شوية اسئلة عن النيسان صني؟

**TeRoOo** · 18-06-2013 06:11 AM

السلام عليكم ورحمة الله وبركاته

عربيتي نيسان صني 2009 ex العربية بعد ال 120 مبتعرفش تتحكم فيها وبتلاقيها مش ثابتة وعلي الطريق السريع عموما بعد ال 90 بتحس انها بتغير من حارة لحارة لوحدها بحس ان الدركسيون خفيف يعني بفضل ضاغط عليه علشان ميتحركش فهل ده حاجة طبيعية ولما تيجي تفرمل علي طريق اسفلت فيه صوت بيطلع من عند العجل اللي قدام زي صوت الزقزقة كده وروحنا للتوكيل وقال التيل سليم ياريت لو حد عنده اجابة للاسئلة دي يقول...!

**lamada** · 18-06-2013 09:21 AM

لا طبعا مش طبيعى لازم تشوف ايه السبب و تعالجه

**eng.mohabdo** · 18-06-2013 09:54 AM

غالبا ممكن تحتاج تظبيط زوايا

**AhmedNaeem** · 18-06-2013 10:33 AM

غالبا محتاجة ظبط زوايا
او في حاجة في العفشة

**ramymechanics** · 18-06-2013 11:27 AM

أنا معايا نفس العربية وثباتها ما شاء الله كويس لدرجة انى مرة سبت الدكسيون وانا ماشى على 140 والعربية متهزتش نهااااائى الحمد لله .. بس المشكلة انى مش لاقى التيل الأصلى بتاع الفرامل خالص برة وللأسف معنديش وقت الصبح حجز واروح التوكيل

**Ramy Rateb** · 18-06-2013 02:04 PM

هو حضرتك روحت توكيل إيه ؟ لأن اللى بتحكى عنه غير طبيعى تماماً و المفروض أن التوكيل يحس بكده و يحدد المشكلة .

**Ahmed_Rahem** · 18-06-2013 03:34 PM

ممكن علبة الدركسيون، هى الى ممكن تعمل كدة

**TeRoOo** · 18-06-2013 08:06 PM

المشاركة الأصلية كتبت بواسطة ramymechanics

أنا معايا نفس العربية وثباتها ما شاء الله كويس لدرجة انى مرة سبت الدكسيون وانا ماشى على 140 والعربية متهزتش نهااااائى الحمد لله .. بس المشكلة انى مش لاقى التيل الأصلى بتاع الفرامل خالص برة وللأسف معنديش وقت الصبح حجز واروح التوكيل

انا علي 120 بكون مكلبش في الدركسيون خايف للعربية تحود غصب عني

**Ramy Rateb** · 18-06-2013 08:20 PM

المشاركة الأصلية كتبت بواسطة terooo

مودرن موتورز وهما عملو تشيك علي العربية كلها بس انا مقلتلهمش لاني فاكر ان ده حاجة طبيعية وخصوصا ان العربية بالجنط الاستوك اللي هو الطاسات

لو تقدر تروح و تكشف على العربية فى السبع أو أوتوايجيبت يبقى أحسن على الأقل تعرف فيها إيه بدل ما تدوخ مع الصنايعية .. هو حضرتك بتعمل للعربية الصيانات الدورية بأستمرار و لا ؟