الموضوع: مشكلة جدية وشغل جنان مع ميجان

السلام عليكم

بابا وهو راجع من من مشوار كدا بطل العربية نزل يشترى حاجة وكان معاه واحد قريبنا من البلد سايق له المهم العربية مرضتش تدور

حاولوا يمين شمال العربية مش راضية برضه

اتصل بيا خدت عربية ربع نقل ورحت له .....خدت معايا جركن بنزين ومفك وكماشة وموتور الطرمبة القديم قلت يمكن طرمبة البنزين عملتها لأن اللى راكب فيها موتور صينى

وكانت الصدمة

العربية مهيسة خالص

تدور كدا تلاقى الشاشة فصلت وتكة بسيطة المارش حتى مش قادر يقوم طبعا اتأكد انه مش عيب بطارية الباور كان شغال

دست start لمدة 5 ثوانى بدون فرامل عشان أشوف الكهرباء إيه نظامها .... الباور اشتغل .... ولكنه كان تقيل شوية ( الواضح أن البطارية مع كتر محاولات ال تشغيل وتشغيل النور تعبت )

فصلت وعملت تانى نفس الكلام المرة دى بقى نورت لمبة ال ABS

قررت أنى أقطرها طبعا كنت محرر الدركسيون وحاطط الفتيس على N

قطرتها لحد البيت أثناء القطر بقى ظهر الآتى Brake fault وصفارة تنبيه سريعة عمرها ما ظهرت معايا قبل كدا والشاشة كانت بترعش زى ما يكون العربية حاسة بالسرعة اللى ماشية عليها وفى نفس الوقت عارفة أنى مش معايا فرامل لأن الموتور واقف ... بس أنا كان معايا هاند بريك

والانتظار اشتغل لوحده حاولت أطفيه معرفتش !

وبعدين سكتت وراحت ورجعت تانى تصفر

بعد ما رجعت بسلام للبيت

العربية مهيسة برضه المساحات تلاقيها بتشتغل لوحدها !
أفصل البطارية طبعا
الأبواب مقفولة كلها والعربية مش راضية تقفل وبتديك الصوت كأن باب مفتوح ولا بترفع الزجاج

أفصل البطارية وأركبها تقفل وترفع الزجاج

الكاسيت مش شغال

رسالة بقى غريبة جدا

طبعا أنا وقفت العربية وحاولت أدورها تانى كهرباء فقط يعنى عشان أشوف الدركسيون وأشوف الأعطال على النظام الوهمى
بمجرد ما حطيت الكارت ودست start جابتلى steel wheel +start

انا شاكك فى علبة الفيوزات .... معتقدش إن لو المارش لو جراله حاجة يعمل كدا فى العربية كلها