النترا 2012 فولى لودد والا سيفيك 2013 اول فئة

**ahmedwagdy03** · 23-06-2013 02:45 PM

المشاركة الأصلية كتبت بواسطة sindibad

السلام عليكم

معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه

أعتقد و الله أعلم إنك حتندم أشد الندم .
.
.
.
.
.
.
.
.
.
.
.
.
.
.
.
إنك مجبتش سيفيك من الأول

رأيى الشخصى ( عن تجربة للكورى فى مصر و السعودية و السيفيك فى السعودية) هو إن السيفيك مهما قالوا إنها شكلها وحش (و هذا لا أعتقده ) و إنها ياي بقت تركى ( علما إن مصنع تركيا ينتج هوندا منذ 1992) إلا أن فى النهاية الهوندا تكسب .
و ماتأخذنيش فى التشبية : الكورى عامل زى بنت متوسطة الجمال أهلها بيجملوا فيها بالعافية ( أوبشنز بقى و دلع ) علشان تلاقى نصيبها إنما اليابانى و بالأخص الهوندا فمش محتاجة

**SAMEH_FOUAD** · 23-06-2013 04:25 PM

على فكرة ياجماعة والله والله السيفيك شكلها مش وحش ولا حاجة بالعكس شكلها جميل جداااا وحلو اوى , هية عشان العربية مش عاجبة ناس كتير من الخلف يبقى العربية كلها شكلها وحش ؟؟؟؟؟؟؟؟

طيب مانت عندك الالنترا نفسها شكلها مش بينزلى من زور من الخلف , وفية الوان فيها استغفر الله العظيم شكلها غريب جداااااااااااا

السيراتو الجديدة , شكلها من قدام وحش جدااااااا , وخصوصا وهية بتنور بليل بالشرايط الليدات الى واخدين شكل ودن الارنب دول , لكن من الخلف جميلة , بعكس الموديل كانت من الامام جميلة ومن الخلف بشعة

يعنى انا راضى ذمتكم دية منظر عربية شكلها وحش

مش الناس كلها بتقول ان شكل السيفيك الجيل الثامن اشد وان دة صغر عن الاول طيب ماتجيى نشوف كدة

**amgomaa** · 23-06-2013 09:58 PM

انا كان معايا العربيتين بالنسبه للشكل احب اقول ان السيفيك شكلها متناسق يعنى ماشى مع بعضه على العكس من الالنترا

**sanhory** · 23-06-2013 10:08 PM

خليني اتكلم في نقطة واحدة

السيفيك ال baseline فيها VSA
حط بقى ال VSA ده في كفة و كل الحبشتكنات اللي في الفولي لودد في الالنترا في كفة

**amgomaa** · 23-06-2013 10:15 PM

[QUOTE=SAMEH_FOUAD;3875062671]
السيراتو الجديدة , شكلها من قدام وحش جدااااااا , وخصوصا وهية بتنور بليل بالشرايط الليدات الى واخدين شكل ودن الارنب دول , لكن من الخلف جميلة , بعكس الموديل كانت من الامام جميلة ومن الخلف بشعة

جامد موضوع ودن الارنب ده لانه نفس التشبيه اللى جه فى دماغى اول مرة اشوفها وكانت بالليل بس احب اضيف ان من الخلف بحس انها copy paste من الفورد فوكس

**amgomaa** · 23-06-2013 10:23 PM

المشاركة الأصلية كتبت بواسطة sanhory

خليني اتكلم في نقطة واحدة

السيفيك ال baseline فيها VSA
حط بقى ال VSA ده في كفة و كل الحبشتكنات اللي في الفولي لودد في الالنترا في كفة

موضوع ال vsa مش هيحسه الا اللى جربه انا لو كنت مسؤول فى البلد كنت خليت الفرامل ال abs ,ebd , ba, esp مواصفه اساسيه العربيه متخشش البلد من غيره مش كماليات عليها جمرك

**CosmicOne** · 24-06-2013 12:58 AM

من وجهة نظري خامات الالنترا افضل من السيفيك ال٢٠١٣ الى بقت كلها بلاستيك

رأى خليك فى عربيتك و مش مستهله تغيير من وجهة نظري غير ان الالنترا تتميز فى الراحه و التكييف من ركوبي ليها مع صديق

وانا معايا سيفيك ٢٠٠٧ على فكره

و عموما حضرتك حسيت ايه فى النقله من سيفيك الى كانت معاك للالنترا

**Mohamed.Ramah** · 24-06-2013 02:35 AM

لنكون عمليين اكثر بعيداً عن الشكل الخارجى :
دة مقارنة سريعة :

1-التسارع الهيونداى تتفوق ب 128 حصان عزم 157 nm
2- استهلاك الوقود الاتنين متقاربين 6.8 متوسط استهلاك الهوندا مقابل 7 ليتر للالنترا
3-قيادة السيارة والاداء على الطريق متساويين
4-STEERING/HANDLING/BRAKING افضل فى الهوندا عن الالنترا
5-العزل الداحلى افضل بنسبة بسيطة لصالح الالنترا
6-التحكم فى السيارة افضل بنسبة بسيطة لصالح الالنترا
7-التفاصيل الداخلية افضل لصالح الالنترا
8-راحة الجلوس للركاب فى الامام افضل لصالح الالنترا
9-راحة الجلوس فى الخلف متساويين

.... من راى متغيرش سيارتك واصبر للموديل الجديد لانة افضل من الموديل الحالى فى عدة نقاط انا ذكرتها هنا: http://www.nilemotors.net/Nile/3875060695-post7.html

ودة تقييم شامل لهوندا سيفيك 2012 وهيونداى النترا 2012 :
http://www.nilemotors.net/Nile/288639-2012-2012-a.html

**SAMEH_FOUAD** · 24-06-2013 10:53 AM

المشاركة الأصلية كتبت بواسطة Mohamed.Ramah

لنكون عمليين اكثر بعيداً عن الشكل الخارجى :

دة مقارنة سريعة :

1-التسارع الهيونداى تتفوق ب 128 حصان عزم 157 nm
2- استهلاك الوقود الاتنين متقاربين 6.8 متوسط استهلاك الهوندا مقابل 7 ليتر للالنترا
3-قيادة السيارة والاداء على الطريق متساويين
4-STEERING/HANDLING/BRAKING افضل فى الهوندا عن الالنترا
5-العزل الداحلى افضل بنسبة بسيطة لصالح الالنترا
6-التحكم فى السيارة افضل بنسبة بسيطة لصالح الالنترا
7-التفاصيل الداخلية افضل لصالح الالنترا
8-راحة الجلوس للركاب فى الامام افضل لصالح الالنترا
9-راحة الجلوس فى الخلف متساويين

.... من راى متغيرش سيارتك واصبر للموديل الجديد لانة افضل من الموديل الحالى فى عدة نقاط انا ذكرتها هنا: http://www.nilemotors.net/Nile/3875060695-post7.html

ودة تقييم شامل لهوندا سيفيك 2012 وهيونداى النترا 2012 :
http://www.nilemotors.net/Nile/288639-2012-2012-a.html

انا غير موافقك الرأى تماما فى اى حاجة معلش ياباشا انت متأكد انك ركبت الاتنين ؟؟؟؟؟؟؟؟؟

شوف انا عامل اختبار لالنترا 2012 واقسم بالله لو قولت نتيجة الاختبار فية ناس كتير اوى هتزعل

وانا هرد عليك فى كل النقطا اللى حضرتك بتتكلم فيها

1- تسارع اية اللى الالنترا افضل فية , هو حضرتك بتتكلم بالارقام ولا بتتكلم بالواقع ؟؟؟ عشان هنا هتفرق

شوف ياباشا السيفيك تخيط الالنترا فوق وتحت وانا متأكد من كلامى دة , وخصوصا بعد سرعة 140 كم السيفيك هتفرق جامد وكمان توب سبيد

2- استهلاك الوقود معلش بردة افضل فى السيفيك وكل الناس عارفة كدة

3- ازاى يعنى قيادة السيارة متساويين على الطريق ؟؟؟؟؟؟؟؟؟؟

معلش ياباشا الالنترا صوتها عالى على الطريق بعكس السيفيك , الراحة فى المطبات افضل فى السيفيك

4- حضرتك بتنقض كلامك فى النقطة دية يعنى بتقول ان هوندا افضل فى ال ( handling - steering - braking ) وفى نقطة رقم 6 بتقول ان التحكم فى الالنترا افضل ( دة اللى هو ازاى يعنى ) امال نقطة 4 دية انت قولتها بناء على اية ؟؟؟؟؟
وطبعا كلام غير صحيح تماما , شوف الباور بتاع الهوندا عامل ازاى على السرعات العالية وشوف الباور بتاع الالنترا ياباشا دانا لما كنت سايق الالنترا وجايب بيها 150 حسيت ان الدركسيون لو سيبتة هيروح منى وعايز سواقة دقيقة جداااا وواحد مايخاطرش بأى حركة مفاجأة فى العربية

6- العزل الداخلى افضل

, بقول لحضرتك صوت الالنترا على الطريق مسموع عن الالنترا - صوت المحرك بتاع الالنترا عالى ادخل الكابينة بعد 3000 rpm , العربية بتزييق من كل حتة واقسم بالله انا كنت بفتح باب الالنترا وبقفلة بسمع تزييقة مقبض الباب

7- التفاصيل الداخلية ؟؟؟؟ شوف يمكن افضل شوية فى الخامات المستخدمة , لكن شكل تابلوة انسى شكل تابلوة السيفيك خرافة

8- راحة الجلوس فى الالنترا افضل ازاى واصلا كراسى الالنترا ناشفة , بعكس كراسى السيفيك طرية , وضعية قيادة الالنترا مش زى وضعية قيادة السيفيك

هية بس البهرجة فى الاضاءة فى صالون الالنترا هو اللى محسسك ان العربية افضل

-

الموضوع: النترا 2012 فولى لودد والا سيفيك 2013 اول فئة

LinkBack

أدوات الموضوع

عرض

-

-

-

-

المواضيع المتشابهه

حجزت النترا فولي لودد 2013

هل الالنترا فولى لودد فيها ايموبليزر؟؟؟

مقارنة سريعة بين النترا 2012 فولى لودد و فانتازيا اعلى فئة

هل الإلنترا 2012 فولى لودد تستحق 156 ألف

هل الإلنترا 2012 فولى لودد تستحق 156 ألف

الكلمات الدلالية لهذا الموضوع

المفضلات

المفضلات

ضوابط المشاركة