الموضوع: هل الاسعار ارتفعت ولا دي مغالاه ......؟

المشاركة الأصلية كتبت بواسطة sameh_fouad

هية عموما المغالاة دية فى كل السيارات مش السيفيك بس

وزى مالجيل الخامس غلى , الجيل السادس غلى والسابع غلى والثامن غلى والتاسع غلى

بس الجيل الخامس غلى بزيادة شوية عن اى موديل ودة بسبب قلة المعروض والحالة اللى كل كام عربية هتلاقى واحدة نظيفة ولو لقيتها نظيفة هتلاقيها غالية , لان كل عارف قيمة ان واحد محافظ على سيارة زى دية بتبقى عاملة ازاى

موضوع بقى انها افضل ولا الجيل السادس , والله الاتنين كويسين جدااا وممتازين بس يمكن الناس بتفضل شكل الجيل الخامس لانة شكلة رياضى واللى بيجيب عربية زى دية بيبقى هدفة الاول سيارة شبابى من الدرجة الاولى والجيل الخامس بيحقق دة بجدارة

- الجيل السادس تقدر تقول هدفة الاول العائلى وبعد كدة الشبابى

والجيل الخامس ثباتة افضل من الجيل السادس شوية بفضل التصميم الانسيابى اكتر , ومنخفض اكتر فبيدى احساس بالقيادة الرياضية

والتابلوة من جوة ناس بتفضلة عن الجيل السادس

لكن فى الاخر الاتنين ممتازين جدااااااااااا , والاتنين يمشوا رياضى بس الجيل السادس تمشى عائلى بدرجة اولى عن الجيل الخامس

شوف لو احتياجاتك عائلية اكتر يبقى خليك فى الجيل السادس و ومايمنعش بردة انها تمشى شبابى وبكفاءة

لكن الجيل الخامس بيحقق الشكل الرياضى والاداء الرياضى اكتر من الجيل السادس

عندك حق معظم انواع العربيات زاد بدون سبب مع ان السوق في حالة ركود تام
انا شخصيا بيعجبني شكل التابلوه بتاع الجيل الخامس بحس انه انسيابي اوي ورائع بالنسبة لتاريخ صنعه
اما ما يعجبني في الجيل السادس فهو شكل الفوانيس بتاعتها من بره فقط
بصراحة انا لاني متابع لقسم الهوندا هنا فحسيت ان القسم هنا سبب اكتر في انتشار الهوندا وتحديدا ال93 لدرجة اني بقيت بشوف الهوندا في الدلتا كتير بعد ما تقريبا كل فين وفين علي ما الاقي واحدة ماشية في الشارع تقريبا اكتر انتشار ليها في القاهرة وبورسعيد طبعا
عموما يا ريت اشوفها في كل الشوارع لانها عربية فعلا تستحق الركوب او علي اقل تقدير ان تتفرج عليها وهي ماشية (( بصراحة بحس انها بطة ماشية بتدلع )) ويا سلام لو طقم جنوط عريض عليها بصراحة عربية تستحق الاحترام والتقدير

المشاركة الأصلية كتبت بواسطة sameh_fouad

لأ شوف هو السبب فى انتشار السيفيك الجيل الخامس هو ان الناس بدأت تعرف ان الاشاعات اللى كانت بتتطلع على الهوندا ان اسعارها غالية وان قطع غيارها مش موجودة كل دة غلط فعلا

يعنى انت عارف انا امبارح كان ماشى جنبى عربيتين سيفيك غيرى يعنى كنا ثلاث عربيات ماشيين جنب بعض

طبعا عايز اقولك ان الهوندا دية من كام سنة ماكونتش هتشوفها اصلا غير كل يوم مثلا عربيتين ثلاثة

والعربيات دية كلها ظهرت وجت امتى الله واعلم

بس فعلا وبدون مبالغة هذة السيارة تستحق الاحترام والتقدير فعلا , يعنى السيارة من ضمن سيارات قليلة جدااا ,اللى تقدر تتحدى موديلات حديثة فى يومنا هذا وتكسبهم بدون منازع

ونفس الكلام ينطبق بردة على الجيل السادس

ويمكن المنتدى هنا فعلا سبب فى جزء من الانتشار للهوندا , لاننا الحمد لله بتعاون مع بعض , قدرنا نحل ونظبط حاجات كتير كانت صعبة على مالكيها , والحمد لله ربنا يقدرنا

فعلا المنتدي هنا وضح حاجات كتير للناس كانت متخوفة منها طبعا مشكلة قطع الغيار والصيانة والاعطال وده عمل علي ان ناس كتير بدأت تدور علي هوندا يا راجل ده انت دلوقتي تفتح مواقع البيع والشرا علي النت تلاقي واحدة ولا 2 بس معروضين للبيع وممكن تقعد بـ 4 ايام متلاقيش ولا هوندا معروضة
انا فاكر كان من فترة تقريبا كنت بتلاقي اعلانات كتير عن بيع الهوندا انما الغريب فعلا ان من شهر العدد قل والطلب بقي اكتر من المعروض اعتقد دي من ثقافة الناس اللي بدات تعيد تفكيرها في الهوندا وبدأ الطلب عليها يزيد ومتهيألي ان الايام اللي جاية هنسمع فيها ارقام عالية في السعر