العربية عطلت مني انهارده ودرس مستفاد لعدم التكرار مع اي شخص تاني

السلام عليكم
اخواني الكرام انهارده كنت ماشي بالعربيه تويوتا ياريس ومره واحد ه الساعه 12و نصف ظهرا العربيه بطلت مني:no2:
حاولت اني اعرف العيب منين بس كان واضح انه من البنزين العربيه قاطعه بنزين:Copy of majd(4):
المؤشر في الياريس ديجيتال يعني شُرط والعداد قاري شارتطين يعني فيه فوق 10 لتر بنزين
حاولت اعمل حاجات كتير بس بصراحه معرفتش
اتصلت بمركز خدمة تويوتا في 6 اكتوبر عشان انا كنت جنبهم في المصانع رد عليه مهندس الاستقبال وقالي اقطر العربيه وتعالى
قولتلوا ازاي ديه اوتوماتيك يعني متتقطرش
قالي بكل عنطزه ما هو اإن معمول عشان القطر
قولتله لأ الفتيس يبوظ عشان دورة الزيت مش طلمبة
قالي مفيهاش حاجه:fun_10_9_134[1]:
المهم انا عارف انه غلط بس مش عارف اعمل حاجه
ربنا كرمني بواحد عارفني معدي بالصدفه:help1:
قالي أأقطرك لغاية هناك
طيب معاك واير قالي لأ لسه سايبه من يومين في عربيته والده:fun_36_3_4[1]:
طيب نعمل ايه المهم اتصلنا بسواقين نقل تقيل لقينا في عربيه جمبهم راح جاب منهم سلب
وقطرني لغاية المركز مش عارف ليه شكيت ان العربيه مفيهاش بنزين مش عيب طلبمه
المهم اول ما وصلت المركز قولتلهم عندكو بنزبن قلولي لأ
قولت ماشي اسحب يا عم من العربيه اللي قاطراني معلش يا عم احمد
احمد ده اللي قطرني هههههههه
المهم سحبنا بنزين البطاريه نامت
نسيت أقول اني لما وصلت المركز البيه اللي قالي العربيه ممكن تتقطر اللي هو مهندس الاستقبال كان مشغول وقال للشيخ حسن اللي هو الصنايعي وهوه عشره على عشره يستلم العربيه الحمد لله
سألت الشيخ حسن هو الأوتوماتيك تتقطر قالي لأ طبعا قولتلوا اصلوا قالي كذا كذا قالي لأ طبعا
سيبتهم بعد البطاريه نامت ومشيت عشان كنت مشغول جدا
اتصل بيا الشيخ حسن وقالي العربيه دارت الحمد لله قولتله ايه المشكله قالي مفيهاش نقطة بنزين
ازاااااااااااي ده لسه فيها شرطتين قالي ممكن تعلق عادي
رجعت المركز لقيت مهندس الاستقبال في وشي قولتلوا ايه الخبار قالي الفلتر اتسد من الوساخه واحنا نضفناه وعايزين نغيره روحت مره واحده صرخت في وشه قولتله ليه ده لسه جديد
قالي ما عشان كده مغيرناهوش
فطست على روحي من الضحك هتعرفوا ليه:44:
دخلت للشيخ حسن ايه الأخبار يا شيخ قالي الفلتر اتسد ونضفناه بس هو ضعف قولتله ازااااااااااااي ده لسه جديد راح قالي مش ممكن انت اكيد مغيرتوش بقالك كتير ده مش جديد
قولتله فيك مين يكتم السر قالي قول
قولتله انا مغيرتش الفلتر من الزيرو وانا معدي 150 الف قالي وشكل البوجيهات برضه عايزه تتغير
صرخت في وشه قولتله حراااااااااااااام ده انا لسه مغيرها مكملتش 70 الف ههههههه:untitled 1:
الراجل بصراحه كان هتجيله صدمه نفسيه وعصبيه وكل حاجه وقالي وصوته بيحشرج ده احنا بنغيرها كل 20 الف
المهم الدروس المستفاده

• خلي بالك من كام كيلو انت عملته بجانب قراية المؤشر
• اوعى تقطر عربية اوتوماتيك
• لو رحت مركز الخدمه اللي انا رحته خلي الشيخ حسن يستلم العربيه منك هههههه

وعلى فكره اكتوبر انهارده مكنش فيها بنزين من المصانع لغاية بنزينة كالتكس اللي بعد مول العرب وانت جاي من المحور خلي بالكو

ونسيت تكتب حاجة تانى مفيد لازم تخلى معاك فى العربية وير علشان القطر

احب أضيف نقطه برضه مهمه و هي ان حضرتك تخللي معاك رقم ونش إنقاذ تبع بنزينه معروفه او حد اتعاملت معاه قبل كده لان ده بينفع قوي في المواقف اللي زي دي خاصه لو كانت العربيه اتوماتيك او جر رباعي و انصح ان محدش يستخدم الارقام اللي بتبقي مكتوبه علي الجدران و علي الأسوار في المحور و غيره لأني سمعت تحذير ان الارقام دي ممكن تكون بتاعه لصوص سيارات حضرتك تكلمهم علي انهم ونش إنقاذ فيأتوا إليك لما تكلمهم لكن علشان يسرقوا العربيه و لذلك خللي معاك رقم حد مضمون للطوارئ اللي زي كده و ربنا يكفينا و إياكم شر الطريق

هههههههههههههههه والله العظيم الناس دي بتستهبل معلش يا باشا قد الله وما شاء فعل كويس ان حضرتك بخير ودة المهم و الحمد لله انك مكانش معاك حد من البيت كانت هتبقي مشكلة

اهم معلومة عرفتها ان الاتوماتيك المفروض مايتقطرش

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

ضحك السنين
كتر خيره المهندس حسن وسلملي علي اسطي الاستقبال
جزاك الله كل خير علي الافادة

طاب هو ايه المشكلة ان العربية تتقطر طالما لفتيس علي n

ياعم 150 الف ايه بس انتا بتهزر ده لسه بحاله الفبريكه حرام عليك يا اخى مش حاسس ان الفلتر لسه جديد ورايح تغير يا جدع كمل بيه ربع مليون كيلو ولا حاجه ههههههههههههههههههههههههه ههههههههههههههه

وكمان البوجيهات 70 الف والله كتر خيرهم ياعم

اقتباس:

---

المشاركة الأصلية كتبت بواسطة janagabr

طاب هو ايه المشكلة ان العربية تتقطر طالما لفتيس علي n

---

الاوتوماتيك مصمم انه ياخد الحركة من الموتور الاول وطرمبة الزيت تشتغل ، مش العكس

اقتباس:

---

المشاركة الأصلية كتبت بواسطة hossam_elwani

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

---

الله عال فتي :grinder:
طبعا الكلام دا غلط, وهري وأي عربية مانيوال ممكن تتقطر عادي من غير ما يحصل الشد والجزب اللي بتقول عليه دا وتحتاج زرجينة ,وتتغير أبعاد العربية.!! هتتغير أزاي يعني هتبقي مربعة ؟

وأحب أضيف معلومة علي الكلام المفيد اللي فوق, بأنك تخلي رقم ونش مضمون معاك..

أن المانيوال ممكن يتقطر لأي مسافة وعلي أي سرعة عادي,
والأوتوماتيك علي حسب ماهو مكتوب في معظم الكتالوجات, أنو ممكن يتقطر لمسافة لا تتعدي ال 60 كيلو متر, ونفس الوقت سرعة العربية اللي بتشدك لا تتعدي ال 60 كيلو متر في الساعة.
عشان لو مسافة قريبة مش محتاجة ونش,

وراجع كتالوج الياريس وقولي مكتوبة عندك كام.

يا جماعه طب ماهو n يعنى مور يعنى مافيش حركه هاتوصل للطرمبه
ولا انا غلطان
ياريت تفهمونى بعد اذنكم

اقتباس:

---

المشاركة الأصلية كتبت بواسطة besso

يا جماعه طب ماهو n يعنى مور يعنى مافيش حركه هاتوصل للطرمبه
ولا انا غلطان
ياريت تفهمونى بعد اذنكم

---

في الأوتوماتيك علي حد علمي حتي مع ال n بيفضل فيه حركة داخل الفتيس أو تروس متعشقة وهتلف مع حركة العربية.
ودا هيضرها أو هيضر بالهيدروليك,
علي عكس لما تمور في المانيوال, الفتيس بيبقي حر وكل التروس والغيارات حرة.

في أي كتالوج عربية أوتوماتيك, هتلاقي مكتوب معلومة أنك ممكن تقطر العربية الأوتو لمسافة لا تتعدي ال 60 كيلو, وبسرعة لا تتعدي 50 أو 60 كيلو متر في الساعة برضه.
وأكتر من 60 كيلو مشي أو سرعة هيضر بالفتيس ويبقي أفضل لو ترفعها علي ونش.

اقتباس:

---

المشاركة الأصلية كتبت بواسطة leitosr

الله عال فتي :grinder:
طبعا الكلام دا غلط, وهري وأي عربية مانيوال ممكن تتقطر عادي من غير ما يحصل الشد والجزب اللي بتقول عليه دا وتحتاج زرجينة ,وتتغير أبعاد العربية.!! هتتغير أزاي يعني هتبقي مربعة ؟

وأحب أضيف معلومة علي الكلام المفيد اللي فوق, بأنك تخلي رقم ونش مضمون معاك..

أن المانيوال ممكن يتقطر لأي مسافة وعلي أي سرعة عادي,
والأوتوماتيك علي حسب ماهو مكتوب في معظم الكتالوجات, أنو ممكن يتقطر لمسافة لا تتعدي ال 60 كيلو متر, ونفس الوقت سرعة العربية اللي بتشدك لا تتعدي ال 60 كيلو متر في الساعة.
عشان لو مسافة قريبة مش محتاجة ونش,

وراجع كتالوج الياريس وقولي مكتوبة عندك كام.

---

لا مش فتى يا مصرى

فيه موضوع هنا لاخ هنا فى المنتدى معاه لانوس وقطرها بسبب عطل فيها لمسافه والقطر كان فيه شد وجذب والعربيه بعديها برجلت فى المشى ولف عند الصنايعية كلها وغير عفشه وقواعد وخلافه وفى الاخر اتضح ان ابعاد العربيه اتغيرت نتيجة الشد ده واتضر يعمل زرجينه ليها وعلى فكره التغيير فى ابعاد العربيه بيبقى بالملى وده بيفرق كتير

ودى تجربه واقعيه مش من خيالى وكان صاحب المشكله دى عامل موضوع تحذيرى للافاده ابحث عنها وانت تعرف انه مش فتى يامصرى

معاه لانوس وقطرها,
والقطر كان فيه شد وجذب.. :grinder:
ولف عند الصنايعية كلها و"غير عفشه وقواعد وخلافه".! :grinder:
الاخر اتضح ان ابعاد العربيه اتغيرت بيبقى بالملى وده بيفرق كتير.


ياعم هوا انت بتكلمنا علي عربية لعبة ولا ورق.؟؟! :L_bhuhhh[1]:
مفيش الكلام دا, ولا بيحصل,,

كل العربيات بتتقطر, جديدة وقديمة, غالية ورخيصة من المرسيدس للماروتي..
وهما ماشين بيحصل شد وجذب أه بس مع الواير. :grinder:
بس مبيحصلش الكلام اللي أنت بتقوله ولا عمرنا سمعنا عنه.!!

لأن العربية بتتشد من الشاسية,مش من الكورسلية, :oops2:
يعني مالهاش أي دعوة لا بأبعاد العربية ولا العفشة. :bump1:


لو الأخ اللي بتتكلم عليه دا قال كدا, يبقي عنده مشكله تانية في عربيته, وبسبب حاجة غير قطر العربية ودي حالة شاذة.
فا متفترضش أنت أنها بسبب القطر, لأن مفيش الكلام دا ولا بيحصل لأنها مش عربيات ورق ولا عمرنا ما سمعنا عن عربية بتتقطر بيحصل لها اللي بتقول عليه دا.

مش فاهم أنت بتبرر لنفسك أزاي.! :bye2:

اقتباس:

---

المشاركة الأصلية كتبت بواسطة land_cruiser

احب أضيف نقطه برضه مهمه و هي ان حضرتك تخللي معاك رقم ونش إنقاذ تبع بنزينه معروفه او حد اتعاملت معاه قبل كده لان ده بينفع قوي في المواقف اللي زي دي خاصه لو كانت العربيه اتوماتيك او جر رباعي و انصح ان محدش يستخدم الارقام اللي بتبقي مكتوبه علي الجدران و علي الأسوار في المحور و غيره لأني سمعت تحذير ان الارقام دي ممكن تكون بتاعه لصوص سيارات حضرتك تكلمهم علي انهم ونش إنقاذ فيأتوا إليك لما تكلمهم لكن علشان يسرقوا العربيه و لذلك خللي معاك رقم حد مضمون للطوارئ اللي زي كده و ربنا يكفينا و إياكم شر الطريق

---

الحمد لله انا لعرف اجيب ونش مضمون في 6 اكتوبر بس مكنتش عايز اتصل بيه الأول قولت يمكن اعرف ادورها

اقتباس:

---

المشاركة الأصلية كتبت بواسطة m i d o

هههههههههههههههه والله العظيم الناس دي بتستهبل معلش يا باشا قد الله وما شاء فعل كويس ان حضرتك بخير ودة المهم و الحمد لله انك مكانش معاك حد من البيت كانت هتبقي مشكلة

---

عندك حق والله لو كنت على طريق الواحات بالليل كنت اتبهدلت

اقتباس:

---

المشاركة الأصلية كتبت بواسطة aboamina

اهم معلومة عرفتها ان الاتوماتيك المفروض مايتقطرش

---

ديه حقيقه

اقتباس:

---

المشاركة الأصلية كتبت بواسطة hossam_elwani

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

---

معرفش فيه بس العربيه فيها مكان مصمم لكده بتركب ويتشال عادي

اقتباس:

---

المشاركة الأصلية كتبت بواسطة janagabr

ضحك السنين
كتر خيره المهندس حسن وسلملي علي اسطي الاستقبال
جزاك الله كل خير علي الافادة

---

والله صدقت

اقتباس:

---

المشاركة الأصلية كتبت بواسطة janagabr

طاب هو ايه المشكلة ان العربية تتقطر طالما لفتيس علي n

---

المشكله ان دورة الزيت في الفتيس المانيوال تعتمد على حركة التروس بمعني لو التروس دارت الزيت يتقلب
لكن في الاوتوماتيك الحركه تعتمد على طلمبه لتقليب الزيت يعني من غير الطلمبه الزيت ميتقلبش في الفتيس

اقتباس:

---

المشاركة الأصلية كتبت بواسطة aldesha989

ياعم 150 الف ايه بس انتا بتهزر ده لسه بحاله الفبريكه حرام عليك يا اخى مش حاسس ان الفلتر لسه جديد ورايح تغير يا جدع كمل بيه ربع مليون كيلو ولا حاجه ههههههههههههههههههههههههه ههههههههههههههه

وكمان البوجيهات 70 الف والله كتر خيرهم ياعم

---

بسم الله ما شاء الله
انا مغيرتوش اوعى تفهمني غلط ده هما اللي عايزين وانا قولت لأ لسه شويه
بس البوجيهات انا قررت اغيرها فعلا بعد ما تعمل 100 الف ههههههه
مفيش حاجه فيها بركة الحاجات مبقتش تعمر ههههههه

اقتباس:

---

المشاركة الأصلية كتبت بواسطة eng_mostafa_89

ونسيت تكتب حاجة تانى مفيد لازم تخلى معاك فى العربية وير علشان القطر

---

ممكن بس صعب يعني عربيه زيرو تتقطر

اقتباس:

---

المشاركة الأصلية كتبت بواسطة leitosr

في الأوتوماتيك علي حد علمي حتي مع ال n بيفضل فيه حركة داخل الفتيس أو تروس متعشقة وهتلف مع حركة العربية.
ودا هيضرها أو هيضر بالهيدروليك,
علي عكس لما تمور في المانيوال, الفتيس بيبقي حر وكل التروس والغيارات حرة.

في أي كتالوج عربية أوتوماتيك, هتلاقي مكتوب معلومة أنك ممكن تقطر العربية الأوتو لمسافة لا تتعدي ال 60 كيلو, وبسرعة لا تتعدي 50 أو 60 كيلو متر في الساعة برضه.
وأكتر من 60 كيلو مشي أو سرعة هيضر بالفتيس ويبقي أفضل لو ترفعها علي ونش.

---

الكتالوج بيقول متتقطرش بس هرجع اراجع تاني واقولك بس اللي خلاني أأقطرها ان المركز يبعد حوالي من 3 الي 5 كيلو بس

اقتباس:

---

المشاركة الأصلية كتبت بواسطة hossam_elwani

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

---

بصراحه انا كان قلبي بيتقطع وهو بيشد بس ما باليد حيله

اقتباس:

---

المشاركة الأصلية كتبت بواسطة LeitoSR

معاه لانوس وقطرها,
والقطر كان فيه شد وجذب.. :grinder:
ولف عند الصنايعية كلها و"غير عفشه وقواعد وخلافه".! :grinder:
الاخر اتضح ان ابعاد العربيه اتغيرت بيبقى بالملى وده بيفرق كتير.


ياعم هوا انت بتكلمنا علي عربية لعبة ولا ورق.؟؟! :L_bhuhhh[1]:
مفيش الكلام دا, ولا بيحصل,,

كل العربيات بتتقطر, جديدة وقديمة, غالية ورخيصة من المرسيدس للماروتي..
وهما ماشين بيحصل شد وجذب أه بس مع الواير. :grinder:
بس مبيحصلش الكلام اللي أنت بتقوله ولا عمرنا سمعنا عنه.!!

لأن العربية بتتشد من الشاسية,مش من الكورسلية, :oops2:
انا قطرت 128 قبل كدة كسرت الستارة اللى تحت الاكصدام (فكت من الشاسية)
يعني مالهاش أي دعوة لا بأبعاد العربية ولا العفشة. :bump1:


لو الأخ اللي بتتكلم عليه دا قال كدا, يبقي عنده مشكله تانية في عربيته, وبسبب حاجة غير قطر العربية ودي حالة شاذة.
فا متفترضش أنت أنها بسبب القطر, لأن مفيش الكلام دا ولا بيحصل لأنها مش عربيات ورق ولا عمرنا ما سمعنا عن عربية بتتقطر بيحصل لها اللي بتقول عليه دا.

مش فاهم أنت بتبرر لنفسك أزاي.! :bye2:

---

اقتباس:

---

المشاركة الأصلية كتبت بواسطة leitosr

معاه لانوس وقطرها,
والقطر كان فيه شد وجذب.. :grinder:
ولف عند الصنايعية كلها و"غير عفشه وقواعد وخلافه".! :grinder:
الاخر اتضح ان ابعاد العربيه اتغيرت بيبقى بالملى وده بيفرق كتير.


ياعم هوا انت بتكلمنا علي عربية لعبة ولا ورق.؟؟! :l_bhuhhh[1]:
مفيش الكلام دا, ولا بيحصل,,

كل العربيات بتتقطر, جديدة وقديمة, غالية ورخيصة من المرسيدس للماروتي..
وهما ماشين بيحصل شد وجذب أه بس مع الواير. :grinder:
بس مبيحصلش الكلام اللي أنت بتقوله ولا عمرنا سمعنا عنه.!!

لأن العربية بتتشد من الشاسية,مش من الكورسلية, :oops2:
يعني مالهاش أي دعوة لا بأبعاد العربية ولا العفشة. :bump1:


لو الأخ اللي بتتكلم عليه دا قال كدا, يبقي عنده مشكله تانية في عربيته, وبسبب حاجة غير قطر العربية ودي حالة شاذة.
فا متفترضش أنت أنها بسبب القطر, لأن مفيش الكلام دا ولا بيحصل لأنها مش عربيات ورق ولا عمرنا ما سمعنا عن عربية بتتقطر بيحصل لها اللي بتقول عليه دا.

مش فاهم أنت بتبرر لنفسك أزاي.! :bye2:

---

ابرر لنفسى ههههههه

انا بنقل الى حصل من تجربه واقعيه وحجيب ليك اللينك يامصرى

اقتباس:

---

المشاركة الأصلية كتبت بواسطة hossam_elwani

ابرر لنفسى ههههههه

انا بنقل الى حصل من تجربه واقعيه وحجيب ليك اللينك يامصرى

---

شكرا ليك مداخلتك الكريمه ولو سمحت نرجع للموضوع الأصلي عشان الدنيا متسخنش اكتر من كده

لكن إنت مقولتش دفعت كام فى التوكيل العبقري

الحمد لله انها جت بسيطة وبالنسبة لنقطة البنزين انا اتعودت اني دايما اول مالعربية تبقى شرطتين اقوم ممون 10 او 15 لتر

ومع الوقت بقيت حافظ الكمية اللى انا بمونها دي هتخلص بعد كام مشوار ومن غير علامات ولا حاجة كدة ببقى عارف البنزين هيوصلني ولا لاء وبمون علطول بشكل تلقائي

والعربية الحمد لله اقتصادية في البنزين يعني ال 15 لتر دول يعملو كام مشوار حلوين !!

بس فيه نقطة برضوا لازم تاخد بالك منها

مش معنى ان العربية ماشية ومافيش فيها مشاكل - ربنا يحفظهالك طبعا - يبقى نتجاهل الصيانة للدرجة اللى تخليك تمشي بفلتر البنزين 150 الاف كم !!! ؟

صدقني انا كنت زيك كدة لحد مافي احد الازمات مونت بنزين كان يظهر مغشوش وطبعا مع الفلتر المتهالك مرة واحدة لقيت العربية بطلت !! وقطرتها لحد البيت وبص عليها ميكانيكي شاطر جمب البيت وطلع فيوز طرمبة البنزين ضرب !!

الحمد لله انها جت على قد الفيوز بس انا قصدي ان حاول تهتم شوية بالصيانات خصوصا الفلاتر !! هوا وبنزين وزيت لان ممكن لا سمح الله في اي لحظة تلاقي حصل عندك مشكلة جامد

العربية اه اعتماديتها عالية بس ده مش معناه اننا نتجاهلها صدقني يا باشا انت كدة بتهلك العربية جامد ولو مش حاسس باي تاثير دلوقتي ممكن قدام يحصل معاك اي مشكلة جامدة لا سمح الله

وفي الاول وفي الاخر ربنا يحفظهالك ان شاء الله

القطر بيفكك العربيه
اه فى مكن مخصوص للقطر مصمم لكده بس عمليا ايه اللى بيحصل
انت بتبقى راكب واللى قدامك بيقطرك بدء يهدى بتقوم دايس فرامل عشان متدخلش فيه يقوم الحبل عامل قوه جزب (نخع)بين القاطر والمقطور فى شاسيه العربيه
مطب صناعى
بيقوم مهدى يحصل نفس السيناريو بس الاسوء انك دايس فرامل وهو عدى المطب فبيعمل قوى جزب ونطر من فوق المطب بتفكك العربيه
الكلام ده من خبره عمليه ليا ولواحد صاحبى

اقتباس:

---

المشاركة الأصلية كتبت بواسطة rahmanboud

لكن إنت مقولتش دفعت كام فى التوكيل العبقري

---

40 جنيه بس خلي بالك الشيخ حسن ده ممتاز انا عملت عنده قبل كده فرامل قدام وورا وظبتهم هو المشكله كلها في المهندس

اقتباس:

---

المشاركة الأصلية كتبت بواسطة ahmod

الحمد لله انها جت بسيطة وبالنسبة لنقطة البنزين انا اتعودت اني دايما اول مالعربية تبقى شرطتين اقوم ممون 10 او 15 لتر

ومع الوقت بقيت حافظ الكمية اللى انا بمونها دي هتخلص بعد كام مشوار ومن غير علامات ولا حاجة كدة ببقى عارف البنزين هيوصلني ولا لاء وبمون علطول بشكل تلقائي

والعربية الحمد لله اقتصادية في البنزين يعني ال 15 لتر دول يعملو كام مشوار حلوين !!

بس فيه نقطة برضوا لازم تاخد بالك منها

مش معنى ان العربية ماشية ومافيش فيها مشاكل - ربنا يحفظهالك طبعا - يبقى نتجاهل الصيانة للدرجة اللى تخليك تمشي بفلتر البنزين 150 الاف كم !!! ؟

صدقني انا كنت زيك كدة لحد مافي احد الازمات مونت بنزين كان يظهر مغشوش وطبعا مع الفلتر المتهالك مرة واحدة لقيت العربية بطلت !! وقطرتها لحد البيت وبص عليها ميكانيكي شاطر جمب البيت وطلع فيوز طرمبة البنزين ضرب !!

الحمد لله انها جت على قد الفيوز بس انا قصدي ان حاول تهتم شوية بالصيانات خصوصا الفلاتر !! هوا وبنزين وزيت لان ممكن لا سمح الله في اي لحظة تلاقي حصل عندك مشكلة جامد

العربية اه اعتماديتها عالية بس ده مش معناه اننا نتجاهلها صدقني يا باشا انت كدة بتهلك العربية جامد ولو مش حاسس باي تاثير دلوقتي ممكن قدام يحصل معاك اي مشكلة جامدة لا سمح الله

وفي الاول وفي الاخر ربنا يحفظهالك ان شاء الله

---

أحمد بيه حبيبي
بص انا مشاويري مش ثابته فمعرفش اعمل اللي انت بتقول عليه
وبعدين المفروض ان المؤشر يشتغل
ثالثا انا بهتم بعربيتي بس مبمشيش على كلام التوكيل بس غيار زيت وفلتر وفلتر هوا لازم على طول وكمان زيت الفتيس وانا عمري ما حطيت حاجه في العربيه مش اصلي
بس الموضوع بالعقل ليه اغير فلتر بتزين كل 40 او 60 الف كلام مش منطقي ده مش الفلتر ابو 5 جنيه اللي بيتحط في ال 128 ده ب 650 جنيه
وبعدين البوجيهات اصلي وشغالع اغيرها ليه مش لما تأخر في الدواره او يبان منها اي عطل
غير كده يبقى بنرمي فلوس على الأرض

اقتباس:

---

المشاركة الأصلية كتبت بواسطة rotanamasoud

القطر بيفكك العربيه
اه فى مكن مخصوص للقطر مصمم لكده بس عمليا ايه اللى بيحصل
انت بتبقى راكب واللى قدامك بيقطرك بدء يهدى بتقوم دايس فرامل عشان متدخلش فيه يقوم الحبل عامل قوه جزب (نخع)بين القاطر والمقطور فى شاسيه العربيه
مطب صناعى
بيقوم مهدى يحصل نفس السيناريو بس الاسوء انك دايس فرامل وهو عدى المطب فبيعمل قوى جزب ونطر من فوق المطب بتفكك العربيه
الكلام ده من خبره عمليه ليا ولواحد صاحبى

---

انا كنت حاسس ات قلبي بيتقطع على العربيه بس ما باليد حيله

مرة كنت راجع من الشرقية بالموتوسيكل الصينى بتاعى وع الطريق وجدت سيارة عائلة واقفة وكان باين عليهم الحزن الشديد وشاور لى والدهم وطلب منى زجاجة بنزين أعطيته ،،وأنا أعتقد أنك لازم يكون معاك زجاجة بنزين ع الآقل ف العربية للطوارئ ،،وكمان تبق تعتمد ع بتوع الموتوسيكلات ،،بردو بينفعو .

ههههههههه

الحمد الله انها عدت علي خير

لا طبعا فلتر و بوجيهات في الميعاد مش فلوس عالارض

انت بتخسف بعمر الموتور و العربية الارض

فلتر بنزين تسيبه لما يتسد : بتبوظ الطلمبة و الموتور و و و و و

بوجيهات : بتاكل بنزين باضعاف تمنها


غير انك فيه حاجات لازم تغيرها قبل ما تبوظ ...... لان اما بتبوظ يا بتوقف العربية (زي ما حصل معاك) يا بتعرضك لخطر مباشر (زي الفرامل و الكاوتش) او غير مباشر (زي اللي حصل معاك لو اتثبتت في حتة مقطوعة) ...... يا بتبوظ حاجات تانية (زي الكاتينة .....طقم صبابات)

اللي عمل العربية ادرى بيها و عارف ليه الحاجات دي تتغير في ميعاد

لذلك بصراحة ما باحبش اشتري مستعمل خالص لان ماضمنش صاحب العربية السابق عمل فيها ايه .......

اقتباس:

---

المشاركة الأصلية كتبت بواسطة أحمد كمال

لا طبعا فلتر و بوجيهات في الميعاد مش فلوس عالارض

انت بتخسف بعمر الموتور و العربية الارض

فلتر بنزين تسيبه لما يتسد : بتبوظ الطلمبة و الموتور و و و و و

بوجيهات : بتاكل بنزين باضعاف تمنها


غير انك فيه حاجات لازم تغيرها قبل ما تبوظ ...... لان اما بتبوظ يا بتوقف العربية (زي ما حصل معاك) يا بتعرضك لخطر مباشر (زي الفرامل و الكاوتش) او غير مباشر (زي اللي حصل معاك لو اتثبتت في حتة مقطوعة) ...... يا بتبوظ حاجات تانية (زي الكاتينة .....طقم صبابات)

اللي عمل العربية ادرى بيها و عارف ليه الحاجات دي تتغير في ميعاد

لذلك بصراحة ما باحبش اشتري مستعمل خالص لان ماضمنش صاحب العربية السابق عمل فيها ايه .......

---

بالراحه بس يا باشا في حاجات كينفعش نسكت عليها زي الفرامل وفلتر الزيت وفلتر الهواء والتكيف
البوجيهات لما تكون اصلي بتقعد كتير والموتور مش هيبوظ
وبعدين اللي حصل معايه ملوش دعوه بتغيير الكلام ده كله اللي حصل معايه ان العداد الديجيتال بتاع البنزين علق والعداد ملوش صيانه بتتعمل عشان كده باظ
لما تكون فاهم انت بتعمل ايه في عربيتك بتريح نفسك لكن لما تمشي ورا الكلام واشتغالات التوكيلات اللي كلنا عارفين انهم بيغيروا الحاجه وهيا شغاله 100 100 بتتعب كتير

اقتباس:

---

المشاركة الأصلية كتبت بواسطة mohammadrashee

بالراحه بس يا باشا في حاجات كينفعش نسكت عليها زي الفرامل وفلتر الزيت وفلتر الهواء والتكيف
البوجيهات لما تكون اصلي بتقعد كتير والموتور مش هيبوظ
وبعدين اللي حصل معايه ملوش دعوه بتغيير الكلام ده كله اللي حصل معايه ان العداد الديجيتال بتاع البنزين علق والعداد ملوش صيانه بتتعمل عشان كده باظ
لما تكون فاهم انت بتعمل ايه في عربيتك بتريح نفسك لكن لما تمشي ورا الكلام واشتغالات التوكيلات اللي كلنا عارفين انهم بيغيروا الحاجه وهيا شغاله 100 100 بتتعب كتير

---

البوجيهات مش هتبوظ الموتور بس هتاكل بنزين باضعاف تمن تغييرها

صدقني مش اشتغالات ......... الفلتر كان متهالك زي ما انت بتقول .......

يا راجل حرام عليك حد يغير بدري كده ههههههههههه يا باشا انت بصراحة اتأخرت اوي بس مقارنة بيا انت ملاك و محافظ ع العربية ههههههه

انا ما شاء الله مشيت ببوجيهات الفبريكة لـ103 الف و اول ما حسيت ان استهلاك البنزين زاد شوية قولت كفاية و اغير مع العلم اني كنت كل شوية بطلعهم ابص عليهم
و فلتر الهوا وصل لـ126 الف و ابتدي يوبر و ريشتين اتعوجو بس كانت خامته نضيفة الصراحة و قريبة من كي اند ان اوي اللي هي عبارة عن قطن او كتان
و فلتر البنزين وصلت بيه 120 الف و قولت كفاية عليه كده
و تيل الفرامل الفبركة لحد 50 الف تقريبا و شيلته كان فيه شوية
سير الدينامو وصل لـ120 الف و ابتديت اسمع تصفير غيرت عالطول مستنتش
سير الكاتينة مرضتش اقعد بيه اكتر من 70 الف بالرغم انه يوصل لـ100 الف حسب كلامهم بس كانوا كاتبيين في الكتالوج يتم الفحص ع 45 الف و التغيير عند اللاوزم او متابعته ك 10 الاف بعدها و هو كان يكمل بس الاحتياط واجب ديه مفيهاش هزار

و كل الحاجة ديه شافها نسر من نسور السوزوكي و هو dr.Hazem و كله ع ايده كنت واخدها تحدي ان القطع الفبريكة بتعيش اكتر من العادية و نجحت في اثبات وجهة نظري و هو كان عايز يولع فيا طول الوقت ههههههههههه

اما باقي الصيانات و السوائل زي الزيوت و المية و خلافه مبستناش عليهم بصراحة و قبل ميعادهم كمان زيت قبل ميعاده و فلتر زيت مع كل تغييرة و طبعا الكاوتش لما الاقيه خلاص او عدي اكتر من 4 سنين ع تاريخ انتاجه بغيره للاحتياط

طبعا دول القطع الفبريكة و لو مكنوش يكملوا مكنتش كملت بيهم لأني محستش باي فرق و لا شوفت اي تغيير عليهم الا بعد عدد الكيلومترات للي وصلتله

اما بعد كده اي قطع بشتريها و لأن طبعا المنتشر حاجات منيلة
البوجيهات كل 20 الف
فلتر الهوا كل 15 -20 الف ع حسب الحالة
فلتر البنزين كل 20 الف
سير الدينامو ع حسب الحالة
سير الكاتينة مبرضاش استني عليه اكتر من 20-30 الف حتي لو يكمل الاحتياط واجب برده
تيل الفرامل هو و نصيبه هههههههه

لأن اساسا كل القطع اللي بتشتريها هو ده اخرها لكن الفبريكة بحس انها سبيشال اوردر و للاسف لو كنت تابعت الصيانات الدورية مع التوكيل كان اخدها كلها و كان ممكن يركبلي حاجات جودة اقل مش زي الفبريكة و لكن كده انا زي الفل و متابع عربيتي بنفسي و انا اللي بعمل الصيانات ديه كلها بنفسي و اريح دماغي غلطش انا :)

اقتباس:

---

المشاركة الأصلية كتبت بواسطة amr axel

يا راجل حرام عليك حد يغير بدري كده ههههههههههه يا باشا انت بصراحة اتأخرت اوي بس مقارنة بيا انت ملاك و محافظ ع العربية ههههههه

انا ما شاء الله مشيت ببوجيهات الفبريكة لـ103 الف و اول ما حسيت ان استهلاك البنزين زاد شوية قولت كفاية و اغير مع العلم اني كنت كل شوية بطلعهم ابص عليهم
و فلتر الهوا وصل لـ126 الف و ابتدي يوبر و ريشتين اتعوجو بس كانت خامته نضيفة الصراحة و قريبة من كي اند ان اوي اللي هي عبارة عن قطن او كتان
و فلتر البنزين وصلت بيه 120 الف و قولت كفاية عليه كده
و تيل الفرامل الفبركة لحد 50 الف تقريبا و شيلته كان فيه شوية
سير الدينامو وصل لـ120 الف و ابتديت اسمع تصفير غيرت عالطول مستنتش
سير الكاتينة مرضتش اقعد بيه اكتر من 70 الف بالرغم انه يوصل لـ100 الف حسب كلامهم بس كانوا كاتبيين في الكتالوج يتم الفحص ع 45 الف و التغيير عند اللاوزم او متابعته ك 10 الاف بعدها و هو كان يكمل بس الاحتياط واجب ديه مفيهاش هزار

و كل الحاجة ديه شافها نسر من نسور السوزوكي و هو dr.hazem و كله ع ايده كنت واخدها تحدي ان القطع الفبريكة بتعيش اكتر من العادية و نجحت في اثبات وجهة نظري و هو كان عايز يولع فيا طول الوقت ههههههههههه

اما باقي الصيانات و السوائل زي الزيوت و المية و خلافه مبستناش عليهم بصراحة و قبل ميعادهم كمان زيت قبل ميعاده و فلتر زيت مع كل تغييرة و طبعا الكاوتش لما الاقيه خلاص او عدي اكتر من 4 سنين ع تاريخ انتاجه بغيره للاحتياط

طبعا دول القطع الفبريكة و لو مكنوش يكملوا مكنتش كملت بيهم لأني محستش باي فرق و لا شوفت اي تغيير عليهم الا بعد عدد الكيلومترات للي وصلتله

اما بعد كده اي قطع بشتريها و لأن طبعا المنتشر حاجات منيلة
البوجيهات كل 20 الف
فلتر الهوا كل 15 -20 الف ع حسب الحالة
فلتر البنزين كل 20 الف
سير الدينامو ع حسب الحالة
سير الكاتينة مبرضاش استني عليه اكتر من 20-30 الف حتي لو يكمل الاحتياط واجب برده
تيل الفرامل هو و نصيبه هههههههه

لأن اساسا كل القطع اللي بتشتريها هو ده اخرها لكن الفبريكة بحس انها سبيشال اوردر و للاسف لو كنت تابعت الصيانات الدورية مع التوكيل كان اخدها كلها و كان ممكن يركبلي حاجات جودة اقل مش زي الفبريكة و لكن كده انا زي الفل و متابع عربيتي بنفسي و انا اللي بعمل الصيانات ديه كلها بنفسي و اريح دماغي غلطش انا :)

---

انت كده فاهمني وبتعمل زي ما انا بعمل
بس فلتر البنزين 150 الف تيل الفرامل 100 الف وغلطت اني غيرته كان زي الفل اللي بعديه مكملش 40 الف
وديه حقيقه حاجة الفابريكه متتعوضش
يا ريت الناس تفهم