الموضوع: زيادة 200 hp للموتور من غير تيربو ؟؟ إزاى ؟؟

المشاركة الأصلية كتبت بواسطة evo

أنا بقي عاوز أعرف الميكانيكي إلي عمل ايفو 600 حصان دة علشان دي كمان شكلها فشره.. أصل هم ثلاتة في مصر إلي بالشكل دة 4 ، 7 ، 10 .... وال-7 معمولة برة وال-4 800 حصان يبقى فاضل ال-10 ودي عملها الوكيل وغازي ومعتقدش انهم فتايين .بس بالمناسبه ممكن نزود 200 حصان بدون تيربو لكن التكلفة هتكون عالية حبتين 3 وعاوزه واحد فاهم تعديل ومخطط كويس مش مجرد مكانيكي :)

طيب بالله عليك عرفنى إيه الحاجات إللى تزود ال 200 hp وعرفنى تكلفتهم وربنا يسطر ومتطلعش عاليه دستة حبات :d
انا مش فاهم يعنى إيه الأرقام 4 , 7 , 10 ؟؟ دول معناهم إيه ياكبير ؟ :)

الحل الوحيد عشان تعلي الهورس باور بشكل كبير بدون تيربو انك تعمل الاتي:

- تركب استروكر باقصى سعة يتحملها البلوك
- تعدل ال internals كلها وخصوصا وش السيلندر والصبابات علشان تستحمل لفات موتور عالية۔ يعني تخلي الموتور high rev ويستحمل دورات تصل الى 8000-9000 RPM مثلا۔
- تعدل دورة البنزين علشان تعوض الزيادة في الباور۔

المشاركة الأصلية كتبت بواسطة ahmed nasser

التيربو بيطلع الهورس باور حسب التعديل اللى ممعمول فى المكنة
وحسب التيربو نفسة

اما البرافو التيربو وكل العربيات التيربو اللى نازلة زى البرافو
بتكون مصممة للاستخدام اليومى لان التيربو بيكون صغير ومن غير تعديلات كتير

شكراً يا باشا كده الدنيا بقت اوضح

المشاركة الأصلية كتبت بواسطة love increaser

والله معلوماتى يامحمد بيه إن فيه تيربوهات بتزود لحد 1000 hp بس إتأكد من الخبراء فى القسم أما لحد 200 hp فدى انا متأكد منها وفى أكتر كمان :)

1000 شكر يا باشا
والحمد لله على الـ 103 hp اللي حيلتي

المشاركة الأصلية كتبت بواسطة m_elkhishin

الحل الوحيد عشان تعلي الهورس باور بشكل كبير بدون تيربو انك تعمل الاتي:

- تركب استروكر باقصى سعة يتحملها البلوك
- تعدل ال internals كلها وخصوصا وش السيلندر والصبابات علشان تستحمل لفات موتور عالية۔ يعني تخلي الموتور high rev ويستحمل دورات تصل الى 8000-9000 RPM مثلا۔
- تعدل دورة البنزين علشان تعوض الزيادة في الباور۔

الكلام ده يوصل ال HP ل 200 فعلا؟
طيب ممكن شرح للكلام ده .. يعنى إيه الاستروكر وبيتجاب منين وبكام ؟
وإيه هى ال internals ؟ بشتريها ولا بتتعدل إزاى ؟ عند ميكانيكى ؟ وتكلفتها ؟ وكلمة high rev ( rev ) إختصار لإيه ؟
وتعديل دورة البنزين بتتعدل لإيه وإزاى وفين ؟
معلش عالأسئله الكتيره ياباشا بس دى ضريبة الخبره :)