معلش يا جماعة استفسار كمان :
يا ترى انخفاض العربية من تحت يعمل مشكلة مع المطبات الغير مدروسة اللي عندنا في مصر ؟؟ و انتم طبعا عارفين المطبات عاملة ازاي.
و يا ترى الجين 2 أو الواجا أفضل من الدايهاتسو و المتسوبيشي و التويوتا ياريس؟
و شكرا
معلش يا جماعة استفسار كمان :
يا ترى انخفاض العربية من تحت يعمل مشكلة مع المطبات الغير مدروسة اللي عندنا في مصر ؟؟ و انتم طبعا عارفين المطبات عاملة ازاي.
و يا ترى الجين 2 أو الواجا أفضل من الدايهاتسو و المتسوبيشي و التويوتا ياريس؟
و شكرا
أنا مش متأكد من الواجا قوي
إنما الجين 2 مش واطية و مش بتحك في أي مطب حتى و هي محملة
قول متطلباتك من العربية
و أحنا نرشحلك شوية عربيات تختار منهم
يعني مينفعش تدخل كل عربيات مصر في مقارنات مع بعض
أنت تذكر أحتياجاتك من السيارة
و أحنا نرشحلك شوية أنت بنفسك تختار منهم
و الله الموفق
كلام الاستاذ توت مظبوط العربية الجين 2 مش بتحك ابداً في اي مطب و عن تجربة انا في مرة كنت مركب معايا 4 غيري يعني 5 في العربية و طلعت بيها المطبات ومفيش اي مشكلة خالص و اعتقد ان ممكن الواجا تكون نفس الارتفاع علي اساس ان العربية الواجا العفشة الي شيلها هي نفس العفشة بتاعت الجين 2
المتطلبات:
1 - عربية تعيش كتير مش سنتين تلاتة و اقعد جنبها اندب حظي.
2 - قطع غيارها تكون متوفرة و مش غالية.
3 - سحبها في البنزين يكون معقول مش سفاحة بنزين.
4 - ثباتها يكون عالي على الأرض.
5 - لا تحتك بالمطبات المقرفة اللي في شوارعنا.
6 - صالون واسع و مريح.
7 - شنطة واسعة.
8 - شكل خارجي انسيابي و جميل.
9 - حجم البادي ليس ضخم ليتلائم مع التكدس المروري.
10 - فيها الكماليات (تكييف قوي - سنتر لوك - باور ستيرنج - مثبت سرعة - جهاز انذار - زجاج كهربائي - وسائد هوائية - كاسيت و سماعات متميزين).
11 - سعر مناسب بحيث لا يزيد قسطها عن 1000 جنيه مع مقدم 10% من سعرها.
يا ترى فيه عربية تناسبني فيها المواصفات دي ؟؟؟؟؟؟؟؟
ارجو المساعدة .
اعتقد يامصطفى طلباتك كلها على بعض صعبه اوى
وان كانت النيسان صنى اقربهم بس موضوع التقسيط ده مقدرش افيدك لانك باللى انت كاتبه عايز عربيه فى حدود 60 الف
لو 100 الف ومقدم 10% يعنى اللى فاضل هيكون 90 الف
لو على 5 سنين يعنى فائده بالضمان حوالى 10% يعنى 50% فى الخمس سنين يعنى 135 الف على 60 شهر يكون الناتج تقريبا 2250 جنيه قسط شهرى
لازم تضحى بطلبات من اللى انت عايزها
يا خبر
طيب انا مش فاهم ايه الإعلانات اللي في الجرايد اللي بيكونوا عاملين فيها جدول كاتبين فيه المقدم و القسط
تلاقي مثلا عربية تمنها 86000 جنيه يقولك المقدم 8600 جنيه و القسط تلاقيه اقل من 1000 جنيه . طيب الناس دي بيحسبوها ازاااااااااااااااي انا مش فاهم.
و هو مثلا سعر الجين 2 85000 جنيه كااااااااش وللا ده اجمالي السعر في القسط و لو كاش هيكون سعرها اقل . انا مش فاهم حاجة و الموضوع عامل زي الألغاز و مش فاهم ليه المواضيع المالية دي مش بتتشرح بالتفصيل.
يعني ممكن اي حد من الإخوة في المنتدى اشترى العربية بالقسط يشرحلنا هو دفع كام مقدم و الأقساط هتكون كام و هما حسبوهالوا ازاي و يا ريت لو حد يقولنا الشراء من التوكيل بيكون نظامه ايه و لو من تاجر عادي هيون ايه؟؟
و شكرا
الاخ الفاضل
واضح انك موش عايز تتعب شوية و كل حاجة تبقى مشروحة ليك
يااخى الفاضل انزل على اى معرض من اللى عامل اعلان و اسالهم كده و شوف نظامك ايه فى المقدم و القسط و المتطلبات بتاعتهم علشان تاخد اقل فائدة و علشان تبقى عارف استحالة هتاخد فائدة اقل من 7 %
و المواصفات اللى حضرتك ذكرتها مع السعر اللى انت بتقوله هايبقى الكلام ده و لا فى الاحلام و استحالة تتجمع فى عربية واحدة
لو عايز رايى هارشحلك النيو اكسنت 1400 سى سى و كانت ترشيحى لاحد الاصدقاء و العربية ماشاء الله عاجباه جدا هى بقالها معاه اكثر من سنتين و مبسوط منها جدا
مافيهاش كل الكماليات اللى انت عايزها بس هى عربية ممتازة و سعرها فى حدود80000 جنيه او اقل
بس رايى توصل المقدم لـ 25% علشان تعرف تركب عربية كويسة
والله اعلم
1 - ممكن جين 2 أو واجا أو نيسان صني
بس الجين 2 و الواجا الجديدة على الطرق السريعة ....... ممتازين
2- لانسر و لو أن البروتون في طريق الإنتشار الشديد اﻵن مما سيساعد على إنتشار قطع الغيار بسعر معقول و هي اﻵن موجودة بسعر معقول و لكنها ليست منتشرة في كل مكان مثل اللانسر مثلا و موجودة في التوكيل إن شاء الله
3 - الجين 2 و الواجا .......... بس قبلهم أي عربية 1300 هاتكون أحسن داخل المدن زي الياريس أو السيتي مثلا
4 - الجين 2 و الواجا و النيسان صني
5- جين 2 وواجا و ياريس
6- نيسان صني ثم واجا ثم جين 2
7 - جين 2 و نيسان صني وواجا بدون ترتيب
8 - جـــــــــــيــــــــــــ ن 2
9 - أعتقد الهاتش باك يكسب في النقطة دي و فيه عندك بونتو و سيريون
10 جين 2 أو واجا
11 - و لا عربية في حدود 80 ألف تناسبك
اقتباس:
تلاقي مثلا عربية تمنها 86000 جنيه يقولك المقدم 8600 جنيه و القسط تلاقيه اقل من 1000 جنيه . طيب الناس دي بيحسبوها ازاااااااااااااااي انا مش فاهم.
و هو مثلا سعر الجين 2 85000 جنيه كااااااااش وللا ده اجمالي السعر في القسط و لو كاش هيكون سعرها اقل . انا مش فاهم حاجة و الموضوع عامل زي الألغاز و مش فاهم ليه المواضيع المالية دي مش بتتشرح بالتفصيل.
ثمن الجين 2 كما ذكرت من قبل هو 83500 نقدا للمانوال
بالنسبة لموضوع القسط
أنت علشان تحصل على قسط صغير لازم تدفع مقدم كبير
و الكلام اللي بتشوفه في الجرايد ........... ده كل اعلانات
كده ميزانية حضرتك مال تجيبش جين 2 أو واجا أو أي عربية في حدود 80 ألف
يبقى كدا لازم تنزل شوية و فيه عندك
فيرنا ......... لانوس ....... أو أسبرانزا
[QUOTE=aelmostafa76;390861]يا خبر
طيب انا مش فاهم ايه الإعلانات اللي في الجرايد اللي بيكونوا عاملين فيها جدول كاتبين فيه المقدم و القسط
. طيب الناس دي بيحسبوها ازاااااااااااااااي انا مش فاهم.
[/QUحضرتك اللى فاعلانات الجرايد دا اقل مقدم ممكن تدفعه أو اقل قسط تحب تدفعه انما المقدم اللى مكتوب مش بتاع القسط اللى اودامه والا مكنش حد غلب .
دى مجرد حركة جر رجل الزبون للمعرض
لازم تاخد بالك من لغة الاعلان
يعنى اقل مقدم مثلا 8000 جننيه ... بيبقى تقريبا 10% واقل قسط 900 جنيه
محدش قال ان المقدم ده بتاعه القسط ده .. واخد بالك
يعنى عادة المقدم ال 10% ده هتلاقى فائده بتوصل بالتأمين لاكتر من 12% ان مكانش اكتر كمان ..
انما القسط ال 900 جنيه على المقدم ال اكتر من 50%
وكل مازاد المقدم يقل الفائده وبرضوا حسب السنين
يعنى اللى بيدفع مقدم 10% بيدفع اعلى فائده على التقسيط مع تثبيت عدد السنين
وطبعا المقدم ال 25% الفائده بتبقى أقل
نيجى بقى لنقطه تانيه .. عدد السنين .. اللى بيقسط على 3-5 سنين عادة بياخد فائده غير اللى بيسمح للتقسط على 6-7 سنين مثلا ...
نقطه اهم .. الضمانات .. اعلى فائده للتقسيط بالبطاقه واقلها للتقسيط بضمان شهادات او وديعه
انا حبيت اشرح مش اشجع على التقسيط ... لان لحد دلوقتى مفيش اى تقسيط مفيش عليه شبه الحرام ودور فى المنتدى هتلاقى الموضوع ده قتل بحثا
التقسيط حراااااااام اللهم بلغت اللهم فاشهد