الموضوع: صوت تنفيس مع تشغيل التكييف

ازيكم يا شباب اخباركم ايه فى رمضان
انا كنت جاى من الغردقه و شغلت التكييف و انا هناك و سمعت ساعتها صوت تنفيس من تحت التابلوه المهم كنت مستعجل عاوز الحق الافطار فى البيت فسافرت على ما وصلت مصر كان التكييف شغال ضعيف جدا قلت يمكن علشان الدنيا حر و كدة
بعد حوالى اسبوع دلوقت فى القاهرة صوت التنفيس دة لسه موجود و التكييف بقى مروحه بس مفيش اى هوا ساقع بيخرج منه

كدة تبقى المشكله فى ايه
مجرد تسريب
و لا كويل زى ما واحد صاحبى بيقلى
و لا حاجه تانيه

ملحوظه انا مش عارف ايه الكويل دة انا دايما اسمع عن الكمبريسور لكن كويل دى جديدة و اصلحه فين عند حد كويس

و يا ريت لو حد يقولى تقريبا رنج الاسعار علشان انا معنديش فكرة عن الموضوع دة

شكرا ليكم و كل سنه و انتم طيبين