الراجل كل مايفتح بابه يخبط العربية

**janagabr** · 21-06-2013 03:27 PM

في واحد جاري لما يجي ينزل من اعربية لازم يفتح الباب علي الاخر عشان ينزل او يركب العربية فيقوم مجرح العربية اللي جانبه
والراجل طبعا في سن والدي وولاده الاتنين اصحابي بس متجوزين فمش عايشين معانا في المنطقة ونادرا لما اقابلهم
فلما اجي اركن والاقي عربيته بغير مكان الركنه علي طول
لكن حظي ان لو انا كنت راكن الاول ويجي الراجل يلاقي جنبي مكان فاضي فيركن
الراجل عاملي حته خدش رخم وعميق وباين وشال فيه البوية كلها الخدش بطول بتاع 4 سم
والمهم مبيقاش مدرك انه خبط العربيه اللي جانبه
الطبيعي ان المفروض وانت نازل او بتركب العربية وجنبيك مسافة ضيقة بتحط ايدك علي الباب بتاعك وتفتح براحتك عشان لما تخبط في العربية اللي جانبك صوابع ايدك هي اللي تخبط فميحصلش حاجة
وايدك اصلا مبيحصلهاش حاجة يعني مش هتحس بحاجة أكن دبانة وقفت عليها
ده في ناس وهي بتركب ولا تنزل من العربية يفتح بابه علي اخر ويقوم طاخخخخخ رازع في الجانبه
محسسني انه نازل من طياره
طاب انا اعذرك لما تكون نازل من رانجلير عشان عربيه عاليه
انما متبقاش راكب عربيه محندقه وتفحت عربيات الناس
الناس ده بتبقي خطر علي المجتمع
وجودها واستمرار تعايشها وسطنا بيضر بناس كتير
يا راجل واحد صاحبي كان بيبيع عربيته المهم جه احد نجم بيفتح باب العربيه قام طاخخخخخخ جرحله العربيه
الجرح ده نزل ثمن العربيه بتاعت صاحبي 5000 جنيه
يعني باستهتار واحد خسر صاحبي 5000 جنيه
انا لله وانا اليه راجعون
الناس ده مفيش فرق بينها وبين الحفر والمطبات والميكروباسات والتكاتك اللي بنقابلها علي الطريق
ربنا يصلح حال الناس

**amagroup** · 21-06-2013 03:31 PM

الموضوع بسيط لو في عشم اشتري له حاجه تركب علي الباب بتاعه عشان لما يفتح بابه ميخبطش في أي عربيه
يبقي كده عرف غلطته وعالجت الموضوع بذوق وبأدب

**aboamina** · 21-06-2013 03:39 PM

طب تقول ايه في واحد جاري برضه كبير في السن اوقات كتيرة لما يركن عربيته بيحط اكصدام عربيتة ال32 في اكصدام اي عربية واقفة جنب الحجر اللي حاجز بيه مكان قدام بيته عشان يزقها ويوسع لنفسه وهو بيركن مع انه ممكن يركن من غير ما يعمل كده....الناس دي فعلا ربنا يرحمنا منها

**M I D O** · 21-06-2013 04:31 PM

ههههههههههههههه موقف بيتكرر كل يوم و الافضل انك تقلة بكل زوق و احترام لو سمحت يا والدي وحضرتك نازل من العربية تخلي بالك عشان باب حضرتك بيجرح في عربيتي وكدة عداك العيب انت كدة جبت حقك بكل احترام انما هتسكت هتلاقي عربيتك بعد كدة متجرحة من السقف مش الباب

**dr.hazem** · 21-06-2013 05:22 PM

عايز اقولك اني بتضايق من اللي بيركن مزنق عليا لان انا حجمي لا يسمح لي بالركوب من مساحه ضيقه وطبعا مبقدرش انط من الباب التاني...
تعمل ايه لو مكاني وحد ركن مزنق عليك؟

Sent from my Xperia Arc S using Forum Runner

**mo7a_mo7a** · 23-06-2013 10:32 PM

في جرايد كوتش بتركب علي حرف الباب علشان ميخبطش كده او علي الاقل تقلل من الضرر اشتريله طقم 4 جرايد هدية

اعتقد حل كويس وزوق منك وحيخليه ياخد باله

تحياتي