مأساتى مع نيو صنى و اوتو ايجبت و مسلسل العار

بسم الله الرحمن الرحيم
مبدأيا انا مالك للنيو صنى سوبر صالون من تانى يوم نزلت فيه
انا فعلا عندى مأساه من السيارة و كمية عيوب التصنيع و اوتو ايجبت و عدم توافر قطع الغيار
القصة بدأت بعد اول 100كم و اصوات من كل حتة (فرامل و فبر مفكوك و عفشة)
فى صيانة ال1000كم تم تغيير 4 قطع فى الضمان و تربيط معظم فبر العربية لأنه طالع من المصنع مفكوك:waaaht::waaaht:... قلت الحمد لله و ممكن تحصل
و لاحظت ان الطنابير متاكلة طبعا كدبت نفسى و عينيا و قولت دا اكيد كابوس و هاصحى الاقى كله تمام المهم طلع الموضوع حقيقة و كشفوعلى الطنابير و قالو فى حدود المسموح رغم انى شايفها بعينى و عامل 1000كم يعنى لسه مطبعتش اصلان المهم المهندس قالى ان مقلقش و عندهم اجهزة بيقيسو بيها و يتأكدو

ابتدى المسلسل تانى عند ال7000كم اصوات فرامل شنيعة مريعة مع البطىء و السرعة المهم اتصلت قالو تعالى صيانة 10000
رحت الصيانة قالولى محتاج تيل و طنابير و مش عندنا و صاجة تيل و مش عندنا تعالى لما ربنا يفرجها و نجيب
المهم اتصلت بالشكاوى و القصة و الرواية لحد ما جيه التيل و الطنابير بس كنت عملت حوالى 13000 و قالولى الصاجة مع صيانة ال15000 لو جت المهم فضلت اتصل اسال لحد ما جت و روحت عملت الصيانة و ياريتنى ما عملتها

استلمت السيارة و انا فرحان تانى يوم عينك ماتشو ف الا النور صوت رهيب لدرجة انك متعرفش تسوق من الصداع يعنى على سرعة 60 ممكن دماغك تنفجر من الصوت ومازال صوت الفرامل الخاص بالصاجة الى اتغيرت مستمر اتصلت بالتوكيل قالو اقرب معاد كمان 10 ايام و صبرت
رحت بعد ال10 ايام كشفو على العربية قالو البلى الخلفى مدمر و غير متوافر عندنا او بالمصنع و مش عارفين هايجى امتى
يا جدعان العربية مكنش فيها حاجة انتو بوظتوها يردو لا مالناش دعوة ده عيب فى العربية قالتاهم مكنش موجود قبل متستلموها بثانية بعدين دا بلى خلفى وانتو كنتو بتغيرو صاجة التيل الخلف يعنى مش محتاجة عبقرية ان انتو اللى بوظتوها قالى احنا هنعمل تحقيق داخلى و المقصر هيعاقب و ديه حاجة داخلية طاب انا ذنبى ايه ده اللى عندنا
طاب و عربيتى
اتصلت بالشكاوى و عملت شكوى هنرد بعد يومين و لا حد بيرد عملت 7 شكاوى و لا اى رد
اتصلت بنيسان مصر قالو موصلناش اى شكاوى و معندناش رد هنخلى اوتو ايجبت يكلموك كلمنى مسئول اوتو ايجبت قالى معندناش القطعة و المشكلة من نيسان مصر مش متوفر فيها قطع الغيار للسيارة قلتله انتو مشكلتى مش نيسان مصر لأن انتو اللى بوظتو العربية
دلوقتى العربية بقالها 7 شهور معاية كل شهر مصيبة قمة فى الردائة و عدم توافر لقطع الغيار و توكيل غاية فى السوء و هو المسئول عن خراب العربية
قلولى اعمل ايه مش عارف اسوق العربية وشاريها تقسيط مش هعرف ابيعها
كان معايا اوبل كورسا 2004 تقفيل مصرى قعدت اول 4 سنين بدون عيب واحد بعد كده السقف لونه اتغير من الشمس و كان بعد الضمان بسنتين
ازاى عربية فيها كمية عيوب التصنيع ديه و ازاى الرداءة ديه
و على فكرة صوت صاجة التيل الخلفى كمان اكتر من الأول و صوت الكاوتش رهيب و بيتهربو منه
كأنى راكب عربية بقالها 7سنين مش 7 شهور
اسف انى طولت عليكو بس انا اتخنقت من العربية و كان لازم افضفض

كلم جهاز حماية المستهلك ولو ماعملوش حاجة برضه ماتسيبش حقك ... ما ضاع حق وراءه مطالب

ربنا يسهلك الامور وكل شى يبقى تمام

شكوى بجهاز حماية المستهلك على طول
و متسبش حقك

جهاز حماية المستهلك يا بوب و طلع عين اللى جابوهم ولو معاك المكالمات دى متسجلة وفواتير الصيانة وهات حقك طالما مفيش حد بيراعى ربنا

زى ما الرجالة قالت عليك وعلى جهاز حماية المستهلك ومتسيبش حقك وربنا يعوضك خير ويخلف عليك

ربنا يعينك

جهاز حماية المستهلك

ياباشا الله يكون في عونك, وكويس أنك فضفضت عشان تستريح أنا بصراحة أعصابي تعبت وأنا بقرأ كلامك وتخيلت صوت الفرامل في ودني لما حضرتك قولت

اقتباس:

---

المشاركة الأصلية كتبت بواسطة bahaahssn

استلمت السيارة و انا فرحان تانى يوم عينك ماتشو ف الا النور صوت رهيب لدرجة انك متعرفش تسوق من الصداع يعنى على سرعة 60 ممكن دماغك تنفجر من الصوت ومازال صوت الفرامل الخاص بالصاجة الى اتغيرت مستمر اتصلت بالتوكيل قالو اقرب معاد كمان 10 ايام و صبرت
رحت بعد ال10 ايام كشفو على العربية قالو البلى الخلفى مدمر و غير متوافر عندنا او بالمصنع و مش عارفين هايجى امتى

---

فالله يكون في عونك بجد, ومادام ما الموضوع دا أتكرر مع كذا واحد وفيه شكاوي منه كتير,
لازم تجمعو بعض وتعملو موضوع خاص بمشكلة الفرامل والعفشة وباقي المشاكل الأخري زي اللي عندك وفي الموضوع دا تعرفو أنتو كام واحد,, وتتفقو مع بعض وتطلعو علي جهاز المستهلك مرة واحدة.

أنا كنت أتكلمت في الموضوع دا مرة قبل كدا في المشاركة دي
http://www.nilemotors.net/Nile/36117...post3875041174

وكنت موضح أن كان في مشكلة قبل كدا حصلت مع التويوتا كورولا في الفتيس ال mmt بتاعها وكان أسوء من السوء..
وفي الأول لما كانت الناس بتشتكي والعربية مكنتش بتمشي, كانو بيغيرو لهم قطع وبيحاولو يلمو الدور في التوكيل,, حتي مع الشكاوي في جهاز حماية المستهلك..
لكن لما الموضوع زاد عند حده وعدد العربيات المتضررة زاد ووصل ل 6500 عربية, الجهاز أتحرك وألزم تويوتا مصر بإستدعاء العربيات دي وتغير الفتيس للناس دي وكانت التكلفة رهيبة علي التوكيل ووصلت ل 20 مليون جنيه..

اقتباس:

---

قرر جهاز حماية المستهلك المصري إلزام شركة «تويوتا» العالمية باستدعاء سياراتها في السوق المصرية من نوع كورولا موديلي 2008 و2009، وذلك بعد تلقي عدد من الشكاوى الخاصة بمشكلة الفصل خلال نقل السرعة في السيارة.
وألزم الجهاز الشركة بإصلاح هذا العيب في عدد من السيارات المباعة من هذا الطراز في السوق المصرية وعددها 6500 سيارة، على أن تتحمل الشركة كافة التكاليف والمصروفات الخاصة بذلك، دون تحميل المستهلك أي تكلفة، حتى 31 يوليو (تموز) القادم.

يأتي هذا بعد أن قررت الشركة سحب نحو 3.8 مليون سيارة من السوق الأميركية لوجود عيوب في المكابح ودواسات السرعة، وهي العملية التي وصفت بالأكبر على الإطلاق التي تقوم بها الشركة لاستدعاء سياراتها.

وقال الألفي إن الجهاز قرر إلزام «تويوتا - مصر» باتخاذ إجراءات استدعاء جميع السيارات من طراز كورولا MMT، الذي تبين وجود عيوب فيه، كما ألزمها بإصلاح هذا العيب على نفقتها، ويتكلف نحو 20 مليون جنيه،

ومؤخرا، طالب البعض شركة «تويوتا» بسحب سياراتها المعيبة من السوق المصرية، كما حدث في الأسواق الخارجية، مشيرين إلى أن هناك بعض الموطنين تعرضوا لحوادث كثيرة، ليس للأسباب المعلنة، ولكن لأسباب أخرى تتعلق باتزان السيارة نفسها، وعدم فعالية نظام الوسائد الهوائية، كما يقول مالك أحد أنواع هذه السيارات، ماجد سليمان، الذي تعرض لحادث كاد يودي بحياته بسبب اهتزاز السيارة، وعدم فعالية الكوابح، ولكنه أكد أنه استرد ثمن السيارة مخصوما منه 13 ألف جنيه، من شركة التأمين.

---

دا لنك الخبر
��� ���� ���� ������ǻ ������ ���� ��������,

ودا لنك للقرار من جهاز حماية المستهلك نفسه
ناقل الحركة لجميع سيارات تويوتا MMT بمصر
جهاز حمايه المستهلك


دلوقتي أنا كنت قلت في نفس الموضوع اللي هوا في أول لنك,
أني لما أسمع واحد بيقول انه بيضطر يفرمل قبل الحاجة بمسافة طويلة عشان يعرف يلم العربية وهيا عربية موديل 2013, فا دا كلام مش مقبول بالمرة.
ودلوقتي حتي الصوت والعيوب دي مش مقبولة ومادم ظهرات بدري كدا ممكن تكون بدايات لمشاكل تانية أحنا في غني عنها..

وأنا من فترة كنت قريت الخبر دا,

اقتباس:

---

أعلنت شركة «نيسان» مؤخراً عن استدعائها موديلي «ميكرا»، و«صني» المصنعين في مصنع الشركة بمقاطعة تشيناي بالهند. ووفقاً لموقع الشركة الإلكتروني بالهند، فإن الشركة حددت عيب محتمل في أسطوانة المكابح الرئيسية (الماستر الرئيسي) ويشمل الاستدعاء موديلي «ميكرا»، و«صني» المُصنعين من يونيو 2012، إلي مارس 2013 علي الأرجح، ولم تعلن «نيسان» عن أي موديلات أخري معيبة بهذا العيب من تلك التي تصنع في المصنع.

وسوف يشمل الاستدعاء قرابة 22,188 سيارة من موديلي «ميكرا»، و«صني». وسوف يتم استدعاء السيارات المعابة في الهند وبعض المناطق الأخرى علي غرار أفريقيا وأوروبا.
وسوف يشمل الاستدعاء 67,089 سيارة من السيارات المصدرة لنفس الخلل.

---

نيسان تٌعلن عن إستدعاء صني 2013 بسبب عيب بالمكابح
http://www.nilemotors.net/Nile/359665-2013.html

وطبعاً نيسان مصر عشان تستدعي العربيات اللي فيها مشاكل, هيبقي تكلفة عليها زي ما حصل مع تويوتا..
وعشان كدا بيحاولو يماطلو معاك كل ما تيجي تشتكي من مشكلة أو عيب ف التصنيع وتطلب تغير قطعة في الضمان وهوا من حقك وبتبقي عندهم لأن قطع غيار الصني متوفرة,
بس يقولك مش موجودة عشان يأجلها للصيانة اللي بعدها 3000 أو 5000 كيلو عشان ميغيرهاش يا تبقي عملت كيلومتر أعلي, لحد ما تخرج من الضمان. بصراحة أسلوب رخيص.

اقتباس:

---

رحت الصيانة قالولى محتاج تيل و طنابير و مش عندنا و صاجة تيل و مش عندنا تعالى لما ربنا يفرجها و نجيب
المهم اتصلت بالشكاوى و القصة و الرواية لحد ما جيه التيل و الطنابير بس كنت عملت حوالى 13000 و قالولى الصاجة مع صيانة ال15000

---

وعشان ال Recall يحصل في مصر, لازم يكون عدد الناس المتضررة كبير عشان جهاز حماية المستهلك ياخد خطوة وموقف من نيسان مصر.
زي ما حصل مع تويوتا لما الشكاوي زادت وصلت ل 6000 بسبب أن العربيات اللي كانت بتبات في التوكيل عشان تتصلح عددها زاد جداً وبقت تتأخر والناس صبرها نفذ,
الجهاز أتحرك و أخد موقف من التوكيل وألزموة بإلاصلاح.


عشان كدا الشكاوي الفردية في الغالب مش هتنفع في الوضع اللي أحنا فيه, وهتتركن علي جنب.
إنما لو عملتو موضوع وجروب مع بعض دلوقتي ولميتو فيه بعضكم الناس اللي عندها مشاكل هيبقي أسهل عليك وعلي باقي الناس اللي عندها مشاكل أنكم توصلو لبعض بسرعة بدل المواضيع المتفرقة دي,
وصوتكم يبقي مسموع مرة واحدة في جهاز حماية المستهلك إن ويفهم إن فيه مشكلة دلوقتي ومينفعش أنها تتركن أو يتسكت عليها.


أحنا مش أقل من الهند ولا حتي أوروبا, وباقي الدول اللي في أفريقيا اللي أتعمل فيها Recall ل 22 ألف عربية.
بس أحنا لو سكتنا علي حقنا يبقي نستاهل ونتعايش مع المشكلة دي..

أنا بصراحة مضايق لحضرتك ولسوء التقفيل المصري أو عيب الصناعة دا ولكل واحد بتحصلة المشاكل دي في عربية جديدة وموديل 2013
وبتمني أنكم تاخدو موقف قريب ومتتجاهلوش المشكلة ولا تخلو الشكاوي تبقي فردية.
وبتمني نسمع أخبار كويسة عن تصليح مشكلة الفرامل وباقي المشاكل اللي عند حضرتك قريب إن شاء الله..

ربنا معاك و يعينك عليهم و تاخد حقك منهم ، سبحان الله أنا مش قادر اتصور كمية الشكاوى دى و من عربية واحدة ، ده لو بيبيعوها ببلاش مش هيحصل كده.....حسبنا الله و نعم الوكيل

http://www.nilemotors.net/Nile/363705-a.html
http://www.nilemotors.net/Nile/364820-a.html
يا افندم انا كمان بعانى من صنى شكل قديم 2013 ولو عايز حضرتك نثبت شكوتين فى حماية المستهلك انا معاك . تخيل عربيتى عاملة 1500 كيلو وليها اسبوع مش قادر احركها اخر الشارع ومش عارف حتى حتتصلح امتى .

يا جماعة انا شاكر جدا ردودكم و السيارة فعلا فى منتهى الرداءة و للأسف حماية المستهلك مش بيعترف بالرداءة
هيدونى قطعة الغيار لما تيجى و ابقى حلنى بقى و كل ماتبوظ هيصلحوها و كدة عملوا الى عليهم لاكن المشكلة انى هاقضى بقيت عمرى فى التوكيل كل ماتبوظ حاجة يصلحوها اذا عندوهم القطعة او استنى لحد مايعملوهالى فى الصين
على فكرة انا فوجئت ان الفوانيس كلها صينى و الضفيرة و الكنترول هندى و الدهان حاجة كدة غريبة حاسس انى لو غسلتها فى مغسلة اتوماتيك العربية هطلع شفافة.
حسبى الله و نعم الوكيل فى التوكيل و فى الشركة

اقتباس:

---

المشاركة الأصلية كتبت بواسطة bahaahssn

و للأسف حماية المستهلك مش بيعترف بالرداءة
هيدونى قطعة الغيار لما تيجى و ابقى حلنى بقى و كل ماتبوظ هيصلحوها و كدة عملوا الى عليهم لاكن المشكلة انى هاقضى بقيت عمرى فى التوكيل كل ماتبوظ حاجة يصلحوها اذا عندوهم القطعة او استنى لحد مايعملوهالى فى الصين

---

يا باشا الجهاز مش هيعترف بالمشكلة لو أنتو سكتو وساعتها هتفضل فعلاً تقضي عمرك في التوكيل زي ما تقول عشان كل ما حاجة تبوظ تصلحها,
من مصلحة التوكيل أنو يعمل من بنها, وجهاز حماية المستهلك لو لاقي الشكاوي فردية مش هيتحرك زي ما يجي له في يوم 20 أو 30 داخلين عليهم بنفس الشكوة, صدقني هتفرق وإن شاء الله يصلحو لك ولباقي الناس اللي عندها المشاكل كل حاجة بدون تكلفة وقبل ما تطلعو من الضمان..

نصيحة أعملة جروب من دلوقتي عشان تعرفو تاخدو حقكم.
وأفتكر اللي حصل مع تويوتا لما التوكيل كان بيماطل مع الناس برضه وبيقولهم القطع بتاعت الفتيس لسه مجاتش من اليابان, ويغير لناس قطع وناس لأ بدل ما يغير الفتيس كله..
لما الشكاوي زادت جهاز حماية المستهلك تدخل في الموضوع وألزمهم بتصليح كل العربيات اللي كان فيها مشاكل الفتيس ال mmt.

اقتباس:

---

المشاركة الأصلية كتبت بواسطة leitosr

يا باشا الجهاز مش هيعترف بالمشكلة لو أنتو سكتو وساعتها هتفضل فعلاً تقضي عمرك في التوكيل زي ما تقول عشان كل ما حاجة تبوظ تصلحها,
من مصلحة التوكيل أنو يعمل من بنها, وجهاز حماية المستهلك لو لاقي الشكاوي فردية مش هيتحرك زي ما يجي له في يوم 20 أو 30 داخلين عليهم بنفس الشكوة, صدقني هتفرق وإن شاء الله يصلحو لك ولباقي الناس اللي عندها المشاكل كل حاجة بدون تكلفة وقبل ما تطلعو من الضمان..

نصيحة أعملة جروب من دلوقتي عشان تعرفو تاخدو حقكم.
وأفتكر اللي حصل مع تويوتا لما التوكيل كان بيماطل مع الناس برضه وبيقولهم القطع بتاعت الفتيس لسه مجاتش من اليابان, ويغير لناس قطع وناس لأ بدل ما يغير الفتيس كله..
لما الشكاوي زادت جهاز حماية المستهلك تدخل في الموضوع وألزمهم بتصليح كل العربيات اللي كان فيها مشاكل الفتيس ال mmt.

---

هو مين قال ان تويوتا صلحت عيب ال ام ام تى؟؟و ايه التصليح اللى تم؟؟اللى معاه العربيه دى بيعانى منها الى يومنا هذا

اقتباس:

---

المشاركة الأصلية كتبت بواسطة lamada

هو مين قال ان تويوتا صلحت عيب ال ام ام تى؟؟و ايه التصليح اللى تم؟؟اللى معاه العربيه دى بيعانى منها الى يومنا هذا

---

العربيات كانت بتعد في التوكيل ب 3 أشهور لحد ما تيجي القطع علي حد قولهم من اليابان عشان يصلحو العيوب للناس.
وكان بيماطل معا الناس لأن العربيات اللي كانت بتروح لهم و فيها مشاكل كانت كتير جداً ومكنش عايز يصلح لكل ناس لما العدد زاد,
فبقي يماطل معاهم لحد ما يخرجو من الضمان.

وكدا كدا الفتيس فيه عيب صناعة زي ما وضحت في المشاركات اللي فاتت, في ناس غيرو لهم القطع اللي فيها مشكلة وبقي كويس,
وناس غيرتها ولما جات تطلع من التوكيل عطلت تاني..
أنا مقولتش الفتيس ال mmt أتصلح وبقي زي الفل.!!

أنا بتكلم في جزئية إن ال Recall مش هيحصل ولا جهاز حماية المستهلك هيلزم التوكيل بإصلاح المشاكل الخاصة بالفرامل في العربيات دي زي ما حصل مع تويوتا في مشكلة الفتيس, إلا لو كانت الشكاوي مجمعة ومن ناس كتيرة.



دا لنك الخبر اللي جهاز حماية المستهلك ألزم التوكيل فيه بأصلاح العربيات المتضررة بالفتيس دا.
��� ���� ���� ������ǻ ������ ���� ��������,

ودا لنك للقرار من جهاز حماية المستهلك نفسه
ناقل الحركة لجميع سيارات تويوتا MMT بمصر
جهاز حمايه المستهلك

يا نهار اسود انا عاوز اشتري نيسان و متحير ما بين القديم و الجديد و بعد كده الاقي المصيبة دي

هل اتحلت يا جماعة ؟

لسه متحلتش,,
وممكن تتابع مع الناس في الموضوع دا وتشوف أتحلت لهم المشاكل ولا لسه,
http://www.nilemotors.net/Nile/365196-2013.html

اقتباس:

---

المشاركة الأصلية كتبت بواسطة حسام احمد عطية

يا نهار اسود انا عاوز اشتري نيسان و متحير ما بين القديم و الجديد و بعد كده الاقي المصيبة دي

هل اتحلت يا جماعة ؟

---

هات القديمه افضل

صديقي المواطن إهدأ فمشاكلك بسيطة ومتحتاجش توكيل نهائي أنا عارف إنك محروق ﻷنها زيرو بس كله سهل البلية الخلفية بالتركيب مش حتكلفك أكتر من 200 جنيه وأحسن من اﻷصلي وأي عفشجي محترم يحللك مشاكل الطنايير لو هي جاي فيها توع سيء يحطلك نوع أحبى ومشي أمورك ومتعتمدش غلى توكيل أو غيره حيعملهالك في اﻵخر بس حتكون أعصابك راحت خلاص ودمتم

ياعنى القديم افضل كده ولا بقا كله محصل بعضه