الموضوع: رحلة الرعب مع التيريوس 2007 من والى شرم

المشاركة الأصلية كتبت بواسطة bmya

طيب يعني وانت راجع ممكن يوكن كان الهواء في وشك مع التكييف والمطالع بتاعت الطريق ممكن عشان كده مردتش تزود عموما قيس زيت الفتيس وشوف لزوجته ولونه عاملين ايه

ايوة بقى مقباس الزيت فين هو دة السؤال

بص حضرتك بالنسبة للهزة فى الدريكسيون فى سرعة 100 ل 120 ده يبقى ترصيص عجل وتعمله عند واحد كويس ويكون جهاز الترصيص عنده محترم وحديث ولما يعملهالك خليه يكشفلك على الجنوط لربما يكون فيها حاجة
مطبات الهوا دى معروفة عن التريوس انها خفيفة ووزنها على فكره تقريبا طن او طن و100 كيلو على ما اظن يعنى خفيفة وعالية عن الارض ومتستناش من العربية دى جرى لانه الموتور 1500
قصة الفتيس اللى عندك دى اكشف ضرورى على زيت الفتيس والمقياس بتاعه هتلاقيه بص كأنك واقف قدام الموتور هتلاقيه الجنب يمين جنب الغطا بتاع فلتر الهوا وخلى بالك علشان فى مقياس تانى فى جنب الشمال وده بتاع الموتور وغيار زيت الفتيس بيبقى كل 40 الف على حد علمى والتغيير بيبقى عن طريق الشفط
قصة التخبيط فى الطرق الغير ممهدة ربط عفشة وهيبقى كله تمام وخلى بالك روح عند بتاع عفشة كويس وعنده ضمير لان عفشة التريوس اللى اكتشفته فى العفشة بتاعتها لو فى اى مسمار مش مربوط كويس او مش صح بتلاقى العفشة وحشة

جزاكم الله خيرا
انا كده هطلع التريوس من حساباتى بعد الكلام ده مع انها عاجبانى خااالص كارتفاع وكشكل وكنت خلاص شبه قررت
طيب تنصحونى بايه عربيه عاليه واقتصاديه فى البنزين وفى حدود 100 الف سواء جديد او مستعمل

المشاركة الأصلية كتبت بواسطة mido elsakkar

بص حضرتك بالنسبة للهزة فى الدريكسيون فى سرعة 100 ل 120 ده يبقى ترصيص عجل وتعمله عند واحد كويس ويكون جهاز الترصيص عنده محترم وحديث ولما يعملهالك خليه يكشفلك على الجنوط لربما يكون فيها حاجة
مطبات الهوا دى معروفة عن التريوس انها خفيفة ووزنها على فكره تقريبا طن او طن و100 كيلو على ما اظن يعنى خفيفة وعالية عن الارض ومتستناش من العربية دى جرى لانه الموتور 1500
قصة الفتيس اللى عندك دى اكشف ضرورى على زيت الفتيس والمقياس بتاعه هتلاقيه بص كأنك واقف قدام الموتور هتلاقيه الجنب يمين جنب الغطا بتاع فلتر الهوا وخلى بالك علشان فى مقياس تانى فى جنب الشمال وده بتاع الموتور وغيار زيت الفتيس بيبقى كل 40 الف على حد علمى والتغيير بيبقى عن طريق الشفط
قصة التخبيط فى الطرق الغير ممهدة ربط عفشة وهيبقى كله تمام وخلى بالك روح عند بتاع عفشة كويس وعنده ضمير لان عفشة التريوس اللى اكتشفته فى العفشة بتاعتها لو فى اى مسمار مش مربوط كويس او مش صح بتلاقى العفشة وحشة

شكرا على مرور حضرتك وانشاء الله انا حجزت فى التوكيل يوم الاربعاء القادم اشوف التوكيل هيقول اية

المشاركة الأصلية كتبت بواسطة mohamed_rhem

انا حتكلم بحيادية شوية

صاحب الموضوع من حقه يزعل علشان المواقف المحرجة اللي اتحط فيها هو واسرته

في حاجات اقدر اقول عليها مشاكل فردية تخص عربيتك

زي الترصيص والزوايا وكمان مشكلة الفتيس دول محتاجين ضبط الفتيس من تغيير فلتر وزيت ومراجعه

وطبعا ترصص وتظبط زوايا

مشكلة الارتفاع ده اغلب العربيات العالية الارتفاع علي حساب الثبات قاعدة معروفة

وعلي فكرة اختها الصغيرة شكلا اللاوسع داخليا سيريون معايا ومع كتير من الاعضاء وياما سافرنا بيها شرم

كمان صد رد ومشيت بيها علي 170 عادي مفيش مشاكل

ربنا يعينك علي حل مشكلة الفتيس وتبقي بسيطة

تقبل مروري وتحياتي

شكرا على رد حضرتك