الموضوع: هل تكييف المازدا 323 له لازمه ولا زي قلته

السلام عليكم ورحمة الله وبركاته
--------
انا بدور علي عربيه مازدا 323 اليومين دول
ولاحظت ان فيه عربيات بتبدأ من 15000 لحد 25000 الف جنيه
والفرق غالبا بيكون في وجود تكييف وكماليات اخرى
اللى بيفرق معايا التكييف وليا شويه استفسارات ارجو من الخبراء الاجابة
1- هل التكييف في المازدا 323 يعمل مثل التكييف في الموديلات الحديثة
2- هل بيأثر علي سحب السيارة ام لا
3- هل بيسبب في سخونيه او اى شئ اخر يضر بالسياره او سيرها في ظروف الجو الحار والزحمة الدائمة !
--------
مع العلم انى جربت التكييف في سيارة لادا 2003
وكان فيها كل العيوب دي لحد ما والدي شال سير التكييف خالص لان مكنش للتكييف اى لازمه
ارجو الرد ضروري جدا
شكرا

zebalaaaaaaaaaaaaaaaaaaaaaaaaaaaa

هل من تجارب اخرى
حلوة التشجيعه بس ريحتها وحشه :d

بص يا كبير التكيف ملهوش علاقه بانه يكون كويس او وحش

ليه بقى ممكن يكون التكيف زى الفل تلج بس العربيه مفتحه من كل حته وانتا تجيب العيب على التكيف

وممكن يكون لون العربيه بيحب الشمس فيخلى العربيه مولعه وتخلى برضه التكيف ما يعملش حاجه

ممكن تشغله وانتا راكن العربيه فى الشمس طوال النهار وتقول عليه زباله

كل ده والتكيف مظلوم

وهى غالبآ الشغلانه كلها فى الكباس لو وحش هتجيب واحد غيره وهيبقى تكيف تلج

انا معايا مازدا 121 قريبه للمازدا 121

وفيها تكيف انا عانيت كتير علشان اشغله وشغلته بس على قد حلاته وده لشويه اسباب

دورة التكيف ما اتعملهاش فاكيوم وفيها هواء ماشى مع الفريون فا مش بيدى البروده التمام

ما جربتهوش الصبح من اخر مره نزلت واستويت ورجعت بسبب ان السربانتينه كانت بتسرب والكباس كان محتاج زيت وانا ماكنتش اعرف وكنت فاكر انى هنزل اتلج فى العربيه والناس بتسيح جنبى :d سيحت معاهم جوا العربيه :d

بقالى اسبوع بشغله بليل ولما بطلع ايدى برا العربيه بحس انى فى رحمه لان الجو برا سخن والجو جوا العربيه ممتاز وامبارح ما استحملتهوش على 2 مع ان العربيه كربراتير

لو الكربراتير والشفاط اللى بيعلى الماتور مظبوطين ولا هتحس باى فرق فى السحب

انا عربيتى 1100 سى سى وكنت بتعذب علشان اشغل التكيف من ساعت ما ربنا كرمنى الحمد لله وغيرت الشفاط وظبطت الكربراتير وانا مش حاسس بالهواء لما بشغل التكيف يعنى ببقى ماشى بالعربيه وافصل التكيف العربيه نفس السحب اشغله تانى نفس السحب

الاول لما كنت اشغله كنت بتهبد على الارض بالعربيه لانها كانت بتأخد عزم الماتور كله ولما ابطله تلاقيها جرت مره واحده زى الهبله

الموضوع كله تظبيط
مافيش شركة هتنزل عربيه فيها اوبشن ونيجى احنا نقول ملهوش لزمه هى الفكره كلها ان العربيات دى مستعمله وللاسف الاستعمال بتاعنا فى مصر زى الزفت بل اكتر من الزفت

لما تأخد العربيه من واحد مهمل ولا بخيل ومش عايز يصرف على العربيه حاجه وكل حاجه تبوظ يعمل نفسه مش واخد باله لانها مش فارقه معاه فلازم تبقى كل حاجه فى العربيات المستعمله ملهاش اى تلاتين لزمه

انا بحاول اشد العربيه على قد ما ربنا بيكرمنى علشان استمتمع بالعربيه عايز اركبها لانها لحد دلوقتى ركبانى ومدلدله :d

وربنا يعطرك فى حاجه كويسه وما تستعجلش علشان الاستعجال غلط

انا كنت هجيب فيات سيينا 1600 سى سى انجيكشين وباور وتكيف بس بسبب الاستعجال ربنا رزقنى بمازدا 121 الحمد لله وبارك الله فيما رزق ماحدش عارف لو كان جاب التانيه كان حصل ايه الحمد لله

aldesha989
اولا يا باشا ربنا يرزقك الدودج ان شاء الله عن قريب
وثانيا اشكرك اوى علي الدردشه الحلوة دي
المهم بقي يسيدي المشكله عندي كانت في اللادا زمان انها مكيفه بس بتسبب في سخونيه العربيه ورغم انها كانت سيرفر واللون فاتح ومبيسحبش حرارة الشمس الا انها مكنتش بتدي الاداء بتاع السيارات الكوري حتي لو انا علي السريع وبليل ومشغل التكييف ..
وطبعا بالظهر كان التكييف بيحرر مش بيسقع وده اللى بيخليني اسأل ادور علي عربيه قديمه مهما كان نوعها وبيها تكييف ولا افكني من التكييف لانه هيفرق او في السعر
وكمان انا معاك في موضوع تقفيل العربيه كويس وان تقريبا كل جوانات الابواب في القديم بتبقي مخرومه ودايبه وبتسرب هوا وكمان الهوايات تعبانه وكل دي اسباب في النهايه بتكون سبب كبير لعدم تأثير التكييف ..
واخيرا انا كنت عايز اعرف منك المازدا 121 جايبها بكام لان اسعارها علي النت مجنونه فيه منها من 20000 لحد 30000 واعلي كمان يعني انا ايه يخليني اجيب مازدا برضه موديل 82 لما ممكن اركب موديل 97 مثلا وبرضه ب 20000 ارجو النصيحة منك
شكرا يا صديقي :)

المشاركة الأصلية كتبت بواسطة aldesha989

انا لسه جايب واحده من شهرين على 28 :(

قطع الغيار هتتعذب علشان تلاقيها بل هتتبهدل علشان تلاقيها بس دى الملحوظه الحاليه على العربيه

ثباتها لسه مش قادر اجربه علشان عايز اغير فرد الكاوتش وارصص لانهم رايحين فى تلاتين داهيه

الماتور كام ؟

لان الموديل بتاعى 98 والماتور 1100 سى سى

السحب حلو مش وحش ولو اتظبطت هتسحب اكتر
حاليآ عايزه ديسك واسطوانه وبلى عجل ورا وتظبيط للكربراتير واركب المقاصات اللى قدام وهتفوق ان شاء الله

خلى مكيانيكى ابن حلال يبصلك عليها وسمكرى كمان علشان لو فى حاجه مش باينه يأخد باله منها

ده فى حال انك قررت تشترى وتغاضيت عن ان قطع الغيار صعب تلاقيها او هتجيبها مستعمله

معلش لسه قاري الموضوع ده حالا ولقيت ردك
تشكر يا غالي

بص ياباشا

انا كان معايا ماذدا 323 من 15 سنه و كان والدي منزلها بنفسة من السعودية و كانت ياباني مش كوري و تكييفها كان تلاجة بدون اي مبالغة و مبعنهاش غير علشان نجيب الانسر اللي معانا دلوقتي علشان الماذدا في الاخر كانت زهقتنا لان مفيش صنايعية كانوا كويسين قريبين مننا و كان كله بيعك فيها لحد ما العربية اتبههدلت و علي الرغم من كده كان تكييفها
تلااااجة برضة و مش بيسخن العربية

طيب انت تستفيد ايه بقي دي تجربة قديمة جدا

اقولك انا بقي تستفيد ايه

اولا افصل السخونة عن التكييف

طبعا انت هتقول الراجل ده بيخرف

اقولك لا انت دورة التبريد انت مسؤل عنها و انت كمان مسؤل انك تعمل مروحة محترمة منفصلة لسربنتينه التكييف غير مروحة التبريد الاصلية
كل ده مع المحافظة علي دورة التبريد محافظة محترمة و ممكن تراجع الموضوع ده هيفيدك
http://www.nilemotors.net/Nile/344792-a.html

و ده موضوع منفصل عن فائدة ثرموستات الكوعة اللي غالبا هتلاقيها متشالة
http://www.nilemotors.net/Nile/328708-a.html

ده بالنسبة للسخونية

بالنسبة بقي للسحب فده بيعتمد علي الشفاط اللي بيعلي العربية مع تشغيل التكييف بالاضافة الي كفاءة المحرك

ربنا يعملك اللي فيه الخير و دور علي عربية نضيفة و ياريت تكون ياباني مش كوري و ربنا معاك

متشكر اوى يا باشا علي ردك

بس سؤال ازاى اعرف انها ياباني مش كوري ! ؟

لان انا كنت مفكر ان المازدا كلها ياباني

شكرا

هو سؤال صعب لاني نسيت الفروقات بس الفرق اللي كان مميز العربية جدا هي الاكصدامات النيكل و بالمناسبة الاكصدامات دي بتبقي راكبة علي مساعدين زي العربيات الفولفو و ناشفة جدا و بتشيل بلاوي

غير كده والله ما فاكر خصوصا اني مركبتش كوري غير مرتين تلاته كنت بس بعرفها من الاكصدامات فقط و كام لمبة في التابلوه زيادة غير كده مش فاكر للأسف

اسأل الناس هنا هيفيدوك اكيد هم احسن مني مليون مرة

والله اعلي و اعلم