السلام عليكم
معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه
عرض للطباعة
السلام عليكم
معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه
انا كنت نفس الحاله كان معايا النترا 2012 وبدلتها بسيفيك 2012 والحمد لله حاسس بتغيير جامد للاحسن
العفشه التحكم الثبات الخامات خامة الكراسى كل ده احسن بس لو الالنترا عجباك ومش عامله معاك مشاكل ليه تغيرها انا اللى كانت معايا كانت هاى لاين خليجى العفشه كانت زفت لدرجة اى حفره مطب كانت بتسمع حتى فى الطاره و كمان الابواب و الطابلوه وكل حاجه فى العربيه كانت بتزيق بطريقه غبيه والعربيه مكانش معاها ضمان فخفت احسن توسع منى ومعرفش ده كان فى الانترا بتاعتى ولا عامة وكمان انا كنت متعود على الهوندا من زمان انما لو عربيتك ماشيه معاك كويس ومعاك ضمان و مش مديقاك خلاص ليه تغيرها وربنا يوفقك
لو فى القديمة ممكن اقولك سيفيك كل بصراحة الموديل الجديد مش قد كدا من الداخل والخامات كلها بلاستك ومتحسش ابدا بفخامة
انصحك تستنى وتشوف النسخة المعدلة منها هتنزل مصر امتى .. دى هتكون احسن بكتير من موديل 2012 - 2013
وبعدين احسبها كويس يعنى انت هتدفع ايه مقابل ايه
ايه اللى هينقص هيقصر معاك وايه اللى ملوش لازمة ومش هيفرق .. ومتسبش ودنك لحد عشان مياكلهاش
اعتقد انك حتندم
تبيع النترا من الزيرو فولى لودد مليانة كماليات و شكلها احلى بكتير من السيفيك الجديدة مستعملة ؟؟
اكيد صفقة خاسرة
عارف لو مش فولى لودد او فيها غلطة زى مثلا مفيش ايموبيليزر او abs كنت هتكسب كتير
السيفيك شكلها هيتغير قريب السنة دي او الجاية
المهم انت عايز ايه
بتحب الكماليات الكتير و الكلام ده انت معاك فولى لودد
بتحب الثبات و الجرى و ألخ خليك فى السيفيك
المهم انت احتياجاتك ايه
بس انا ارشح هوندا طبعاً
^_^
أعتقد و الله أعلم إنك حتندم أشد الندم .
.
.
.
.
.
.
.
.
.
.
.
.
.
.
.
إنك مجبتش سيفيك من الأول
رأيى الشخصى ( عن تجربة للكورى فى مصر و السعودية و السيفيك فى السعودية) هو إن السيفيك مهما قالوا إنها شكلها وحش (و هذا لا أعتقده ) و إنها ياي بقت تركى ( علما إن مصنع تركيا ينتج هوندا منذ 1992) إلا أن فى النهاية الهوندا تكسب .
و ماتأخذنيش فى التشبية : الكورى عامل زى بنت متوسطة الجمال أهلها بيجملوا فيها بالعافية ( أوبشنز بقى و دلع ) علشان تلاقى نصيبها إنما اليابانى و بالأخص الهوندا فمش محتاجة
على فكرة ياجماعة والله والله السيفيك شكلها مش وحش ولا حاجة بالعكس شكلها جميل جداااا وحلو اوى , هية عشان العربية مش عاجبة ناس كتير من الخلف يبقى العربية كلها شكلها وحش ؟؟؟؟؟؟؟؟
طيب مانت عندك الالنترا نفسها شكلها مش بينزلى من زور من الخلف , وفية الوان فيها استغفر الله العظيم شكلها غريب جداااااااااااا
السيراتو الجديدة , شكلها من قدام وحش جدااااااا , وخصوصا وهية بتنور بليل بالشرايط الليدات الى واخدين شكل ودن الارنب دول , لكن من الخلف جميلة , بعكس الموديل كانت من الامام جميلة ومن الخلف بشعة
يعنى انا راضى ذمتكم دية منظر عربية شكلها وحش
http://img196.imageshack.us/img196/9482/tb45.jpg
http://img838.imageshack.us/img838/4306/h083.jpg
http://img405.imageshack.us/img405/5092/b6qm.jpg
مش الناس كلها بتقول ان شكل السيفيك الجيل الثامن اشد وان دة صغر عن الاول طيب ماتجيى نشوف كدة
http://img853.imageshack.us/img853/2301/y48i.jpg
http://img812.imageshack.us/img812/9634/qtjt.jpg
http://img19.imageshack.us/img19/191/6uol.jpg
http://img11.imageshack.us/img11/4817/z4nb.jpg
http://img22.imageshack.us/img22/6693/titf.jpg
يعنى انا اسف بس من غير ما رجالة الالانترا يتضايقوا احنا بنقارن ايه بايه؟!!! ادا كان انا معايا مازدا 3 هاي لاين 2008 و لما كنت بركب السيفيك البيزك بتاعة اخويا ماكونتش ابقى متضايق خالص و لو كان قاللى بدل كنت هقول ماشى!!
يعنى بس خلينا واقعيين يا جماعة فرق فى العفشة و الماكينة و الفرامل و الجودة و الخامات !!
انا كان معايا العربيتين بالنسبه للشكل احب اقول ان السيفيك شكلها متناسق يعنى ماشى مع بعضه على العكس من الالنترا
خليني اتكلم في نقطة واحدة
السيفيك ال baseline فيها VSA
حط بقى ال VSA ده في كفة و كل الحبشتكنات اللي في الفولي لودد في الالنترا في كفة
[QUOTE=SAMEH_FOUAD;3875062671]
السيراتو الجديدة , شكلها من قدام وحش جدااااااا , وخصوصا وهية بتنور بليل بالشرايط الليدات الى واخدين شكل ودن الارنب دول , لكن من الخلف جميلة , بعكس الموديل كانت من الامام جميلة ومن الخلف بشعة
جامد موضوع ودن الارنب ده لانه نفس التشبيه اللى جه فى دماغى اول مرة اشوفها وكانت بالليل بس احب اضيف ان من الخلف بحس انها copy paste من الفورد فوكس
من وجهة نظري خامات الالنترا افضل من السيفيك ال٢٠١٣ الى بقت كلها بلاستيك
رأى خليك فى عربيتك و مش مستهله تغيير من وجهة نظري غير ان الالنترا تتميز فى الراحه و التكييف من ركوبي ليها مع صديق
وانا معايا سيفيك ٢٠٠٧ على فكره
و عموما حضرتك حسيت ايه فى النقله من سيفيك الى كانت معاك للالنترا
لنكون عمليين اكثر بعيداً عن الشكل الخارجى :
دة مقارنة سريعة :
1-التسارع الهيونداى تتفوق ب 128 حصان عزم 157 nm
2- استهلاك الوقود الاتنين متقاربين 6.8 متوسط استهلاك الهوندا مقابل 7 ليتر للالنترا
3-قيادة السيارة والاداء على الطريق متساويين
4-STEERING/HANDLING/BRAKING افضل فى الهوندا عن الالنترا
5-العزل الداحلى افضل بنسبة بسيطة لصالح الالنترا
6-التحكم فى السيارة افضل بنسبة بسيطة لصالح الالنترا
7-التفاصيل الداخلية افضل لصالح الالنترا
8-راحة الجلوس للركاب فى الامام افضل لصالح الالنترا
9-راحة الجلوس فى الخلف متساويين
.... من راى متغيرش سيارتك واصبر للموديل الجديد لانة افضل من الموديل الحالى فى عدة نقاط انا ذكرتها هنا: http://www.nilemotors.net/Nile/3875060695-post7.html
ودة تقييم شامل لهوندا سيفيك 2012 وهيونداى النترا 2012 :
http://www.nilemotors.net/Nile/288639-2012-2012-a.html
انا غير موافقك الرأى تماما فى اى حاجة معلش ياباشا انت متأكد انك ركبت الاتنين ؟؟؟؟؟؟؟؟؟
شوف انا عامل اختبار لالنترا 2012 واقسم بالله لو قولت نتيجة الاختبار فية ناس كتير اوى هتزعل
وانا هرد عليك فى كل النقطا اللى حضرتك بتتكلم فيها
1- تسارع اية اللى الالنترا افضل فية , هو حضرتك بتتكلم بالارقام ولا بتتكلم بالواقع ؟؟؟ عشان هنا هتفرق
شوف ياباشا السيفيك تخيط الالنترا فوق وتحت وانا متأكد من كلامى دة , وخصوصا بعد سرعة 140 كم السيفيك هتفرق جامد وكمان توب سبيد
2- استهلاك الوقود معلش بردة افضل فى السيفيك وكل الناس عارفة كدة
3- ازاى يعنى قيادة السيارة متساويين على الطريق ؟؟؟؟؟؟؟؟؟؟
معلش ياباشا الالنترا صوتها عالى على الطريق بعكس السيفيك , الراحة فى المطبات افضل فى السيفيك
4- حضرتك بتنقض كلامك فى النقطة دية يعنى بتقول ان هوندا افضل فى ال ( handling - steering - braking ) وفى نقطة رقم 6 بتقول ان التحكم فى الالنترا افضل ( دة اللى هو ازاى يعنى ) امال نقطة 4 دية انت قولتها بناء على اية ؟؟؟؟؟
وطبعا كلام غير صحيح تماما , شوف الباور بتاع الهوندا عامل ازاى على السرعات العالية وشوف الباور بتاع الالنترا ياباشا دانا لما كنت سايق الالنترا وجايب بيها 150 حسيت ان الدركسيون لو سيبتة هيروح منى وعايز سواقة دقيقة جداااا وواحد مايخاطرش بأى حركة مفاجأة فى العربية
6- العزل الداخلى افضل :N_no[1]::N_no[1]::N_no[1]: , بقول لحضرتك صوت الالنترا على الطريق مسموع عن الالنترا - صوت المحرك بتاع الالنترا عالى ادخل الكابينة بعد 3000 rpm , العربية بتزييق من كل حتة واقسم بالله انا كنت بفتح باب الالنترا وبقفلة بسمع تزييقة مقبض الباب
7- التفاصيل الداخلية ؟؟؟؟ شوف يمكن افضل شوية فى الخامات المستخدمة , لكن شكل تابلوة انسى شكل تابلوة السيفيك خرافة
8- راحة الجلوس فى الالنترا افضل ازاى واصلا كراسى الالنترا ناشفة , بعكس كراسى السيفيك طرية , وضعية قيادة الالنترا مش زى وضعية قيادة السيفيك
هية بس البهرجة فى الاضاءة فى صالون الالنترا هو اللى محسسك ان العربية افضل
هو حضرتك جايب الكﻻم ده منين
ياسيدي الفاضل أنا معايا سيتي 2010 اللي هي أقل مكانة من السيفك وصديق ليامعاه النترا 2012 فولي لودد بييجي يوصلني بيها المطار لما بكون مسافر.
أوﻻ من ناحية التسارع والعزم فالإلنترا ﻻزم الأر بي إم يبقى فوق ال 3 عشان تحس بالتسارع في حين ان عربيتي الﻷر بي إم قليل لما بيوصل معايا لل 3 أصﻻ.
الثبات فرق واضح لصالح عربيتي حتى قبل ما نوصل لل 130.
العزل فإسمح لي إني أقول الحمد لله على نعمة الهوندا. عزل مين يا راجل اللي أحلى في الإلنترا.
بإختصار
طبيب صديق ليا بيركب معايا كتير وكان دايما يقولي نفسي أركب الإلنترا الجديدة شكفها حلو وكلها زراير وأوبشنز. وأقوله دي مش حلوة على الطريق يقولي مش مهم. المهم ان شكلها رهيب.
وشاءت الأقدار إنه يركب مع صديقي اللي معاه الإلنترا. وبعدها قابلني وقالي إنت كان عندك حق. وقال كمان روحت بيها مشوار طويل مع وكان واضح فرق الثبات والهدوء اللي في عربيتك.
بعد ده كله تقولي ان الإلنترا أفضل من ااسيفيك
ولصاحب االموضوع قدامك حل من اتنين
لو الإفنترا مكفية حاجاتك يبقى خﻻص ليه تغيرها
لكن لو عايز تغيرها يبقى كلم توكيل هوندا واحجز تيست درايف وأحكم إنت بنفسك لأن اللي حلو بالنسبة ليا ممكن يبقى وحش بالنسبة لحضرتك . ومتطلباتك أكيد مختلفة عن متطلباتي.
والسﻻم ختام
اولا بما ان حضرتك منسق القسم لاحظ انى عدلت المشاركة وبعت تقرير بعد كتابتها مباشرة لانى كتبتها الساعة 2 صباحا وفى النقطة
الثالثة تحديدا انا كنت بتكلم على احساس والشعور اثناء القيادة بالطريق وطلبت تعديلها لان اختلط عليا فى الكتابة واة الاحساس بالطرق الغير مستوية متقاربين
ثانيا استهلاك الوقود انت لو قرات كلامى حتعرف انى قايل وبالارقام ان الهوندا افضل
ثالثا بالتجربة : الهيونداى النترا التسارع من 0 ل 100 فى 10.7 ثانية من 0ل 120 15.1 ثانية
- الهوندا سيفيك 0 ل 100 فى 11.3 ثانية -- من 0 ل 120 15.9 ثانية
رابعا انا كاتب العزل الداخلى عن الطريق مقولتش مين صوت موتورة اعلى ياريت تقرأ كلامى ومش كاتب فرق شاسع انا كاتب بكل موضوعية فرق بسيط
النقطة رقم 6 التحكم المقصود بيها التحكم الداخلى فى محيط السيارة من الوصول لكل شىء فى الانتريور واستخدامة
واكيد مقصدتش فى نقطتين وحناقض كلامى انى اكتب تحكم فى السيارة والمناورات فى نقطة لصالح الهوندا ودة واضح فى رقم 4 وفى رقم 6 حكتب تحكم فى السيارة افضل للالنترا مش معقول اكيد
الكراسى ناشفة فى الالنترا متفق معاك بس مش مقياس انا مقارن على عدة اشياء اخرى ودة شعور نسبى اثناء القيادة بتختلف من شخص لاخر
.... لاحظ انى كاتب افضل بنسبة بسيطة مش كاتب فرق شاسع فى كل شىء وكاتب بكل حيادية تامة وبالارقام ودة رأى الشخصى حضرتك مختلف معايا اهلا وسهلا بالاختلاف مفيش مشكلة
دة بترجع لتجربة كل شخص للسيارة مش حنجتمع كلنا على راى واحد ونكتب كلنا زى بعض ممكن شخص تانى حاسس ان المساحة اوسع نظرا لحجمة دة اختلافات ومش مكتوب هنا ان الالنترا افضل من
الهوندا فى كل شىء وياريت حضرتك تقرأ كلامى مرة ثانية حتلاقينى كاتب دة ..
انا ميال للسيفيك لو لسه هشتري وخيروني بينها وبين الالنترا
لكن لو معاي النترا فول لودد ومريحاني وقدامي سيفيك مش هبدل
دي عربيتي وانا عارفها وعارف دنيتها ومريحاني
لو فعلا الموضوع محير بالنسبالك اعمل زي ما قال احد الاخوه شوف حد معاه العربيه جربها منه
او تيست درايف وهو اللى يفيدك لكن الاراء كل واحد بيشوف العربية من وجهه نظره
واحد محتاج سرعه واحد محتاج رفاهيه واحد محتاج وسع الخ
وبالتوفيق
انا كان معايا العربيتين وكل كلام سامح صح احب اضيف ان الكراسى الاماميه فى السيفيك اطرى واعرض واريح و support للظهر اكتر من الالنترا و بالنسبه للخلفيه ارضية الهوندا من 2000 وانت طالع مستويه فتاخد 3 مستريح وكمان سقف الالنترا منخفض فلو حد طويل او ميل راسه للخلف تخبط فى السقف وختلف مع سامح فى موضوع الخامات الداخليه البلاستيك فى الانتلرا ممكن شكله بس نوعيته رديئه جدا تحس ان بلاستيك لعب اطفال
احب اضيف ان مفيش سيفيك فيس ليفت قبل 2015 واعتقد ان اللى هيستنى لحد 2015 يصبر كمان سنه وياخد الجيل العاشر اكيد هيبقى وهمى
طبعا السيفيك يا كبير
مفيش مقارنه اصلا .... مع انى راكب عربيه كورى بس خلينا نبقه واقعيين
ليه اجيب النترا وانا فى ايدى اركب ست ستها بنفس الفلوس
رأي السيفيك لو مضمونة ..
thank you every one
i got it
ألف مبروك يا باشا و السيفيك عربية محترمة و هتنبسط بيها لدرجة انك هتحس انك بتكلمها و هى بتكلمك :b4_048:
الف مبروك واحنا جيران بقى لو اى خدمه كلمنى على موبايلى 01200825281
شكرا ياجماعة لكل اللى شاركوا
مكنش قصدى الموضوع يتحول لخناقات
انا كنت عندى هوندا لخمس سنين (سيتى) وكنت مبسوط بيها وعارف هوندا كويس
لكن كنت عاوز اعرف السيفيك الجديده نظامها ايه بس لأن خفت تكون ناشفة زى كل السيارات اليومين دول
على العموم انا متشكر ليكم كلكم
ياجماعة انا اسف جدا حدث سوء تفاهم , لم احصل على الهوندا للأسف لسوء الأوضاع وتعذر الأجراءات وضيق الوقت
لسه الألنترا معايا وشكلها هتقعد معايا شوية لحد ماالأمور تهدأ فى البلد
السيفيك تكسب طبعاااااااا
الكلام دة لما تجربها بنفسك على ارض الواقع وتجيب بيها الرقم دة وقتها اقولك تمام لاكن الرقم الانت بتقول واضح جدا انك فاكر ان الرقم متغيرش من الموديل القبلة و انة نفس الرقم للموتور على الموديل الجديد الرقم دة فى موديل 2008 ل 2011 اما فى الموديل الجديد 2012 واضح انك كاتبة بدون تجربة وعلى العموم الموتور على الموديل الجديد الرقم اختلف واصبحت بتجيب من 0 ل 100 بالتجربة الفعلية فى 11.3 ثانية وممكن اجيبلك فيديو يأكد كلامى لموقع بيختبر السيارات نظرا لان السيارة غير متوفرة معايا حاليا دة حاجة
ثانيا واضح ان معايير تقيمك للعربية لحاجات معينة فقط نظرتك بسيطة فى التقيم انا ببص لحجات اعم واشمل من صوت موتور اعلى وكراسى انشف ودة الانا ذكرتة فى التقرير العملتة الانت بنفسك كتبت ردا علية :
---( والله انت تمام وتقرير كويس جدا
بس عشان تبقى عارف السيفيك 2012 خاماتها زززززززززززززفت دية مافيهاش كلام
عموما ياريت بس الناس تقتنع ان السيفيك 2010 افضل بكتير من النترا 2012 )
http://www.nilemotors.net/Nile/3874307744-post10.html
---انت حتى طلعت الخامات اقل ما انا وصفتها وقولت عليها زفت
ثالثا وبدون تحامل بلاش كلام من عينة ارض الواقع ومفيش ومش مفيش انا بتكلم بارقام وبحقائق وعن تجارب لما تثبت العكس ابقى قول مفيش هاتلى فيديو للهوندا سيفيك بس يكون تجربة واقعية فيديو مش متصور لحد لا فيديو ليك شخصيا او لموقع خاص بتجربة السيارات ووقتها يبقى الكلام مختلف ومفيد فعلا بدون جدل من غير دليل وانا عند كلامى اجيبلك الفيديو والعربية بتجيب من 0 ل100 فى 11.3 ثانية
وعلى استعداد اجيبلك التسارع من موقع رسمى من 0 ل 100 فى اكثر من 11.3 ثانية