الموضوع: بخصوص السيريون 1300 سى سى

دي صورة كان أخونا على صورها في المعرض وهو بيستلم عربيته

المشاركة الأصلية كتبت بواسطة osama_alam

على فكرة للي عنده الموديل ده من الكاسيت يا ريت ميشلش الوش كتير ويركبه تاني لأنه عندي مبقاش ثابت ومش عارف اعمل ايه في المشكلة ديه

ليه انت عملت في ايه بس

عالعموم هو مش المشكلة في الفك والتركيب هيا المشكله انه يتفك صح وميطغضشي عليه جامد
لأن اي وش في اي عربيه بيقى بكلبسات ضغط على حوافه
فلو حد اتعافى عليها بعد فتره بتلين
ولكن ممكن الموضوع يتظبط
لو تعرف تصورهولي يبقى كويس وان شاء الله تتحل

المشاركة الأصلية كتبت بواسطة osama_alam

معلش يا ابو عبد الله تعبك معايه انا رحت لحد علشان يصلحولي بس طلعه وركبه تاني ركب عادي جدا فالمهم هوه راكب دلوقتي والحمد لله ومش ححاول اخلعه تاني :)

طيب جميل يعني خلاص ركب مظبوط
الحمد لله

اصل هيا عاديه يعني مفيهاش مشكله بإذن الله

المشاركة الأصلية كتبت بواسطة zamalek26

السلام عليكم

اية رايكم فى العربية؟

ممكن تدونى تعليقاتكم؟؟ بالمميزات والعيوب اللى فيها؟

وياريت تردوا عليا فى موضوع صوت التكتة اللى كا كل الناس بتشتكى منة هل اتحل ولا لسا؟ وهل هوة موجود فى كل العربيات 1300 وال 1500 ولا اية بالضبط؟


على فكرة انا قريبى كان معاه السيريون 2003 وللاسف لما كنت بركب معاه زمان كنت بحث بالطقطة دة فى المطبات..........وكان دائما بيشتكى من الطنابير بتاعة الفرامل وللاسف بردة دلوقتى لاقيت الناس اللى شارية سريون 2008 بتشتكى من نفس العيب ؟

فلماذا؟

انا بعد ما لاقيت نفس اللى كان بيحصل زمان ترددت فى شراء السريون ارجو التوضيح منكم لكل نقطة طلبتها عشن انا هقرر بناءا على توصياتكم وتجاربكم.....

اشكركم جميعا

أولا اهلا بك ياأخي الكريم في المنتدى
ثانيا مسالة المميزات والعيوب دي ماليه الساحة بتاعت دايهاتسو
يعني حضرتك ممكن تقرأ تقييمات اصحابها هتلاقي كل اللي انت عاوزه


اما عن صوت التكته ده
فأولا الصوت ده له تفصيل وسبق وشرحته
ثانيا الصوت ده مالوش اي علاقة بالسيريون القديمة لأن سبب الصوت في تصميم دراع الدركسيون علشان الأمان وعلشان الدركسيون كهرباء والقديمة مكنتش كهرباء كانت باور عادي
فده مالوش اي علاقة بده خالص

ممكن تشوف المشاركة هنا

المشاركة الأصلية كتبت بواسطة أبو عبدالله

السلام عليكم ورحمة الله وبركاته

انا والحمد لله بقالي يومين او اكتر بشوف موضوع الصوت ده
والحمد لله مع كلامي للتوكيل وسؤالهم استطعت أني ااتوصل للأتي وهذا كلام الوكيل مع تحليل مني لأنهم لم يتحدثو اليا في التفاصيل الميكانيكية قوي يعني ولكن بما اني كنت عارف الموضوع من قبل فاستنتجت الأتي :

أولا : احب ان اعرف المشكلة أولا علشان عدم التعريف بالمشكلة بيجعل بعض الناس يفهم الكلام خطأ او يستنتج استنتاجات خطأ وعلشان كده وجب معرفة المشكلة تفصيلا

تعريف المشكلة :

هو عبارة عن صوت زي طقطقه كده خفيفه يصدر من اسفل السيارة من الامام على الجانب الأيمن في الغالب

هذا الصوت ليس مستمر اي ليس على طول الخط وانما هذا الصوت يصدر في حالة واحده بس لا يوجد غيرها
الا وهيا انك تمشي بسرعه معينه على مطبات خفيفه خلف بعضها ( اللي هيا التمويجات اللي بتبقى في الأسفلت ودي سمة مصرية اصيلة )

هذا الصوت ليس له أي تأثير سواء على العفشة او على الباوور او على الثبات او على اي شئ في العربيه من حيث الاداء او العمر الأفتراضي لأنه ليس عيب في التصنيع مؤثر على شئ وانما هو عدم توافق مع الحالة المذكورة مسبقا ولي له اي علاقة بعلبة الدركسيون .

سبب المشكلة :

سبب المشكلة اني من زمان ومن قبل ما اشتري السيريون وانا عارف ان البدلات بتاعت البنزين والفرامل وتصميم الدركسيون مصممين على انهم عند حدوث اي اصطدام لا قدر الله لا يتسببوا في اعاقة قائد السيارة او اصابته منهم
لأن حضراتكم لو عارفين ان في الاختبارات بتاعت التصادم الأوروبية ممكن لو دواسة البنزين مثلا طلعت من مكانها العربيه بتنقص نجمة لأن من الممكن انها تسبب اصابة لقدم السائق واعاقة له من ذلك
ودي انا كنت شوفتها مره في توب جير من قبل

المهم

كلنا عارفين ان السيريون حاصلة على اربعة نجوم في اختبارات التصادم الأوروبية

وانا والله اقعدت أدور على الشرح بتاع الموضوع ده لأني كنت بشوفه عالطول

ولكني اكتشفت ان الموقع بتاع دايهاتسو اتجدد وشال الشرح ده
وكمان مش موجود في الكتالوج بتاع العربيه موديل 2008
المهم انا كنت عارف اني شوفته كمان في الكتالوج واقعدت ادور لحد ما لقيت كتالوج ايطالي عندي لقيت فيه الصور والشرح وفعلا لما ترجمة الشرح لقيته فعلا مظبوط
والصورة اهه

المهم وده علاقته ايه بالموضوع

علاقته اني لما اتكلمت مع التوكيل لقيتهم بيقولوا كلام مشابه لذلك وبما انهم بيتكلموا مع عميل فأكيد هو له حد من الشرح لأنه مش بيتكلم مع مختص في الموضوع

ولكن انا ترجمت الكلام على هذا

اللي اتقالي ان دراع الدركسيون طويل لأنه مصمم للأمان
والصوت ليس له اي تأثير لأن العربيه فعلا كده وهو ليس مشكلة في التصنيع ومالهوش اي علاقة بعلبة الدركسيون فعلا زي ما انا قولت قبل ذلك

وده السبب الاول ان اليابان مش عاوزه تعمل حاجه لأنها شايفه ان العربيه مظبوطة كده
ودي مشكلة في طرق مصر وده بيدل ان المشكلة مش بتأثر على حاجه في العربيه لنها لو هتأثر كانو حلوها لأن الموضوع هيكبر منهم وهما اللي هيدفعوا تمن الحاجات اللي هتبوظ لأنها اكيد هتبقى داخله في الضمان ده غير سمعة العربيه

وان اليابان رفضه أنها تعدل الموضوع ده في الموديلات الجديده بتاعتها ( يعني علشان يتوافق مع الطرق المصرية ) لأنه هيسبب مشكلتين :

الأول : ان الباور بتاع العربيه هيتقل عن الأول .

الثاني : ودي المهمة لهم ان العربيه أمانها هيقل لأن الدراع مش هيبقى أمان للسائق .

وكمان لأنها ترى ان سيارتها جيده ولا يوجد فيها عيوب وهذا ليس بعيب في السيارة وانما عيب في الطرق المصرية



واي استفسار انا موجود وان شاء الله خير

------------------------------------------

وده لنك الموضوع

http://www.nilemotors.net/Nile/showt...=28814&page=10


اما عن الطنابير فسبق وكنت بتكلم مع احد مهندسي التوكيل فذكر لي ان الطنابير داخل الضمان
يعني 100 الف كيلو او 3 سنوات
متهيألي كده يبقى مفيهاش مشكلة ان شاء الله