الموضوع: زيادة 200 hp للموتور من غير تيربو ؟؟ إزاى ؟؟

السلام عليكم على أحلى ناس وأحلى قسم :)
واحد صاحبى كان فى الحرفيين إمبارح وبيحكيلى إن الميكانيكى بتاعه ( مش فاكر إسمه للأسف ) عامل عربيه لانسر إيفو 600 HP !!
قولتله ده وش تيربو قالى الميكانيكى ده بيزود 200 HP من غير التيربو وكلمهولى وقالى أروحله بس وأسيبله الباقى
الموضوع ده زغلل عنيا بصراحه
وفى موضوع انا كنت كاتبه قبله بسأل فيه إزاى أزود ال HP لموتور 2E كان الكلام إنى ممكن أزود ال HP حوالى 50 بشويه حاجات حلوة ( رابط الموضوع )

http://www.nilemotors.net/Nile/363809-hp-2e.html

انا بقى عايز أعرف قبل ما أروح للميكانيكى ده الكلام ده مظبوط ولا بيشتغلنى ولو مظبوط التكلفه منطقيه بالآلفات ولا بعشرات الآلوف ؟
ربنا يقدرنى ويبقى عندى معلومات أفيد بيها بدل ما انا مقضيها طفيلى بسأل بس من ساعة ما إشتركت فى المنتدى :D

المشاركة الأصلية كتبت بواسطة syd

هو ممكن يزود بدون تربو - لكن مش لدرجة 200 حصان
يعني انا كنت اعرف حد كان معدل في قلب الموتور عشان يزود السعة اللترية - وطبعا هتزود معاه احصنة
ولو غيرت الفتيس بفتيس اخر رياضي - هيزود معاك الاحصنة
بس كل دة انت بتتكلم في 10-20 حصان بالكتير اوي

لكن ترفع 200 مرة واحدة ؟؟؟!!!
واسعة اوي

هو واضح إنه واطى وبيستغل إن إللى قدامه مش فاهم ويشتغله :(
syd انا قريت موضوع مثبت فى القسم عن التيربو .. مفهمتهوش أوى أو لوجه الدقه انا فهمت منه مجرد معلومات عامه .. فممكن تقولى لو بالنسبه لعربيتى انا ( سيتا إبيزا موديل 94 متسقطلها 2000 2e ) إيه التيربو إللى يناسبها وأجيبه منين وأعرف منين أصلى ولا مضروب والقطع الملحقه ليه إللى ححتاج أركبها وأسعارهم وأهم حاجه إنه ميأثرش على عمر الموتور أو الفتيس .. انا أسئلتى كتيره يابوب معلش :)
قبل كده انا كنت شايل فكرة التيربو دى من دماغى تماما علشان معلوماتى عنه إنه بيخرب المواتير والفتيس بسرعه .. بس فى الموضوع المثبت بتاع التيربو ده مكتوب فيه إن فيه حاجات الواحد بيزودها بتحافظ على الموتور عادى .. فياريت تعرفنى بس بالتفاصيل والنبى وراعى إن أخوك على قده فى الميكانيكا :d