الموضوع: محتاج لنصيحة ضرورية جدا وعاجلة من خبراء القسم

انا بشتري في الوقت الحالي كرايسلر نيون 2000 بس اصدار العربية الي معروضة عليا الي هيا الدودج نيون 2000 انا مش عارف هل فيه اي اختلاف بينها وبين الكرايسلر غير شكل الشبكه ولا فيه اختلافات تاني ؟ وهل تنصحوني بيها ولا استنى الاقي كرايسلر ؟
ودي المصاريف الي العربية هتحتاجها وان شاء الله بعدها هتبقى عروسة بجد بس فيه بعض الحاجات ملقتش اسعارها ياريت لو حد يعرفها يقولي عليها بالمرة
تصليح السنتر لوك بتاعها لان صاحبها مغير القلب بقلب عربية جيلي ؟؟ يتكلف كام ؟
الحته الي فوق الي لونها اسود من التابلوة الفايبر مشروخه الاقيها فين وبكام ؟
بيقول محتاجه بلية كاتيه او حاجه كده في الكاتينه بردو معرفش هتتكلف كام ؟
قواعد ماتور 800 جنيه
فرش جلد جديد فوق الاصلي بتاعها حوالي 600 جنيه
رش الاكصدامات عشان متجرحه ودي حوالي 100 جنيه
تغير كل السيور حوالي 300 جنسه
تغيير كل الفلاتر 450 جنيه
طنبورتين قدام 450 جنيه وهوا هيديهملي مع العربية من غير سعرهم
ياريت بجد الي يعرف اي حاجه عن الحاجات الي انا محتاجها يرد عليا انا هحط الموضوع هنا وفي قسم دودج بما انها عربية دودج والسعر احنا بنتكلم ما بين 41 و 42 بس لسه هكشف على حالة الماتور والفتيس بس على كلام الراجل انهم ممتازين والعربية راشة حزام بس خارجي

على حد علمى مفيش اى اختلاف بينها و بين الكرايسلر من نفس الإصدار
الاتنين نفس المصنع و الشركه زى منتا عارف واحده
هى بره بتنزل بماركة دودج و فى الدول العربيه بتنزل كرايسلر
السعر اللى انتا حطه لرش الإكصدام غريب جدا
حتى لو رش نضافه بس مش معقول هيكون 100 الا لو كان أى كلام - انصحك تهتم بخامة البويه و الصنايعى

قواعد الموتور بـــ 800 جنيه ؟؟؟ انتا بتتكلم عن حشو القاعده و لا عن القاعده كامله ؟؟ انصحك بتغيير الحشو بس
بيتباع الطقم بحوالى 175 جنيه (( صناعه هندى ))
بالتوفيق فى الشراء و ربنا يكفيك شرها