الموضوع: ممكن مساعده فى تسقيط موتور

انهرده انا اخيراا الميكانيكى رجع من السفر ووديتلو العربيه يشوفها اتصدمت من اللى قالوا العربيه مكنتها خفيفه عاوزه وش سلندر و اتنين صباب وممكن لو يفتح يلاقى حاجه تانيه والسبب ان العربيه بتعرق زيت على البوجيهات و غير كدا اقالى الكربراتير نفسه هو اللى بححصل فيه الاحتراق الصمام عندك محروق من جوا وبايظ

المهم فههمت فى الاخر العهربيه عاوزه تقريبا شبه عمره وده هيكلف 1000 جنيه على كلامه طبعا مش مصدق ان العمره 1000 جنيه بس بمجرد ما بفك الموتور هيطلعلى البدع

المهم يا جدعان انا عاوز اعرف ايه رايكوا اعمل اللى هو بيقولى عليه ولا اسقط مككنه وخلاص انا لو هسقط مكنه مش هيبقى قبل شهرين علشان اكون فضيتلها

المهم ممكن حضراتكم تعملولى جدول فيه انواع المواتير اللى ممكن اسقطها للعربيه وياريت لو قايمه باسعارهم كمان علشان بجد انا مش عارف اعمل ايه
وياريت لو تقولولى سعر المكنه بالتكيف كام ومن غير التكيف كام وقدرات المكنه و ياترى هو ينفع اسقطلها مكنه جولف 4 ولا فى الاخر مش هينفع علشان المرور ياريت تساعدونى يا رجاله انا قدامى شهر او شهر ونص اهنزل ادور واتفرج حد يقولى اعمل ايه بالظبط والاسعار
انا عاوز مكنه انجيكشن انا عربيتى كانت هاف انجيكشن وعاوز مكنه انجيكشن وياترى ايه مقارنه خاصه بين المكنه ال 1400 سىسى 2 كامه وال مكنه ال 1600 سىسى عاوز مقارنه بين دول اهم حاجه