الجنوط لعربيتى تبقى كام ؟؟ برجاء الرد السريع علشان رايح للميكانيكى

السلام عليكم
عندى سؤال مهم بعد إذنكم ياجماعه
1 - الميكانيكى لما سقطلى الموتور ال 2000 2e غيرلى العفشه قدام بس .. لما سألته مش حتتغير ورا قالى ورا ده بيبقى دنجل ومش بيتغير .. قولتله يعنى مش ححتاج العفشه تتغير ورا علشان الإستيبل بتاع العربيه عالسرعات ؟ قالى لأ .. الكلام ده مظبوط ولا انا بتسوح ؟
2 - انا الجنوط إللى عندى 14 وعريضه بس مش أوى بصراحه .. قولتله انا عايز أغير الجنوط دى وأجيب جنوط 16 قالى لأ خليها 15 علشان العفشه ممتعبش .. الكلام ده برضه مظبوط ولا إيه ؟؟
والنبى ردوا عليا بسرعه قبل ما أروحله علشان لو فى حاجه غلط أعرف أرد عليه من شرحكم :)
السلام عليكم :)

متابع

العفشة الخلفية دنجل بس
اللى ممكن يتغير فيها الطنابير بس
وتركب مكانها ديسكات عشان تقوى معاك الفرامل و الافضل انك تشترى الدنجل كامل بديسكاته بـ400 جنيه
وممكن بعد كده عشان الثبات تركب بار جوه الشنطة يمسك الفخدتين وممكن كمان تركب بار من تحت بمحاذاة الدنجل وممكن كمان تغير المساعدين والسوست وتجيبهم اسبور
بس كل الكلام ده لو انت بتاخد ملفات وغرز قطم على سرعات عالية جدا, لكن لو كل مشيك على سرعات فى طرق straight يبقى ملوش لازمة كل ده

بالنسبة للجنوط: انا مركب 16 و كاوتش 195\45
لو 15 يبقى 195\55

اقتباس:

---

المشاركة الأصلية كتبت بواسطة karim ibiza

العفشة الخلفية دنجل بس
اللى ممكن يتغير فيها الطنابير بس
وتركب مكانها ديسكات عشان تقوى معاك الفرامل و الافضل انك تشترى الدنجل كامل بديسكاته بـ400 جنيه
وممكن بعد كده عشان الثبات تركب بار جوه الشنطة يمسك الفخدتين وممكن كمان تركب بار من تحت بمحاذاة الدنجل وممكن كمان تغير المساعدين والسوست وتجيبهم اسبور
بس كل الكلام ده لو انت بتاخد ملفات وغرز قطم على سرعات عالية جدا, لكن لو كل مشيك على سرعات فى طرق straight يبقى ملوش لازمة كل ده

بالنسبة للجنوط: انا مركب 16 و كاوتش 195\45
لو 15 يبقى 195\55

---

تسلملى ياكيمو أنقذتنى :)
طيب انا دلوقتى عالجنط أصلا .. لو أجلت موضوع تغيير الدنجل بديسكاته .. الإستيبول حيبقى وحش ؟
انا باخد غرز على 160 أو 170 مثلا مش عالى أوى إلا لما أخد عالعربيه
طيب الجنوط تاعبالك العفشه ؟؟ وبالنسبه لإنه 45/195 .. ال 45 مش بيتسبب إنه يعمل بلالين فى الكاوتش لو أكلت نقره أو حفره ؟؟

اقتباس:

---

المشاركة الأصلية كتبت بواسطة love increaser

تسلملى ياكيمو أنقذتنى :)
طيب انا دلوقتى عالجنط أصلا .. لو أجلت موضوع تغيير الدنجل بديسكاته .. الإستيبول حيبقى وحش ؟
انا باخد غرز على 160 أو 170 مثلا مش عالى أوى إلا لما أخد عالعربيه
طيب الجنوط تاعبالك العفشه ؟؟ وبالنسبه لإنه 45/195 .. ال 45 مش بيتسبب إنه يعمل بلالين فى الكاوتش لو أكلت نقره أو حفره ؟؟

---

الدنجل والديسكات ملهومش علاقة بال stability
ليهم علاقة بالفرامل

ركب جوز مساعدين ورا نضاف وركب فلنشات اللادا وخد غرز زي ما انت عايز بس متنساش بعد تركيب الفلنشات انك تغير مسامير الجنط اللي ورا وتجيبهم أطول عشان تعوض قيمة الفلنشات

بالنسبة للجنوط والعفشة طبعا كل ما الجنط يكبر كل ما المفروض سواقتك تبقي بحساب وتخلي بالك من المطبات
انا تقريبا بمعدل كل شهر بروح للعفشجي مرة عشان اربط العفشة ب 10 جنيه
المقاس 195/45 ده مقاس الفبريكة وأي تغيير فيه هيخلف معاك في عداد السرعة وهيديك قراية غلط
لو ده هيبقي بالنسبة لك رفيع يبقي خليك في ال15 195/55

يعنى مش ممكن ياخد لحد 205/40

اقتباس:

---

المشاركة الأصلية كتبت بواسطة hossamalsadik

يعنى مش ممكن ياخد لحد 205/40

---

ياخد ياحوس مياخدش ليه
بس برده هيبقي نفس البروفيل لان 40 ال 205 هو نفس 45 ال 195

الله ينور باشمهندس كريم الدونجل بالديسكات بجهاز الفرامل بس ب 400 جنيه
انا عربيتى 1994 اجيب دونجل بالديسكات موديل كام

اقتباس:

---

المشاركة الأصلية كتبت بواسطة karim ibiza

الدنجل والديسكات ملهومش علاقة بال stability
ليهم علاقة بالفرامل

ركب جوز مساعدين ورا نضاف وركب فلنشات اللادا وخد غرز زي ما انت عايز بس متنساش بعد تركيب الفلنشات انك تغير مسامير الجنط اللي ورا وتجيبهم أطول عشان تعوض قيمة الفلنشات

بالنسبة للجنوط والعفشة طبعا كل ما الجنط يكبر كل ما المفروض سواقتك تبقي بحساب وتخلي بالك من المطبات
انا تقريبا بمعدل كل شهر بروح للعفشجي مرة عشان اربط العفشة ب 10 جنيه
المقاس 195/45 ده مقاس الفبريكة وأي تغيير فيه هيخلف معاك في عداد السرعة وهيديك قراية غلط
لو ده هيبقي بالنسبة لك رفيع يبقي خليك في ال15 195/55

---

سورى ياباشا إنى رديت متأخر 3 أيام .. بس من الخميس إللى فات شبه مكونتش بنام بسس أم العربيه إللى قربت تشلنى دى :(
العربيه لسه مخلصتش :(
المفروض حستلمها النهرده إن شاء الله ويارب يصدق الميكانيكى للمره الألف :@
هى إيه الفلنشات ياكريم؟ وبعدين هى مش اللادا الإستيبول بتاعها وحش؟فهمنى معلش إزاى حيبقى الإستيبول بتاعى فى الغرز عالى ؟
وبعدين لو انا حطيت جنوط 15 مقاس 205/50 حيخلف معايا فى عداد السرعه؟ ولو مدانيش قرايه صح أعدله إزاى ؟
كيمو سؤال كمان بعد إذنك .. متعرفش أجيب زينون قوى وسعره حنين شويه منين ؟

اقتباس:

---

المشاركة الأصلية كتبت بواسطة love increaser

سورى ياباشا إنى رديت متأخر 3 أيام .. بس من الخميس إللى فات شبه مكونتش بنام بسس أم العربيه إللى قربت تشلنى دى :(
العربيه لسه مخلصتش :(
المفروض حستلمها النهرده إن شاء الله ويارب يصدق الميكانيكى للمره الألف :@
هى إيه الفلنشات ياكريم؟ وبعدين هى مش اللادا الإستيبول بتاعها وحش؟فهمنى معلش إزاى حيبقى الإستيبول بتاعى فى الغرز عالى ؟
وبعدين لو انا حطيت جنوط 15 مقاس 205/50 حيخلف معايا فى عداد السرعه؟ ولو مدانيش قرايه صح أعدله إزاى ؟
كيمو سؤال كمان بعد إذنك .. متعرفش أجيب زينون قوى وسعره حنين شويه منين ؟

---

الفلنشات دى اسمها بالأنجليزى Spacer وده شكلها

http://nileup.com/up/uploads/nilemotors_13719781231.jpg

ودى شكلها وهى راكبة

http://nileup.com/up/uploads/nilemotors_13719781232.jpg

فايدتها انها بتطلع العجل لبرة وبالتالى العربية بتبقى قاعدة عجلاتها أعرض وبالتالى الثبات يزيد
الفلنشات دى بتركب فى اللادا على العجل اللى قدام
انت اشتريها وركبها عندك ورا
لو لاحظت فى الابيزا هتلاقى العجل اللى قدام طالع لبره والعجل اللى ورا داخل لجوه
الفلنشات دى هتنطرلك العجل اللى ورا لبره ويبقى زى اللى قدام بس بشرط ان الفلنشات يكون مقاسها 20 ميللى و et الجنط بتاعك يكون 38 عشان الجنط يظبط على الرفرف بالظبط وميحكش فيه

بالنسبة لمقاس الكاوتش 205\50 15 شغال والفرق مش هيبقى كبير
بس لازم تبقى عارف انك لو ماشى على العداد 100 انت فى الحقيقة ماشى 101.6 لأن المقاس ده هيزود القراية معاك 1.62%

بالنسبة للزينون مش هعرف افيدك لانى من اسكندرية ومعرفش حد فى القاهرة

كلام جميل