رقم العضوية : 15027
تاريخ التسجيل : 23Jul2008
المشاركات : 11
النوع : ذكر
الاقامة : ismailia
السيارة: vw jetta
السيارة[2]: matrix
دراجة بخارية: no
الحالة :
تجربتي مع توكيل فولكس فاجن
انا اشتريت عربيه جيتا خليجي سنة 2011، وبعد ما اشتريت العربيه بفتره سمعت عن ان الفولكس فيا مشاكل في الفتيس السبع سرعات ،، فضلت اعمل بحث في المنتديات عن التوكيل ولقيت ان كل الناس بتشتم في الخدمه و التوكيل ،، قلت يا رب ما يحصلشي معايا مشكله ،، اسمعت كمان ان عربيتي خليجي و مش هينفع ادخله تعمل صيانه في التوكيل،، انا كنت بعمل صيانتي عند مركز امير وجوزيف ففمره كنت عندهم سالت المهندس المسوول لو حصل مشكله في الفتيس هتعملولي ليه ،، قالي هاتروح التوكيل،، قلت في سري طب انا يه بعمل الصيانه عندكو اصلا وكمان اسعاركو مش رخيصه،،ففمره كنت في العبور و قلت اعدي علي التوكيل وقلت لمهندس الاستقبال عايز اعمل الصيانه عندكم قالي هاتلي الرقم اللي على الزجاج الامامي،،كشف عليه و قالي تمام اقدر تعمل صيانتك عندنا بدون اي مشكله و فعلا عملت صيانه ال 25000 عندهم وكمان كانت الاسعار تقريبا اغلى من مراكز الصيانه بحاجه بسيطه المهم بعد ما العربيه وصلت 33000 كيلو وانا ماشي على الطريق ظهرلي علي الشاشه tcs fault والفتيس فصل كلمت خدمة العملاء بتاعت فولكس عشان كنت في الطريق و محتاج حد يساعدني ،،فعلا ادوني رقم مهندس في الصيانه شرحتلو اللي حصل قالي هاتهالي على التوكيل ،،وجابلي رقم ونش وجه خد العربيه،،رحت كشفوا على العربيه و قالي ان الفتيس مش بيتقرا علي الكمبيوتر و هوا شاكك في وحده الميكاترونكس (كنترول الفتيس) المهم رد عليا بعدهل بيومين ةقالي فعلاالميكاترونكس و هتاخد اسبوعين لحد ما تيجي من المانيا . عدا 3 اسابيع لحد ما القطعه جت وركبوها تاني يوم و بعتولي رساله قالولي تعلى استلم عربيتك ،،كنت فاكر اني هادفع مبلغ وقدره ،،سلمولي العربيه من غير ما ادفع ولا مليم ،،ما كنتش مصدق،،القطعه دي اسمها في الحرفيين عقل فتيس وتمنها مستعمله من 11 ال 13 الف جنيه عند عبدالله تبارك ،، مع العلم ان عربيتي خليجي ،،،و كمان لو وكيل هايبقى ضمانه خلصان لان عدا اكتر من سنتين لحد ما حصل معايا المشكله ،،، حبيت بس انقل تجربتي لانهم فعلا طلعوا ناس محترمه
المهندس اللي كان مسوول عن صيانة العربيه المهندس محمد فوزي راجل محترم جدا عشان لما قالي اسبوعين عشان تاخد العربيه انا زعقت وقلتلو انا عايز عربيتي هصلحها بره لاكن هوه فعلا هداني واقنعني ان اسيب العربيه و انتظر الاسبوعين،،، ولما رحت استلم العربيه شرحلي ايه اللي اتغير بالضبط ،، وكان متعاون جدا
وانا محمد ابراهيم و رقمي ………………………………. عشان لو حد مش مصدق يكلمني
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
ياباشا شكر على الافاده
والحمد لله انهم طلعوا ناس تمام وربنا يهديهم عشان الواحد يما سمع عنهم سمع بس
والحمد لله انا عربيتى تلت اربع وحدات من كنترول الفتيس دول بتمنها
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
المفضلات