الموضوع: خنقة العربية

أنا اسف يا جماعة انا عندى نفس المشكلة خنقة فى العربية لدرجة انها مش بتجمع ازيد من 120 ك و100 ك فى حالة انى اكون مشغل التكييف
برجاء اعطائى عنوان او رقم تليفون محمد هاشم لأنى غلبت فى الموضوع ده
لكن فى حاجة انا عربيتى مخنوقة من اول لما احركها لغاية لما اوصل الى 100 او 120ك لكن كل لما تزيد السرعة كل لما تزيد الخنقة ده بالاضافة لأستهلاك بنزين بالعبيط 140 ك فى 20 لتر بدون استخدام التكييف

ارجوكم عدم نسيان عنوان محمد هاشم او اى شخص قريب من الهرم او الجيزة وايضا اريد جهاز اسكانر قريب اين اجده

يا جماعة انا الاول رحت لمركز خدمة دايو اللى فى الهرم واللى يعرفوه هوه فى شارع ترسا وقالوا لى ان العربية زى الفل بس ممكن تكون محتاجة تغير رشاشات
قلت اسمع كلامكم واروح لمحمد هاشم ومحمد السيد وفعلا ده حصل واول لما محمد هاشم شاف العربية وجربها قال ديه مشكلة كاتينة وبعدين حل الكاتينة وغير سير وبص على فلتر الهوا والتشيك الطبيعى ده و بعدين بعد شوية كلام قال نحطها على الاسكانر وروحنا لمحمد السيد ونفس الكلام اللى اتقال فى المركز العربية مفيهاش غلطة لكن هو زود ان الرشاشات مظبوطه زى الساعة لأنها بتدى 1.8 من غير تكييف وبتدى 2.2 والتكييف شغال
اسف يا جماعة انى طولت عليكو لكن فى النهاية هما قالوا ان السبب ممكن يكون علبة البيئة بتاعت الشكمان عاييزة تتغير والعربية مخنوقة زى ما هيه بدون اى تغير وبالمناسبة انا بحط بنزين 80 وعلى الاسكانر الاوكتان ظاهر 83 لكن العربية مش بتبطل تسقيف وهما قالوا برضو ان ده ممكن يكون بسبب البنزين مع العلم ان ديه تانى مرة احط فيها 80
يا ريت القى رد للموضوع ده وبالمناسبة بمجرد ان الشباب عرفوا انى جاى من طرف محمد ممدوح فعلا معاملة غاية فى الاحترام شكرا يا ممدوح باشا
ويا رب اى حل للمشكلة الزفت ديه لأنى زهقت