Renault Fluence engine failure hazard

**aly_elhawary** · 19-06-2013 11:40 PM

السلام عليكم
النهاردة كنت سايق العربية الصبح حوالى الساعة 11 وكان الجو حر ومشغل التكيف وركنت شوية لمدة 5 دقائق والعربية دايرة والتكيف شغال وبعد كده بطلت العربية ونزلت اشترى زجاجة مياه ورجعت دورت تانى ... وأثناء الـ Test اللى بيتم فى بداية التشغيل العربية دارت لكن كانت بتترجرج مع صوت تنبيه و رسالة بخلفية حمراء بتقول "Engine Failure Hazard" بطلت وشغلت العربية إشتغلت عادى جداً ورحت بيها من الهرم لأكتوبر ورجعت ومفيش أى حاجة حصلت
العربية 2013 أتوماتيك الشكل القديم عاملة 6000 كيلو فقط
حد عنده فكره ده ممكن يكون إيه؟؟

**Ahmed Amin** · 20-06-2013 12:56 AM

أنا عملت سيرش عال مشكلة علي جوجل
ولاقيت كذا نتيجة منهم دي,
engine failure hazard - Renault Forums :: Independent Renault forum

وبيقول أنها كانت مشكلة في الأنجكشن وواحد تاني قال ال pressure sensor أتغير.
دورت تاني لاقيت في المانيوال مكتوب أنها مشكلة أنجكشن أو حرارة عالية,

بالتوفيق في حل المشكلة, ويارب تطلع حاجة بسيطة ومتعلقة بالحرارة بس.

**m_marmoush** · 20-06-2013 09:58 AM

ال error دة بيتسجل فى log كومبيوتر العربية، روح التوكيل و هما حيقولولك سببة أية و بلاش تمشى بيها كتير قبل ماتكشف حتى لو الرسالة أختفت

**aly_elhawary** · 21-06-2013 12:36 AM

المشاركة الأصلية كتبت بواسطة leitosr

أنا عملت سيرش عال مشكلة علي جوجل
ولاقيت كذا نتيجة منهم دي,
engine failure hazard - renault forums :: Independent renault forum

وبيقول أنها كانت مشكلة في الأنجكشن وواحد تاني قال ال pressure sensor أتغير.
دورت تاني لاقيت في المانيوال مكتوب أنها مشكلة أنجكشن أو حرارة عالية,

بالتوفيق في حل المشكلة, ويارب تطلع حاجة بسيطة ومتعلقة بالحرارة بس.

ألف شكر لإهتمامك وجزاك الله خيراً

**aly_elhawary** · 21-06-2013 12:38 AM

المشاركة الأصلية كتبت بواسطة shawkylotfy

متشغلش التكييف والعربية واقفة كتير علشان بيسخنها وهتبوظ الكباس بدرى بدرى الكورى بصراحة اعتمادية فى موضوع التكييف دة عن الاوربى حتى لو العربية واقفة فى مكانها ساعة

ألف شكر على النصيحة

المشاركة الأصلية كتبت بواسطة m_marmoush

ال error دة بيتسجل فى log كومبيوتر العربية، روح التوكيل و هما حيقولولك سببة أية و بلاش تمشى بيها كتير قبل ماتكشف حتى لو الرسالة أختفت

ألف شكر على هذه المعلومة

**Ahmed Amin** · 21-06-2013 01:49 AM

ياريت تبقي تقولنا كانت أيه المشكلة بعد ما تحلها لو وصلت لسببها الرئيسي,
عشان تبقي مرجع لباقي ملاك الفلوينس هنا والرينو عموماً.

وهيا في الغالب هتبقي مشكلة حرارة لأن عربيتك عاملة كليو متر قليل, فأكشف علي ماء ودورة التبريد وهيا العربية باردة.
وبرضه حافظ علي منسوب البنزين دايما فوق النص في عداد البنزين, عشان تحافظ علي نظافة رشاشات الانجكشن.

**wael-mohamed** · 25-06-2013 08:49 AM

انا معايا فلوانس e3 2012 وحصل الموضوع ده معايا وانا واقف في اشارة عادي بعد صيانة ال15000و اتصلت بالتوكيل وقلي اقف وابطل العربية وادور تاني وحتروح بس انا رحت التوكيل تاني يوم وكشف على العربية لقى مشكلة كانت في الانجيكشن من البنزين وشلها من الكمبيوتر وبقت تمام وانا عامل 30000 دلوقتي ومكررتش تاني فانشاء الله خير عدي على التوكيل برضوا
بالنسبة لتشغيل التكييف والعربية واقفة ومن تجربتي مع رينو من 2002 في الكليو حتى الان مفيش مشكلة خالص من موضوع التكييف والعربية واقفة وعلى فكرة التكييف في الرينو بيقلل حرارة العربية مش بيزودها يعني لما كنت بشغل التكييف في الكليو كانت العربية حرارتها بتنزل اما في الفلوانس فالحرارة لا بتزيد والا بتقل وبسيب العربية فيها الولاد مدة طويلة والتكييف شغال ومفيش مشكلة , وخصوصا ان عربية حضرتك جديدة كمان
فانشاء الله متقلقش والعربية ممتازة والله , ارجوا ان اكون افدتك

**Ahmed Amin** · 25-06-2013 05:31 PM

المشاركة الأصلية كتبت بواسطة wael-mohamed

انا معايا فلوانس e3 2012 وحصل الموضوع ده معايا وانا واقف في اشارة عادي بعد صيانة ال15000و اتصلت بالتوكيل وقلي اقف وابطل العربية وادور تاني وحتروح بس انا رحت التوكيل تاني يوم وكشف على العربية لقى مشكلة كانت في الانجيكشن من البنزين وشلها من الكمبيوتر وبقت تمام وانا عامل 30000 دلوقتي ومكررتش تاني فإن شاء الله خير عدي على التوكيل برضوا

يبقي كدا العيب كان من الأنجكشن زي ما المانيوال بتاعها اللي في الصورة بيقول,
ويفضل تروح التوكيل تخليهم يشيلهم ال error دا من علي ال log بتاعت الكمبيوتر زي ما عمل الأخل الفاضل عشان ميفضلش متخزن ويتتكر تاني ويعمل مشاكل تانية.

المشاركة الأصلية كتبت بواسطة wael-mohamed

بالنسبة لتشغيل التكييف والعربية واقفة ومن تجربتي مع رينو من 2002 في الكليو حتى الان مفيش مشكلة خالص من موضوع التكييف والعربية واقفة وعلى فكرة التكييف في الرينو بيقلل حرارة العربية مش بيزودها يعني لما كنت بشغل التكييف في الكليو كانت العربية حرارتها بتنزل اما في الفلوانس فالحرارة لا بتزيد والا بتقل وبسيب العربية فيها الولاد مدة طويلة والتكييف شغال ومفيش مشكلة , وخصوصا ان عربية حضرتك جديدة كمان
فإن شاء الله متقلقش والعربية ممتازة والله , ارجوا ان اكون افدتك

وفعلاً الفرنساوي عموماً لما بتشغل التكييف درجة حرارة العربية بتقل ما بتسخن علي عكس ما هوا متوقع, وعلي عكس ما هو في باقي عربيات كتير, يعني المشكلة مالهاش علاقة بالتكييف.
لأن مروحة الرادياتير بتشتغلي علي أعلي سرعة ليها, عشان تبرد السربنتينة وبتبرد الموتور والرادياتير معاها بشكل واضح,
أنا لما بكون ماشي ف وسط البلد والعربية تبدأ تسخن, بشغل التكيف ودرجة حرارتها بتنزل من النص للتلت الأولاني.

مشاركة قيمة أستاذ وائل.