الموضوع: عايز اعرف الاخطاء اللي بقع فيها

السلام عليكم

الاول بس انا عايز اقول اني بسوق فيرنا 13 مانيوال بقالي 3 اشهر تقريبا بس من غير ادخل مدرسة تعليم

خبرتي السابقة كانت اني سقت اوتوماتيك برة مصر (الكويت) ما سقتش غير شهر او اقل ومشاوير صغيرة جدا وكمان الشوارع واسعة وفاضية عن مصر

وجيت سقت في مصر بالتدريج اتعودت تقريبا على الوضع في مصر بس مكنش في حد جنبي ليه خبرة يعرفني لو بعمل حاجة غلطة انا ممكن افتكرها صح

الاول قبل ما اسأل احب اقول للناس المترددة : جمد قلبك وخلي عندك ثقة في نفسك وخلي بالك وانت هتسوق كويس ان شاء الله وطول ما انت حذر وفي نفس الوقت مش متردد زيادة عن اللزوم هتسوق ان شاء الله ومفيش مشاكل
وبالنسبة لتعلم المانيوال الموضوع سهل جدا سواقين الميكروباصات عندنا اطفال عندهم 13 و 14 سنة وبيسوقوا عادي جدا


عندي بقى اسألة:

1: اول حاجة بشكل عام ايه الاخطاء اللي ممكن اكون بعملها وانا مش عارف او لازم حد يكون جنبي عشان يلاحظها؟

2: المفروض الطبيعي بليل اكون مشغل النور الوسط اللي هو العادي ليه بقى بلاقي احيانا سواق تاكسي يقولي النور؟ طيب ما انا لو قللته هبقى مش منور قدامي اصلا؟

3: نصايح بخصوص السواقة بليل بشكل عام؟ لان الدائري بليل بيبقى صعب شوية


4: في اليوتيرن الف على الواسع ولا على الضيق؟


5: يحصل ايه لو غيرت غيار بدري او متأخر؟ يعني لو انا ماشي على التاني والعربية سرعتها 40 ولا 50 ده وحش عشان ال rpm بيعلى والموتور بيزعق.
طيب العكس بقى؟ لو انا سرعتي 20 بس على الغيار التالت؟ هل ده غلط على الموتور برضه؟


6: لو انا على الخامس بسرعة 80
وعايز افرمل ل 15 بفرمل لحد 15 بالغيار الخامس عادي وبعد كدة امور واجيب الاول؟ ولا امور الاول؟

اقصد من السؤال ده الفرامل بتفرمل العجل طيب ايه اللي بيفرمل المحرك او يهدي سرعة دورانه او ايه اللي بيفرمل التروس اوي بيهدي سرعة دورانها؟ وايه موضوع الغيار العكسي؟

7:للأسف العربية حكت مني كذا مرة في المطبات وانا قلقان ليكون في حاجة حصلت من تحت قريت ان العربية مصفحة من تحت بس برضه قلقان


8: في حالة لقيت قدامي مطب فجأة ادوس فرامل على الاخر وافضل دايس على الفرامل وانا باخد المطب ولا افرمل قبليه بس حتى لو العربية ما وصلتش لسرعة بطيئة؟

9: معرفش كتير عن ميكانيكا السيارة وتغيير العجل وكدة ومعرفش لو لا قدر الله العربية عطلت مني هرفع اتعامل ولا لأ

اخيرا عايز اعرف اجوبة الاسألة دي:
[sor2]http://gyazo.com/f832b1e442a81de3ffc875a3326ef6ba.png[/sor2]



ممنوع الكتابة باللون الأحمر حيث انه مخصص للمداخلات الإدارية