الموضوع: مشكلة في طرمبة البنزين .. حد يشور عليا يا رجالة

المشاركة الأصلية كتبت بواسطة engmesk2

السلام عليكم:

ازيكم يا رجالة انا عندي مشكلة في موضوع استهلاك البنزين والدخان الاسود والعادم اللي ريحته مهببة..

المهم .. انا عربيتي سيفيك 92 ex كاربيراتير .. بس كان صاحبها غيرلها الموتور بواحد تاني كان شغال انجكشن .. بس خلا الكاربيراتير موجود زي ماهوه ...

وطبعا الميكانيكي الناصح ركبله طرمبة بنزين كهربا لان الموتور الجديد مافيهوش مكان للطرمبة الميكانيكية القديمة.. فقام لغي خرطوم الراجع (سده بمسمار وربطه بكوليه) وركب في الطرمبة اللي جاي من التانك واللي رايح للكاربيراتير وشكرا ...

المشكلة اني بعد معاناة اكتشفت ان الطرمبة احتمال كبير تكون هي اللي عاملة المشكلة بتاع الدخان الاسود والاستهلاك العالي للبنزين .. لاني لما رجعت للمانيوال لاقيت ان طرمبة البنزين الميكانيكية بتطلع ضغط مقداره 1 psi (ما بين 1 و 3 psi) واللي راكبة عندي الكهربا دي بتاعة انجكشن والضغط بتاعها غالبا كبير (من 40 الي 90 psi)..

حاولت اشوف الضغط يمكن يكون مكتوب عليها بس مالقيتش عليها تفاصيل غير انها شغالة 12 فولت. بس فعلا بسمع منها تكتكة بالذات ع السلانسيه ... وبتسخن جامد...

معلش طولت عليكم .. بس انا عايز حل يخللي الضغط اللي رايح للكاربيراتير يقل يبقي في الحدود بتاع المانيوال؟

او حل يستخدم خرطوم الراجع بتاع البنزين المقفول ده يمكن يقلل اشتهلاك البنزين؟

انا فكرت في حل بس هاحتاج فيه سكس بلف بنزين..
هل فيه سكس بلف للبنزين .. ولو موجود ممكن سعره يبقي كام؟

شوف ياباشا عمر العربية ماهتظبط معاك بأى حلول بديلة

لازم تعمل الاتى ( ادوات تغذية بالحساسات لنفس نوع ماتورك - الضفيرة والكنترول لنفس نوع ماتورك ) تكلفتهم كام بقى بالمصنعية بالتركيب

2500 - 3000 جنية حسب مكان الشراء بس هتركب عربية تانية

لان كدة حرام الصراحة اللى معمول فى العربية دية , وربنا يسامحة صاحبها