اقتباس المشاركة الأصلية كتبت بواسطة night-knight مشاهدة المشاركة
السلام عليكم

الاول بس انا عايز اقول اني بسوق فيرنا 13 مانيوال بقالي 3 اشهر تقريبا بس من غير ادخل مدرسة تعليم

خبرتي السابقة كانت اني سقت اوتوماتيك برة مصر (الكويت) ما سقتش غير شهر او اقل ومشاوير صغيرة جدا وكمان الشوارع واسعة وفاضية عن مصر

وجيت سقت في مصر بالتدريج اتعودت تقريبا على الوضع في مصر بس مكنش في حد جنبي ليه خبرة يعرفني لو بعمل حاجة غلطة انا ممكن افتكرها صح

الاول قبل ما اسأل احب اقول للناس المترددة : جمد قلبك وخلي عندك ثقة في نفسك وخلي بالك وانت هتسوق كويس ان شاء الله وطول ما انت حذر وفي نفس الوقت مش متردد زيادة عن اللزوم هتسوق ان شاء الله ومفيش مشاكل
وبالنسبة لتعلم المانيوال الموضوع سهل جدا سواقين الميكروباصات عندنا اطفال عندهم 13 و 14 سنة وبيسوقوا عادي جدا


عندي بقى اسألة:

1: اول حاجة بشكل عام ايه الاخطاء اللي ممكن اكون بعملها وانا مش عارف او لازم حد يكون جنبي عشان يلاحظها؟

ج - لازم يبقي حد جمبك ويشوفك بتسوق ازاي
2: المفروض الطبيعي بليل اكون مشغل النور الوسط اللي هو العادي ليه بقى بلاقي احيانا سواق تاكسي يقولي النور؟ طيب ما انا لو قللته هبقى مش منور قدامي اصلا؟
ج- دة علي حسب الطريق نفسه لو اتجاهين رايح جاي يبقي تنور أول مستوي للاضاءة ولو عندك فوانيس شبورة وطول الطريق انتا بتضرب العالي تشوف الطريق قدامك وتطفي تاني أما لو الطريق اتجاة واحد وسريع اضرب العالي مفيش مشكلة دي حاجة بيحكمها الطريق

3: نصايح بخصوص السواقة بليل بشكل عام؟ لان الدائري بليل بيبقى صعب شوية

إلزم الحارة اليمين كل ماتقدر تعمل كدة وخليك ماشي بحظر وبلاش التخطي والغرز لحد متتمكن

4: في اليوتيرن الف على الواسع ولا على الضيق؟

اليوتيرن اللى بيحكمك لو علي طريق سريع بتلاقي حارة لليو تيرن اللي هيا شمال الطريق بعد ماتلف تمشي فيها لحد متاخد سرعة الطريق ...... أما فى التقاطعات العادية والله أنا عن نفسي بيبقي عندي نظرة لليو تيرن لو الطريق هادي بعمل يوتيرن واروح يمين لو الطرق بيجري شوية اعمل يوتيرن وخد شمال

5: يحصل ايه لو غيرت غيار بدري او متأخر؟ يعني لو انا ماشي على التاني والعربية سرعتها 40 ولا 50 ده وحش عشان ال rpm بيعلى والموتور بيزعق.
طيب العكس بقى؟ لو انا سرعتي 20 بس على الغيار التالت؟ هل ده غلط على الموتور برضه؟

هختصر الاجابة ...... لو ماسي على سرعة عالية وانتا على التاني مثلا دة فى اجهاد على الموتور واستهلاك بنزين عالي ودي اسمها القيادة الرياضية ...... أما العكس لو ماشي على الرابع وانتي على سرعة منخفضة هتلاق الموتور بيسقف ومفيش عزم للعربية خالص والضرر كبير طبعا على الموتور

أفضل طريقة للقيادة هيا المتوسطة ...... الاول 20 الثاني 40 الثالث 60 الرابع 80 الخامس ..... اقصي سرعة

6: لو انا على الخامس بسرعة 80
وعايز افرمل ل 15 بفرمل لحد 15 بالغيار الخامس عادي وبعد كدة امور واجيب الاول؟ ولا امور الاول؟

لا طبعا فرمل عااااااااادي جدا لحد متلاقي السرعة انخفضت وبعد كدة مور وهات الغيار الاول لانك لو مورت هتلاقي العربية مندفعة للامام وهتقف فى مسافة أطول
اقصد من السؤال ده الفرامل بتفرمل العجل طيب ايه اللي بيفرمل المحرك او يهدي سرعة دورانه او ايه اللي بيفرمل التروس اوي بيهدي سرعة دورانها؟ وايه موضوع الغيار العكسي؟

7:للأسف العربية حكت مني كذا مرة في المطبات وانا قلقان ليكون في حاجة حصلت من تحت قريت ان العربية مصفحة من تحت بس برضه قلقان

في الغالب لو حكة عادية من المطبات اللى انتشرت فى الشوارع بيكون التأثير الاول على الشكمان والله أعلم

8: في حالة لقيت قدامي مطب فجأة ادوس فرامل على الاخر وافضل دايس على الفرامل وانا باخد المطب ولا افرمل قبليه بس حتى لو العربية ما وصلتش لسرعة بطيئة؟

فرمل عادي جدا قبل ماتوصل للمطب وحذاري تفضل دايس على الفرامل وانتا على المطب العربية ممكن لاقدر الله تتقلب بيك أو تلف منك .......فرمل على قد متققدر وسيب فرامل وانتا ونصيبك كل المطب

9: معرفش كتير عن ميكانيكا السيارة وتغيير العجل وكدة ومعرفش لو لا قدر الله العربية عطلت مني هرفع اتعامل ولا لأ


كلة بالتدريب والتمرين ومع الوقت هتعرف كل أجزاء السيارة وتقدر تتعامل فى اى موقف المهم يكون معاك بعض قطع الغيار وبعد العدد والاداوات

اخيرا عايز اعرف اجوبة الاسألة دي:
[sor2]http://gyazo.com/f832b1e442a81de3ffc875a3326ef6ba.png[/sor2]