الموضوع: بالاشارة الى سامح فؤاد منسق قسم هوندا

بالاشارة الى الرجولة و الجدعنة و الشهامة التى فى المهندس سامح فؤاد
انا بصراحة عملت عضوية فى هذا المنتدى الرائع
اولا لاشــــــــــــــــــكر هذا الرجل المحترم المهندس سامح
ثانيا لاشكر كل اعضاء هوندا المحترميين على هذا المنتدى الجميل و يكون لى الشرف ان اكون فعلا عضو معكم فى قسم هوندا
و بصراحة
هذا الرجل لا اجد كلمات شكر توفيه حقه على ما فعل معى من مساعدات فهو فعلا رجل بما تحمله الكلمه من معانى
انا جبت رقم تليفونه من على الموقع و اتصلت به بدون سابق معرفه فقط قلت له انى جبت رقم تليفونه من الموقع رحب بى كثيرا و قلت له انا عملت حادثة كبيرة و قمت باصلاح العربية فى مركز اصلاح وللاسف كان عندى مشاكل فى الفتيس و الموتور و العفشة و الكهرباء
فقال لى لو تحب نتقابل و اكشفلك على العربية فذهبت له على الفور و اخبرنى بالعيوب و المشاكل التى فى العربية
وظل معى فترة كبيرة يصلح بنفسه بعض حاجات فى العربية لدرجة انى كنت محرج منه و قلت له نشوف ميكانيكى ولا كهربائى يعمل الحاجات دى لقيته برضو مكمل شغل و لم يتوقف
المهم بعد ما سبته اتصلت به و قلت له انى ممكن ادفع له اى اتعاب فقال لى هاعتبر نفسى ماسمعتش حاجة منك و رفض بشدة و قال لى احنا اخوات و مفيش الكلام ده بين الاخوات
و اتفقنا ان نتقابل تانى يوم فى الحرفيين و فعلا قابلته و ظل معى ايضا كذا ساعة و بعدين كان فى شغل فى العربية فسبتها هناك فأصر عليا ان يوصلنى لحد بيتى و كنت اتسأل
هل يوجد اليوم احد فيه هذه الصفات من الرجولة و الجدعنة و الشهامة لان احنا بعد الثورة طلعنا اوحش ما فينا مش العكس
فقلت لنفسى يا ريـــــــت لو فى واحد زى الباشمهندس سامح كل عشر اشخاص اكيد حال البلد دى كان هيبقى احسن من كدة 1000 مرة
المهم قلت لاهلى على ما فعله معى الباشمهندس سامح ماكنوش طبعا مصدقيين هما كمان و قالو لى معقول لسه فى حد بالجدعنة و الشهامة دى
ادعو الله عز و جل ان يجزيه عنى خير الجزاء و ان يجعل كل هذا فى ميزان حسناته و ان يحفظه من كل شر و ان يوفقه و يعطى له كل ما يتمناه و اكثر
و اسف جدا للاطالة