كيا ريو بس لازم airbag و-ABS
لو حضرتك مقلق من كيا كماركة...للعلم هي هيونداي والاثنين نفس الشركة الأم.
كان نفسي أقول لك 301 بس السوق في مصر ماشي بظهره.
بالتوفيق
عرض للطباعة
كيا ريو بس لازم airbag و-ABS
لو حضرتك مقلق من كيا كماركة...للعلم هي هيونداي والاثنين نفس الشركة الأم.
كان نفسي أقول لك 301 بس السوق في مصر ماشي بظهره.
بالتوفيق
هو انا المهم عندي هو ان العربيه تكون سواقتها حلوة (و دي اهم نقتة في المقارنة بين العرابيتين) و ان اعادة بيعها تكون كويسة عشان لو حبيت اغير بعد ٣ سنين ولا حاجة مخسرش كتير
ياريت اتشرف و اسمع باقي وجهات النظر و بالاخص في ال ٣٠١ و سوقها في مصر
أنا بايع سيراتو 2011 أعلى فئة علشان العفشة السيئة جداً و جيبت البيجو ال 301 و مبسوط جداً.. الريو ضيقة إذا قارنتها بالبيجو ال 301 .. الماتور أقوى فى البيجو .. الخامات المستخدمة و الصاج أفضل فى البيجو مساحة الشنطة أكبر فى البيجو ... العفشة ممتازة بعد العذاب اللى كنت فيه قبل كده .
و على فكرة قطع الغيار ليست غالية بالنسبة للسيارات الأخرى... و السيارة فرنسية و ليست إيرانى كما ذكر البعض و تجمع بمصنع بيجو بأسبانيا هى و الستروين السى إليزية و هذه المشاركة بها فيديو يبين لك المصنع الخاص بالسيارتين و مراحل التجميع
و المشاركة دى بها بعض أسعار قطع غيار البيجو ال 301
http://www.nilemotors.net/Nile/35895...eot-301-a.html
و المشاركة دى بها إختبارات التحمل للسيارة
http://www.nilemotors.net/Nile/360743-301-c-elys-e.html
نقطة أيضاً أن جميع فئات البيجو ال 301 بها ABS و 2 Airbags فى حين أنه لا يتوفر هذه الإختيارات إلا فى أعلى فئة فى الريو و التى تزيد فى ثمنها عن الهاى لاين فى البيجو بأكثر من 12 ألف جنيه .
أخيراً إذا قررت البيجو ستضطر للإنتظار بعض الوقت للطلب الكبير عليها حتى إننى قابلت أحد الأشخاص الحاجزين لها و الذى ذكر أن ميعاد إستلامه فى شهر 9 و إلا ستضطر أن تشتريها عن طريق أحد المعراض بعد دفع أوفر برايس و الذى يختلف من معرض للأخر.
بيجو 301 معا العلم ان سعر اعادة البيع هيكون افضل للريو بس كركوبة و اوبشن يبقي 301
ممكن حضرتك تحدد معنى ركوبه احسن؟
انا بدأت اميل نحيت ال ٣٠١ بعد ما عرفت ان الريو ال هنا بردو مش زي الموجودة في اروبا من ناحيت الأمان و الكاماليات بس اما شوفت ال ٣٠١ في المعرض حسيت إن التأفيل بتعها مش كويس و مسترخصين فيه شويه خصوصاً اما لقيت عمود الدركسيوة باين و مكشوف ورا الدواسات و ده خطر جدا علي السواق، بس مش عارف ده العادي ولا في العربيه ال انا شوفتها بس
أنا مش عارف شوفت عمود الدريكسيون ده إزاى الصراحة أنا معنديش الكلام ده.. أنا حتى قولت أتأكد مالقيتش الحكاية دى. الخامات جيدة جداً بالنسبة لسيارة فى الفئة الإقتصادية دى.
أكيد فيه حاجة فى السيارة إللى حضرتك شوفتها .. ما تعرفش كانت أنهى فئة ؟ يمكن تكون الحكاية دى فى الفئة الأولى علشان كده أنا مشفتهاش!!
العربية الشوفتها كانت اول مستوى أوتوماتك الأنا انشاء الله هجيب زيها بس مانيوال. بس انا متأكد ان القانون الأوروبي بيمنع ظهور اي جزء متحرك للسواق غير الفتيس و الدركسيون فا ممكن ال انا شفتها مثلاً كان متشال الغطاء ده من عمال المعرض اثناء التنظيف او كده. انا عموماً حروح معرض تاني اشوف الموضوع ده
بعد إذنك انا كنت عايز اعرف اكتر عن خبرة حضرتك معا السيراتو و المقارنة بينها و بين ال٣٠١ و ازاي العفشة في ال سيراتو وحشه؟ انا اسمع انها ثابته جداً و الدركسيون وزنو كويس و بيحسسك ب البيحصل بدقه، ولا حضرتك تقصد انها ناشفة فا مش مريحه؟ او ناعمه بزيادة فا العربية مش ثابته في الملفات؟
انا موضوع الثبات في الملفات دة يهمني جداً فارجو إن حضرتك توصفلي خبرتك مع العربيات فيه.
[justify]أولاً نصيحة لو هاتجيب البيجو ال 301 تجيب الهاى لاين.. فارق كبير بينها و بين الفئة الأولى. السيراتو كانت ثابتة بس العفشة مش مريحة إطلاقاً خصوصاً أن الجنوط كانت 17و أقل طوبه فى الشارع بتحس بيها و فى الفئات الأقل من الهاى لاين فى السيراتو كان يقل الثبات بسبب عدم وجود الجنوط العريضة .
السيراتو سيارة جميلة وبها كماليات ليست موجودة فى الكثير من السيارات الأغلى فى السعر و لكن عدم الراحة مع المطبات الموجودة بكل شوارع بلدنا و المشاكل التى تنتج عنها من بلالين وضبط زوايا و إستعدال جنوط ستجعلك غير سعيد بها خاصة لو كان معاك عدد فى السيارة ستسمع التعليقات مع كل مطب .
[/justify]