الموضوع: استفسارات بخصوص لانوس 2013

الحمد لله استلمت العربيه النهارده وشيكت على كل حاجه زى ما قلتوا والحمد لله كله تمام كان فى بس فيشه العدادات مش راكبه ولقيت لمبه حمرا مرسوم عليها موتور كانت منوره ورجعت ليهم تانى ركبوا الفيشه وفصلوا البطاريه دقيقتين كده وركبوها تانى اللمبه طفت

بصراحه ليه ما جربتش العربيه غير من المعرض للبيت بس بس ح اجربها بكره ان شاء الله

كمان بس اشتريت غطاء ليها كنت بدور على غطاء قماش عشان يحمى شويه لو حاجه حكت فيها وفى نفس الوقت انا بفضل الوتر بروف فكنت محتار اجيب ايه بس لقيت واحد تقيل فعلا وفى نفس الوقت ووتربروف بجد خامته جميله ومبطن من جوا

المشاركة الأصلية كتبت بواسطة zooooma

الف مبروك ربنا يديك خيرها و يكفيك شرها

الله يبارك فيك

اللهم امين يارب

الحمد لله خلصت ترخيص العربيه امبارح بس اللى دايقنى انى كان نفسى اخلى الرخصه مكتوب فيها زجاج ملون من غير تحديد بس طلعت بزجاج ملون خلفى وجانبى خلفى بس الحمد لله

المهم كنت كلمت شيفورليه عشان اساله بخصوص التليين للعربيه وموضوع تشغيل التكييف والضمان وكان ردهم بالنسبه للضمان ان انا بعد ما ارخص العربيه بطلع على شيفورليه اللى فى سور نادى الزمالك باصل الرخصه والبطاقه واستلم الضمان والكتالوج بتاع العربيه من عندهم اما باقى الاستفسارات ادونى رقم مقار اللى فى الدقى عشان مهندس يرد على اسئلتى وعرفت ان مقار بقى مركز خدمه معتمد لشيفورليه المهم كلمتهم وكان الرد بالنسبه للتليين ان العربيه متلينه يعنى اقدر امشى باى سرعه مش لازم على 90 كم فى اول 1000 كم بس المهم ان انا ما احملش عليها احمال زياده كان قصده على اوزان زياده
وبالنسبه للتكييف كان رده ان عادى اشغل التكييف بس يفضل انى اشغله شويه وافصله شويه مش يفضل شغال على طول لمدد طويله لحد ال 1000كم الاولى

بعد مارخصت نزلت التوفيقيه جبت شويه حاجات منها كاربون عشان عاوز اركبه على الاكصدمات ورا وقدام عشان ماتتبهدلش واكتشفت سرقه محلات كماليات العربيات عشان كنت سالت كتير ولقيت ان الكاربون للاكصدامين ح يتكلف من 200 الى 250 جنيه بس ان جبته من التوفيقيه ب 50 وقول ح نزود 20 كمان تركيب يبقى 70

بس عموما لحد دلوقتى العربيه مش شايف فيها اى ملاحظات والحمد لله بشكل عام عربيه تمام

المشاركة الأصلية كتبت بواسطة 4fun14

مبروك يا باشا
بالنسبه للتليين بس متحرقش على النقلات
موضوع التكيف ده اول مره اسمع عنه بس هو منطقى لانه حمل على الموتور برضه

تمام هو الموضوع كله مايبقاش فى تحميل على الموتور بزياده فى الفتره الاولى

الف مبروك