الموضوع: معايا 1000جنيه وعايز ساوند كويس

توكل على الله و هات كاسيت بايونير تقريبا موديل 2350 فى حدود 650 الى 700
و سمعتين بايونير 550 فى حدود 350 جنيه

عندك محل ارخصهم او محل سامح فى التوفيقيه هما اللى عندهم الاسعار دى

دى انضف عده تديلك صوت محترم بيز و تربيل و ميد رنج بسعر مناسب

ابعد عن كاسيت السونى 500 و الكينود ,, افضل كاسيت بايونير
السماعات الكينود افضل بس غاليه ( الفيتنام 400 وات عامله 550 جنيه ) بس البايونير م وحشه

و ان شاء الله مش هتحتاج جى ام ولا حاجه الصوت هيطلع تمام بس لازم السمعات تركب كويس سواء على البورده خشب او الفبريكه

المشاركة الأصلية كتبت بواسطة mdogs1979

توكل على الله و هات كاسيت بايونير تقريبا موديل 2350 فى حدود 650 الى 700
و سمعتين بايونير 550 فى حدود 350 جنيه

عندك محل ارخصهم او محل سامح فى التوفيقيه هما اللى عندهم الاسعار دى

دى انضف عده تديلك صوت محترم بيز و تربيل و ميد رنج بسعر مناسب

ابعد عن كاسيت السونى 500 و الكينود ,, افضل كاسيت بايونير
السماعات الكينود افضل بس غاليه ( الفيتنام 400 وات عامله 550 جنيه ) بس البايونير م وحشه

و ان شاء الله مش هتحتاج جى ام ولا حاجه الصوت هيطلع تمام بس لازم السمعات تركب كويس سواء على البورده خشب او الفبريكه

الراجل دا بيقول كلام زى الفل

بس اسمع ان الكاست السونى ال 500 دا كويس جدا

حضرتك الكاسيت السونى فى ايكولايزر 7 باند تقريبا و مليان اوبشن حلو و هو كمان شاكله جميل و سعره رائع


بس خارج الصوت بتاعه بالرغم من انه 52*4 وات فى الواقع اقل بكتير من البايونير اللى هو 50*4 وات

مع العلم ان البايونير اغلى بحوالى 150 جنيه عنى السونى و الايكوليزر 3 باند

مش دايما الارقام اللى على العلبه تبقى هى الاداء الفعلى ,, الاداء بيبان بعد التجربه

و الناس بترشحه لكثره امكانياته و سعره المناسب

لاكن البايونير حاجه تانيه و يمكنك سؤال مالكى البايونير عنه

طب ايه رايك في الموديل دة من بايونيير
pioneer 3550 UI
فيه خاصية حلوة اسمها ميكس تراكس وكمان 5 باند وسعرة 790 جنيه وممكن احاول ازود 100 او 200 كمان اجيب السماعات
ايه رايكوا كدة

بص اكيد كل ما الايكولايزر باند يذيد يبقى التحكم افضل بس طبعا التكلفه اعلى


بخصوص المكس تراكس ,, بصراحه مش شايفها مفيده انا اصلا بلغيها مش بحب دوش الاضواء الكتير مع الاغنيه


هى عباره عن :
ان لما بتشتغل اول حاجه بتعملك صوت كده بين كل اغنيه و التانيه بحيث ميبقاش فى توقف بين الاغانى
و التانيه انها بتخلى الكاسيت كل الاضاءه فيه تلعب مع المزيكا لايت سيستم يعنى و ممكن تلغيها عادى

المهم تركز على على بندات الايكوليزر فى موديل تانى فى 7 باند بس سعره 1050 تقريبا مش فاكر رقمه تقريبا 4550

بس عموما كلهم موجودين عند ارخصهم فى التوفيقيه و الموديل اللى قلت عليه دا بردو جامد

هي طبعا مش مهمة اوي بالنسبالي بس هي خاصية لذيذة يعني انا بس اكتر حاجة قلقان منه اني البيز يطلع في خروشة او الصوت مش نقي عشان كدة حبيت اعرف افضل حاجة وهل الكاسيت دة او الي حضرتك ذكرته مع الكينوود 400 او بايونيير 500 +سماعتين سوني للباب هيبقي اسب وصوت نقي وبيز محترم لما اعلي الصوت

اهم حاجة عندي ان الصوت يبقي نقي في مرحلة وان البييييز يبقي نضييييييف مفيهوش خروشة خالص مش مهم يكون جباار اوي بس يكون قوي بردة مش قطة يعني لما اتاج اعلي الصوت في فرح ولا اي مناسبة ولا هيصة في مصيف مثلا الاي صووت نضييف وبييز نقي وقوي بردة

معلش انا تاعبك معايا بس مصدقت حد رد علي الموضوع بتاعي بصراحة واخوك واقع في موضوع الصوت والكاسيت وكدة ابيض

لا اطمن ان شاء الله كده العده تمام و انا مركبها اكتر من مره فى كذا عربيه
و البيز هيبقى جامد و نقى جدا طبعا حتى لو جبت اخر الصوت و انا فاهم قصدك كويس
بس طبعا لو عاوز حاجه اجمد فى البيز .. يبقى سمعات كينود 400 وات فيتنامى و دى سعرها 550 : 600
الكاسيت لا خلاف عليه طلاما بايونير اى موديل
السمعات البايونير التربيل فيها مميز جدا و مفيده لليركب صب معاها و البيز مش وحش بردو
اما كاسيت و سمعات بدون جى ام و صب يبقى اكيد - كاسيت بايونير + كينود 400 وات فيتنامى دا كداالتوب

انا قلتلك على موديل معين فى الكينود و هو ده الافضل على الاطلاق و هتتعب شويه لحد ما تلاقيه
ابعد عن الدبل بيز و ابعد عن الصينى اللى سعرها 350 جنيه و بلاش ال 500 وات او 450 ,, هى فقط الـ 400 وات فيتنامى
فى واحده كينود 600 وات بس سعرها هيعدى 700 جنيه

بالنسبه لسمعات الابواب : ليست ذات اهميه يعنى لو معاك فلوس ذياده بعد الكاسيت و السمعات البيضاوى
ابقى ركب لاكن ما تركبهمش على حساب الحجات الاساسيه لان فى الغالب الصوت المسيطر بيبقى من السمعات الكبيره و مش هتحس اصلا بالابواب حتى لو 4 سمعات فى الاربع ابواب اه مش وحش بس مش اساس
عموما لو عاوز موديل معين هيبقى السونى كومبكت ( سماعه + تويتر - منفصلين ) موجوده عند محمود وسامح التوفقيه

طب اناى جبت الكينوود ال500 لسة من نص ساعة ومشوفتش الرد بتاع حضرتك غير دلوقتي هي ايه وحشة اوي ولا ايه طيب جبتهم ب 540 وعلي فكرة كمان سالت علي ال400 وموجدين مش نادرين وب 270 و 260