رأيوكم أشتري أنهي زيرو كيا ريو ولا 301

**S O P H O S** · 23-06-2013 07:15 PM

اعتقد البيجو ..

**4fun14** · 23-06-2013 08:01 PM

انا بصراحه معنديش خبره فى العربيتين
بس بصفه العامه العربيات الاوروبى زى البيجو بتكون ركوبه امتع لكن عربيه تشيل همها مش هى اللى تشيل همك
يعنى دايو لانوس زى اللى معايا ف اى مشكله بسيب مفتاحها لصبى الميكانيكى وكل قطع غيارها عنده..مسافه اريح شويه من الشغل الاقى كل حاجه تمام..
يوم ما احب ابيع والله وانا ماشى فى الشارع بيوقفونى عشان يشتروها..
اى حادثه لاقدر الله الفين جنيه يخلوها زى الزيرو..
تكييف جيد وعفشه مقبوله واستهلاك بنزين معقول..من الاخر عربيه اتسند عليها ومهما عطلت مبتوصلش انى اقف فى النص الطريق..بتوصلنى لغايه البيت واصلحها فى لا وقت..
الاوروبى باه ابهار..اوبشنز وهدوء وتتكيف وانت سايقها فعلا بس لازم قبل ما تشتريها تكون عارف هتصلحها فين وتجيب حاجتها منين وتسأل على اسعار الصيانات وتتقبل خساره متوقعه فى اعاده البيع..
انا ممكن البيجو تشدنى اكتر لكن لما اشترى غالبا هلاقى نفسى اشتريت الريو

**4fun14** · 23-06-2013 08:03 PM

المشاركة الأصلية كتبت بواسطة 4fun14

انا بصراحه معنديش خبره فى العربيتين
بس بصفه العامه العربيات الاوروبى زى البيجو بتكون ركوبه امتع لكن عربيه تشيل همها مش هى اللى تشيل همك
يعنى دايو لانوس زى اللى معايا ف اى مشكله بسيب مفتاحها لصبى الميكانيكى وكل قطع غيارها عنده..مسافه اريح شويه من الشغل الاقى كل حاجه تمام..
يوم ما احب ابيع والله وانا ماشى فى الشارع بيوقفونى عشان يشتروها..
اى حادثه لاقدر الله الفين جنيه يخلوها زى الزيرو..
تكييف جيد وعفشه مقبوله واستهلاك بنزين معقول..من الاخر عربيه اتسند عليها ومهما عطلت مبتوصلش انى اقف فى النص الطريق..بتوصلنى لغايه البيت واصلحها فى لا وقت..
الاوروبى باه ابهار..اوبشنز وهدوء وتتكيف وانت سايقها فعلا بس لازم قبل ما تشتريها تكون عارف هتصلحها فين وتجيب حاجتها منين وتسأل على اسعار الصيانات وتتقبل خساره متوقعه فى اعاده البيع ووقف حال عشان سوقها مش اوى..
انا ممكن البيجو تشدنى اكتر لكن لما اشترى غالبا هلاقى نفسى اشتريت الريو

**mohamedhagrass** · 25-06-2013 07:20 PM

المشاركة الأصلية كتبت بواسطة mahmoud_anwar

ياباشا مين اين لك هذا الافتاء
ياباشا انا معايه دايو موديل 2005 والسنة دي 2013 وعاملة 185 الف كيلو وبسم الله ماشاء الله العربية لسه مغير من الفبريكة فيها المساعدين ولسه العفشة كله بي ربطة الفبريكة معادة المساعدين علشان غيرتها بعد 8 سنين كفايه فتي بقا ياريت الناس تركب الكوري وبعد كده تتكلم الكوري اه الخمات اقل من الاوربي وليس اليابني ممكن ماتورها يكون ضعيف شوية يعني مش بتاع قرص كتير بس عربية حملوة وكمان عربية بتستحمل بهدلة الشارع ومابتشتكيش انا بشتكي من الدايو لي سبب ان سرعتي عالية والعربية بتعوم بعد 140 لكن عربية ممتازة من حيث توفير الجيب وانها حموله للشوارع المصري
ياجماعه الكوري اتغير نهائي

يا فندم لاحظ ان احنا بنتكلم على الزيرو الجديد زي الكيا الريو والسيراتو اتفرج عليهم بيبقو عملين ازاي بعد 3 سنين غير اللانوس مع كل احترامي ده من وجه نظري عربيه ليك وللزمن بسي على حساب الكماليات
يعني اجنا بنتكلم هنا عن فئه سعريه معينه كلها خامات فوق السيئه يعني انا بقلك ان اللانوس عضمها احسن من السيراتو والريو مييييييه مره وربنا يباركلك فيها الكوري مش وحش بسي بقو بيزودو كماليات على حساب المتانه ولم اقارن مع بيجو معلش في الكلمه ايه كوري ده ولم اقارن مع يباني اقلك الكوري احسن فالتسارع والكماليات بسي في المتانه سلملي عليه واظن حضرتك بتشوف سيفيك 90 و لانسر وتويوتا الشباب بيعدلوها وبيشدوا بيها لاكن عمرك شفت سيراتو ولا لا النترا نادرا جدا موجود بسي نسبه ده ل ده كام

**dodz** · 26-06-2013 05:28 AM

المشاركة الأصلية كتبت بواسطة mohamedhagrass

يا فندم لاحظ ان احنا بنتكلم على الزيرو الجديد زي الكيا الريو والسيراتو اتفرج عليهم بيبقو عملين ازاي بعد 3 سنين غير اللانوس مع كل احترامي ده من وجه نظري عربيه ليك وللزمن بسي على حساب الكماليات
يعني اجنا بنتكلم هنا عن فئه سعريه معينه كلها خامات فوق السيئه يعني انا بقلك ان اللانوس عضمها احسن من السيراتو والريو مييييييه مره وربنا يباركلك فيها الكوري مش وحش بسي بقو بيزودو كماليات على حساب المتانه ولم اقارن مع بيجو معلش في الكلمه ايه كوري ده ولم اقارن مع يباني اقلك الكوري احسن فالتسارع والكماليات بسي في المتانه سلملي عليه واظن حضرتك بتشوف سيفيك 90 و لانسر وتويوتا الشباب بيعدلوها وبيشدوا بيها لاكن عمرك شفت سيراتو ولا لا النترا نادرا جدا موجود بسي نسبه ده ل ده كام

أعتقد إن حضرتك ظالم الكوري شوية. هو اه عمره ما كان معروف بإنه كويس بس ده بيتغير مع الوقت الحالي.

يعني حاليا حضرتك مكن تشوف أي review معمولة من أشهر مجالات العربيات في أوروبا وأمريكا وهتلقيهم بيشكري في الكوري بذات السيراتو (من أول ٢٠٠٨ أظن) والريو حالياً بيقولو عليها من أحسن ٥ عربيات في الفئة السعرية دي والحجم وأنا بتكلم عن autocar ودي من أشهر مجالات العربية في إنجلترة والعلم كلو.

الكوري تقدم، بس بردو الكوري بتاع برى مش زي هنا، يعني هما مثلاً عندهم الريو أقل حاجة ب-٤ airbag وضمان ٧ سنين وفرامل ديسك قدام وورا. احنا عندنا عربية تانية خالص من ناحية الكماليات، بس الميكانيكا هي هي.

**AhmedNaeem** · 26-06-2013 12:53 PM

المشاركة الأصلية كتبت بواسطة 4fun14

انا بصراحه معنديش خبره فى العربيتين
بس بصفه العامه العربيات الاوروبى زى البيجو بتكون ركوبه امتع لكن عربيه تشيل همها مش هى اللى تشيل همك
يعنى دايو لانوس زى اللى معايا ف اى مشكله بسيب مفتاحها لصبى الميكانيكى وكل قطع غيارها عنده..مسافه اريح شويه من الشغل الاقى كل حاجه تمام..
يوم ما احب ابيع والله وانا ماشى فى الشارع بيوقفونى عشان يشتروها..
اى حادثه لاقدر الله الفين جنيه يخلوها زى الزيرو..
تكييف جيد وعفشه مقبوله واستهلاك بنزين معقول..من الاخر عربيه اتسند عليها ومهما عطلت مبتوصلش انى اقف فى النص الطريق..بتوصلنى لغايه البيت واصلحها فى لا وقت..
الاوروبى باه ابهار..اوبشنز وهدوء وتتكيف وانت سايقها فعلا بس لازم قبل ما تشتريها تكون عارف هتصلحها فين وتجيب حاجتها منين وتسأل على اسعار الصيانات وتتقبل خساره متوقعه فى اعاده البيع..
انا ممكن البيجو تشدنى اكتر لكن لما اشترى غالبا هلاقى نفسى اشتريت الريو

10/10
واضيف كمان ان البيجو عربية جديدة ولسه مش عارفين عيوبها
لكن الكوري اثبت ان عربياته يعتمد عليها
بصرف النظر عن اي تعليق اخر ممكن تسمعه عن الكوري
وطبعا الكمال لله وحده وكل عربية في اللي ليها واللي عليها
وربنا يوفقك في الاختيار

**waleedabbas** · 27-06-2013 02:57 PM

المشاركة الأصلية كتبت بواسطة dodz

ممكن حضرتك تحدد معنى ركوبه احسن؟

انا بدأت اميل نحيت ال ٣٠١ بعد ما عرفت ان الريو ال هنا بردو مش زي الموجودة في اروبا من ناحيت الأمان و الكاماليات بس اما شوفت ال ٣٠١ في المعرض حسيت إن التأفيل بتعها مش كويس و مسترخصين فيه شويه خصوصاً اما لقيت عمود الدركسيوة باين و مكشوف ورا الدواسات و ده خطر جدا علي السواق، بس مش عارف ده العادي ولا في العربيه ال انا شوفتها بس

هو حضرتك اتفرجت على العربية عند احمد ياسين ال في عباس العقاد ؟ اكيد ال قالك على موضوع الدركسيون ده هناك

**waleedabbas** · 27-06-2013 02:59 PM

العربية تجميع مصنع بيجو في اسبانيا فعلا ومفيش بيجو ايراني نزلت غير البارس والروا وال 408 صيني ومابقوش بينزلوا غير كده كل البيجو ال موجود دلوقتي فرنساوي 100 %

**waleedabbas** · 27-06-2013 03:10 PM

موضوع ان البيجو قطع غياره غالية ده بقى موضوع قديم اوي لان تقريبا كل ماركات العربيات الجديدة دلوقتي اسعارها غالية بالعكس البيجو فيها قطع غيار كتير ارخص من عربيات كوري يعني مثلا فانوس الانترا تمنه اكتر من 2000 جنيه المراية 1700 كيا سيراتو فانوس ب 1500 ومراية 1300 كيا سبورتاج فانوسها يبدا من 1900 يوصل 5000 والمراية 1800
ما بقاش في حاجة اسمها كوري رخيص للاسف :(

**dodz** · 28-06-2013 01:18 PM

المشاركة الأصلية كتبت بواسطة waleedabbas

هو حضرتك اتفرجت على العربية عند احمد ياسين ال في عباس العقاد ؟ اكيد ال قالك على موضوع الدركسيون ده هناك :u_thin1[1]:

قريب بس مش هوا، :d لأ أنا شفت العربية ده في بيجو ال في شارع النزهة

الموضوع: رأيوكم أشتري أنهي زيرو كيا ريو ولا 301

LinkBack

أدوات الموضوع

عرض

-

-

-

-

المواضيع المتشابهه

أشتري أنهي كاميرا في دول؟

عايز أشتري منفاخ للكاوتش أجيب أنهي نوع وبكام وعند مين ؟؟

أشتري أنهي Iphone4 16Giga ولا HTC Sensation ؟

أشتري أنهي Iphone4 16Giga ولا HTC Sensation ؟

أشتري أنهي سايبا برايد أم سبارك أم لادا... أفيدوني أفادكم الله؟

الكلمات الدلالية لهذا الموضوع

المفضلات

المفضلات

ضوابط المشاركة