن تدخل قسم الصيني و السادة ملاك السيارة يقدروا يجاوبك بأفضل الأجوبة لأنهم هما اللي جربوها
----------------------
موتور الجين 2 مش إنجليزي نهائي
موتور الجين 2 تم تصميمه بالتعاون مع لوتس فقط
أما الصناعة فهي لبروتون
و ده شئ موضع فخر و ليس العكس
أولا العربية لها هويتها و لها أساسيتها مش تجميع من هنا و هناك
و لذلك
أكرر ............ مواتير كامبروا هي أول مواتير من إنتاج شركة بروتون و تم تصميمها فقط بالتعاون مع لوتس
و شكرا
7aram 3aleek ya ragel , de mokarna la ma7all laha mn al e3rab!!! :D akeed el proton afdall
بص بلاش تضيع وقتك لأن أنت بتقارن عربيتين بعيد عن بعض في كل حاجة أنت ممكن تقارن الأسبيرانزا مع الجيلي مثلا أو Byd أو الشيري ولو معاك فلوس البروتن قارنها بالأوبترا أو السيراتو أو... الكوري أقصد كمرحلة أولى
شوف أنت أهم حاجة عندك في العربية الي أنت عيزها وأعمل مقارنتك على أسسها
و عليكم السلام و رحمة الله و بركاته يا أخ توت
انا بالفعل دخلت على منتدى نادي الأسبيرانزاوية و لقيتهم بيقولوا في احد المقارنات أن الأسبيرانزا افضل من الجين 2 لأنها بسعرها و كمالياتها تتفوق كثيرا على الجين 2 و موتورها مش عارف من تصميم شركة كبيره مش فاكر قالوا اسمها ايه المهم انهم رجحوا الأسبيرانزا الـ A620 الـ 2000 CC على الجين 2 الـ 1600 CC بس كنت عايز حد من هنا عندكم يرد على كلامهم ده لأن انا بصراحة ماعنديش خبرة في السيارات و ناوي اشتري واحدة و امكانياتي كمان محدوده.
و كنت عايز اعرف هي الأسعار اللي انتم بتكتبوها دي اسعار الكاش وللا التقسيط و لو تقسيط بتكون على كام شهر و ازاي بتتحسب الفايدة و كدا يعني . يا ريت شرح تفصيلي للموضوع ده لأني مش فاهمه.
:smile: و شكرا
و عليكم السلام و رحمة الله و بركاته يا اخ توت
انا بس كنت عايز اعرف لو حد يرجحلي هل الجين 2 افضل أم الأسبيرانزا A516 من جميع الجوانب و هل لو عندي أمكانيات اجيب الأسبيرانزا A620 اجيبها بما فيها من امكانيات كبيرة وللا اجيب الجين 2 .
و كمان كنت عايز اعرف الأسعار الكاش تفرق اد ايه عن التقسيط و لو تقسيط يبقى نظام الفايدة بيتحسب ازاي احسن انا معنديش فكرة عن الموضوع ده.
و شكرا:smile:
المقارنة كدة برضة مختلفة من من اوجة كثيرة
1- الجين2 1600 سبيرنزا 2000
2- الجين 2 فى سعر 90000 سيبرنزا فوق 100000
3- الحجم الصالون الشنطة لصالح سبيرنزا
4- الكماليات تقريبا واحدة فيما عدا موضوع الشاشات dvd
5- الجين2 ماليزى 100 % السبيرنزا صينى مصرى ومكونات من شركات اخرى
6- الجين2 رياضية شكل ثورى سيرنزا عائلية شكل كلاسيك عادى
7- الجين 2 التوكيل ارحم يكتير من فتوحححححححح
يبتهيالى متنفعش المقارنة دة لان العربيتين مش من نفس الفئة :svengo:
لكن لو 516 يبقى جين222222222
سبحان الذى سخر لنا هذا وماكنا لة مقرنين وانا الى ربنا لمنقلبون
الأخ العزيز khpopo
وضح و أفصح و أبان
بس أنت بتقارن عربية كبيرة عائلية و موتورها 2000 سم مكعب
بعربية تانية شبابية و رياضية و موتور 1600 سم مكعب
نتكلم
قوة الموتور ....... أكيد 2000 سم مكعب أقوى في العزم و الحصان
العربية أوسع من الجين 2 في الصالون و الشنطة
العربية كلاسيكية بحتة بحتة بحتة ........... يعني كلاسيكي خالص
إنما الجين 2 العكس تماما شكل رياضي و شبابي
بالنسبة للمقارنة كعربيتين
أنا بصراحة مش بحب الصيني لسبب بسيط
أن العربيات الصيني من كل بستان زهرة و ملهاش أصل و فصل
لو بدأو يهتموا شوية بالإسم و توحيد المكونات و تصنيعها محليا و تطوير السيارات بنفسهم ..... أعتقد الناس هاتبدأ تفكر في عربياتهم بشكل أفضل ( و دي وجهة نظر الشخصية )
إنما الجين 2 من شركة معروفة و لها شراكة مع شركة معروفة و بعدين العربية بتتباع في انجلترا
على عكس الشيري اللي أبو الفتوح مسميها أسبرانزا
و مفيش ماركة على فكرة أسمها اسبرانزا ....!!!!
لو عايز عربية فخمة بسعر رخيص خليك في الإسبرانزا بس أستحمل الضرائب العالية على المواتير الكبيرة بالإضافة إلى إستهلاك البنزين العالي في الإسبرانزا 620
أنا رأيي ..........
بُص على الواجا برضه ........... و حطها في الإعتبار
و برضه فيه عربية روعة تانية أنت مش واخد بالك منها
النيسان صني سوبر صالون بنفس سعر الإسبرانزا تقريبا
بس بجد روعة
و ربنا معاك