مشكلة فى طرمبة البنزين

**المجرى** · 19-06-2013 03:52 PM

السلام عليكم
اخوانى انا عربيتى ابيزا 94
ومسقط ليها ماتور ابيزا 1.4 موديل 99

المهم العربية من امبارح وهيا اتجننت كدا
وانا ماشى الاقيها تنتش وتكتم وتنط وبعد كدا تفصل
ادور وامشى شوية وتفصل
تفضل كدا دقيقتين ثم تفصل خاااااااااالص وادور ولا حياة لمن تنادى ومفيش اى بنزين فى الكربراتير خاااااااااااااااااااااااا االص

تيجى لسؤال مهم ازاى ماتور 1.4 موديل 99 وتقول كربراتير
بلاش حد يسال السؤال دا لانى تعبت بجد

انا شاكك انها طرمبة بنزين لانها بعد ماتفصل وتحلف ميت يامين مهى مدورة اسيبها ربع ساعة وادور تدور عادى وتمشى شوية كمان بس تعمل كدا تانى انا حاسس ان الطرمبة لما تسخن بتفصل

النقطة التانية رحت اشترى طرمبة استيراد طبعا " قلت عشان اجيب واحدة رخيصة عشان اتاكد انها السبب وبعد كدا اشترى واحدة يابانى جديدة "
الراجل قالى يااستاذ الماتور دا الطرمبة فى التانك مش خارجية فى الحوض

اقولة ياغالى افهمنى انا مسقط ماتور قالى لازم تعدل ياباشا

ياترى اعدل واجيب الطرمبة فى التانك ولا اعمل اية ؟؟؟؟؟؟؟؟؟؟؟؟

**mhkorayem** · 19-06-2013 05:09 PM

معلش انا هقولك على حاجه تانيه تعملها الاول
روح لحد بتاع بطاريات (بس يكون حد بيفم) وخليه يشوفلك شحن الدينامو
ممكن تكون مشكله دينامو
أعمل الموضوع ده سهل جداً ومش مكلف خالص كبيرك هتدي للي بيقيس شحن الدينامو 5 جنيه ولا حاجه
لو طلع الدينامو مش سليم هتغيره بواحد استيراد والمشكله هتتحل
لو مش منه أبقى دور بقى على الحاجات التانيه وهتبقى كل اللي اتكلفته 5 جنيه مش اكتر

**hossamalsadik** · 19-06-2013 09:20 PM

انا عارف ليه ماتورك كربراتير ومش هسألك
دنا الى هعيط مش أنتا

بص ان كان عندى الهوندا كربراتير الطرمبه خارجيه وكله كان تمام
فاعتقد أن الموضوع ده يمشى عندك وزى ماقلت تجرب بيها بس
طيب لوطلع الموضوع من الطرمبه تغير وتعدل وتخليها داخليه
ولو رديت بيها خارجيه مافيش مشكله
والله اعلم