شوفوا الفيديو دا وشوفو التعليقات بتاع الملاك كدا يا وحوش
Renault Megane 2 Wont Start??? - YouTube
عرض للطباعة
شوفوا الفيديو دا وشوفو التعليقات بتاع الملاك كدا يا وحوش
Renault Megane 2 Wont Start??? - YouTube
يعنى مش ممكن مارش؟ وفين المارش فى العربية ؟ وهل فكه فيه مخاطرة ؟ لأنى جربت بطارية غيرها بتاع عربية ربع نقل بس كانت بطارية سائلة .... العربية كانت بتعمل نفس التكة بس فى مرة من المرات المارش لف بتاع ربع لفة كدا
بس خلاص الأعطال راحت ومبقتش بتهيس مع البطارية اللى ركبتها بكرة أجرب بطارية تالتة
عربيتى أوتو ما هى لو مانيوال كانت خلصت .... أنا كنت عايز أعرف فين المارش
العيب الى عندك مش مارش وعلى العموم المارش هتلاقية وا بين الفتيس والموتور وراكب فى الفتيس ومكانة رخم جدااااا ولازم تبقى مامن العربية كويس وانت بتحلة علشان انت كلك حتبقى تحتها والعربية لو وقعت من على الكوريك هتبقى كارثة وعلى العموم كبر دماغك من المارش انت عندك مشكلة كهربة مش مارش
جربت بطارية 62 أمبير .... المارش دار سريع ...بس مرضتش تدور ... أشوف الطرمبة بقى
كدا يا إما بطارية أو شحن الدينامو ضعيف صح ؟
٦٢ أمبير من ٧٢ أمبير مش هتفرق للدرجة أنها متقومش العربية و ده مش شحن دينامو علشان الشحن مش هيظهر عيوبه إلا بعد الدوارة و أنت عربيتك مش دايرة أصلاً
سؤال بسيط......أنت أخدت واصلة من البطارية ال ٦٢ أمبير و لا شلت بطاريتك و حتطها؟
شلت بطاريتى وحطيتها .... ا لعربية دارت مارش بس طرمبة البنزين مش مغذية
الموتور اللى ر اكب فيها لسة مركبه جديد بس صينى أكيد ملقتش غيره بس معتقدش ان هو السبب
طيب تعرف فيوز طرمبة البنزين رقم كام لأن عربيتى 2007 مش معايا الخريطة بتاعتها
لكن اللى أ تأكدت منه أن لما البطارية تبقى نايمة بتخلى العربية تخرف بجد
لما ركبت البطارية ال 62 العربية اشتغلت تمام ومخرفتش ودارت بس مفيش بنزين خارج من الطرمبة .... فكيت خرطوم الطرمبة مفيش بنزين طالع منه
انت ممكن تفك خرطوم البنزين الداخل على الماتور و تحطه فى ازازة مية و تفتح الكنتاكت , مع فتح الكنتاكت الطرمبة بضخ بنزين على الاقل لازم ينزلك بنزين فى حدود ربع الازازة الصغيرة او نص كباية من الكبيات العادية و تنزل بضغط.
لو محصليش كده تبقى الطلمبة قطعة و ممكن يكون الخرطوم بتاع الماتور الجديد سايب و بيهرب البنزين تانى على التانك.
انا اشتريت قريب ماتور بوش اصلى كان تمنه 220 فى شارع دمشق ممكن اديلاك بيناته لو حابب انا لسة عندى العلبة
و البطاريات الجافة لما بتضرب بتقطع خالص مش حتى بتخلى المارش يقوم حصلت معاية اكتر من مرة