حادث تصادم بين سيارتي وسيارة لانوس وسيارة شرطة أوبترا

**Ashraf_Ibrahim** · 23-06-2013 07:03 PM

المشاركة الأصلية كتبت بواسطة nistelrooy

متابع بقية القصة وحمدلله علي السلامة ..

الله يسلمك يا صديقي

المشاركة الأصلية كتبت بواسطة leitosr

متابع وعايز أعرف النيابة ألزمته بتكلفة أصلاح عربيتك ولا لأ ؟

في الاخر هنعرف

المشاركة الأصلية كتبت بواسطة speed_magnum

وانا اللي افتكرته راجل محترم طلع نصاب
ههههههههه

بالفعل للأسف !

المشاركة الأصلية كتبت بواسطة el diesel

يا نهارى على الناس و على البلد
ربنا يستر طريقك يا دكتور وتستلمها خير

اللهم آمين يا رب العالمين

المشاركة الأصلية كتبت بواسطة windofchange

قدر الله وماشاء فعل ربنا يعوضك خير بس سؤال يادكتور اشرف انا رخصتي منتهية لو وقفوني هيخدوا العربية مني ازاااي؟

لا طبعا مش بياخدوا العربية
أقصاها بيسحب رخصة العربية بس
الوضع هنا مختلف عشان دا تصادم وفيه محضر معمول وفيه فحص فني عشان يتعمل تقرير فني عشان الاصلاح وكدة فبيحجز العربية سواء كانت الرخصة منتهية او لا العربية بتتحجز يعني لو رخصتها كانت سارية مكنتش هاخدها غير لما يتعملها تقرير فني يعني تاني يوم برده عشان مهندس المرور يكون موجود

المشاركة الأصلية كتبت بواسطة tutankhamoun

أنا عمال أضحك على القصة دي ......... و الله تنفع فيلم .
ربنا يكون في عونك و ترجعلك عربيتك

ما تمشيش تاني من غير رخص أو رخص منتهية يا باشا علشان ما تتبهدلش تاني

المشاركة الأصلية كتبت بواسطة tutankhamoun

أنا لا أقصد أي شئ ... أنا بس الحوار يضحك خصوصا بتوع اللانوس

لا تقلق انا مقدر ان الحوار فعلا مسلي ويضحك من كمية غباء الشخص التاني دا والقصص المفبركة دي :d

**Ashraf_Ibrahim** · 23-06-2013 07:08 PM

المشاركة الأصلية كتبت بواسطة nesr6060

الف حمدلله على السلامه ولو عاوز اى خدمه فى المرور يا باشا كلمنى على الخاص وإن شاء الله اقدر اساعدك

الله يكرمك يا كبير
طيب هبعتلك على الخاص :]

المشاركة الأصلية كتبت بواسطة ramyhekal

الناس بقت تتفنن فى الحوارات شوف الراجل دماغه وديته لفين انه يقول ان العربيه مسروقه علشان يطلع من المشكله كلها

انت عارف الكلمة ليها تأثير كبير جدا !
لو اللي كان سايقها دا جه قال معلش
العربية مفيهاش فرامل او اي سبب تاني كان ممكن عذرته والله وسبته اساسا !

المشاركة الأصلية كتبت بواسطة 4fun14

مش عارف ليه تحضرنى مقوله سمعتها فى احد الدول العربيه ..بيقولوا فيها على المصريين"لو سلمت عليه ..عد صوابعك وراه لا يسرقها"
انا مش عارف اعيش فى البلد دى والله بقت مليانه حراميه وشويه عيال صيع

دا حقيقي !ّ

المشاركة الأصلية كتبت بواسطة elawany13

لا حول ولا قوة إلا بالله
قدر الله وماشاء فعل

ابقى خد بالك من رخصك

خلاص هنجددها اهه :d

المشاركة الأصلية كتبت بواسطة kokowasfy

الف حمد الله على السلامة قدر الله مشاء فعل و عوضك على الله و راجل بل الاخلاق دى متنتظرش منة اى عوض ولا حاجة وبعد كدا خلى بالك من الرخصة

الحمد لله رب العالمين :]

المشاركة الأصلية كتبت بواسطة fo1fo

والله فكره رائعه الواحد ( بعد الشر عننا وعن السامعين ) يعمل مصيبه بالعربيه ويطلع يحرى يبلغ انها مسروقه . أستغفر الله العظيم من الأفكار الشيطانيه دى ...... شكرا لنقل التجربه وربنا يعوضك خير وما تبقاش تنسى تجدد رخصه العربيه تانى

ربنا يكرمك يا عزيزي

المشاركة الأصلية كتبت بواسطة tutankhamoun

أعتقد قانونا .... مفيش حاجة أسمها كدا
لازم يثبت حالة و يبلغ عن السيارة المسروقة علشان لو حصل حاجة زي دي .
أنت عارف لو مثلا اللي سايقها خبط بها حد و مات .... غالبا صاحب العربية هايلبس قضية حتى لو كانت مسروقة و معرفش يثبت أن مش هو اللي سايقها .
إنما لو مبلغ عنها و لا حد هايتكلم معاه .

دا كلام سليم
قانونا لازم يثبت انها مسروقة !
لو مبلغ عنها الوضع بيختلف

**mo7a_mo7a** · 23-06-2013 09:05 PM

اللي انا مقتنع بيه ان المحاضر والكلام ده اثبات حالة ليس الا مفيش حد بياخد حقه

**hugan** · 24-06-2013 02:05 AM

طب وعربيه الشرطه
كان موقفهم ايه من الحادثه
وبعدين ازاي سابو الواد اللي خبط لهم عربيتهم يجري بالسهوله دي

**Ashraf_Ibrahim** · 24-06-2013 03:11 AM

المشاركة الأصلية كتبت بواسطة m.ayman

معرفتش ايه اللي حصل للراجل التاني ؟ و عربيتك هتتصلح علي حسابه ولا لأ ؟ شكلك محامي علشان تطيق الحوار ده كله

لا مش محامي بس مهتم بالقصة دي وبعيش الدور اللي المطلوب اني اعيشه وكان لازم اعيش دور المحامي

المشاركة الأصلية كتبت بواسطة corsair

ايه يا عم اشرف الفيلم الهندي اللي انتا وقعت فيه ده اولا حمدلله علي سلامتك ثانيا مقولتلناش عملت ايه مع الراجل الكداب ده اللي المفروض يتحبس ويجيب اللي كان سايقها لانه يعتبر متستر عليه وعربية الشرطة مين اللي اتحمل تكاليف اصلحها فين يا عم كل المعلومات دي

الله يسلمك يا حبي
الراجل الكداب دا هقلكم ايه حصل معاه :]

المشاركة الأصلية كتبت بواسطة waleedrahmy

موضوع فعلا غريب جداااااااااا
و
الناس دلوقتي اصبحت اغرب
لا
ضمير ولا اخلاق ولا شجاعة تحمل الاخطاء
و
حمد الله علي السلامة يا دكتور

الله يسلمك يا عزيزي

المشاركة الأصلية كتبت بواسطة akmm

لاحول ولا قوه إلا بالله .....................

لله الأمر من قبل ومن بعد

المشاركة الأصلية كتبت بواسطة gebreel

حمد الله على سلامتك يا باشا، اهم حاجاة انك بخير و مستنيين نعرف عملت ايه في البني ادم ده

الله يسلمك يا كبير

المشاركة الأصلية كتبت بواسطة ahmed metwaly

لا اله الا الله ربنا يعينك

محمد رسول الله

المشاركة الأصلية كتبت بواسطة land_cruiser

حسبي الله و نعم الوكيل في المخلوقات المستفزه دي

لله الأمر من قبل ومن بعد :]

**Ashraf_Ibrahim** · 24-06-2013 03:14 AM

المشاركة الأصلية كتبت بواسطة secondhand

طيب والعربية الاوبترا فين من الحوار ده؟
والف حمد الله على سلامتك
وجدع انك فهمت الحوار اللي بيتعمل عليك على طول

العربية الاوبترا فعليا محصلهاش حاجة
هي بس النمر بتاعتها اتخلعت منها انما كعربية ولا الهوا
هو يتحمل جزء من الخطأ طبعا عشان السواق كان طالع على الطريق مبصش ناحية اللانوس بس ايا ما كان لو سرعة اللانوس كانت قليلة مكانش حصل كل دا !
طلعوها مأمورية على طول وعموما بياناتها كلها في المحضر لا تقلق :]

المشاركة الأصلية كتبت بواسطة mo7a_mo7a

اللي انا مقتنع بيه ان المحاضر والكلام ده اثبات حالة ليس الا مفيش حد بياخد حقه

لا ازاي بتاخد حقك يا عزيزي وهقلك ازاي

المشاركة الأصلية كتبت بواسطة AHMED12345678

لا حضرتك بتاخد بس ازاى
المحضر الى اتعامل بحادث التصادم بتاخد منه صورة رسمية بترفع بيه قضية على شركة التأمين الى العربيه الى خبطتك مامنه معاها تامين إجبارى
بس طبعا القضية ممكن تقعد سنين علشان يتحكم فيها بالتعويض وممكن مبلغ التعويض نفسة لا يقارن بقيمة التلفيات
نظام عقيم طبعا

كلام سليم

المشاركة الأصلية كتبت بواسطة start_wow

لاحول ولا قوة الا بالله
حمدا لله علي سلامتك اولا وربنا يستر طريقك وتستلم عربيتك علي خير..

اللهم امين يا رب

المشاركة الأصلية كتبت بواسطة hugan

طب وعربيه الشرطه
كان موقفهم ايه من الحادثه
وبعدين ازاي سابو الواد اللي خبط لهم عربيتهم يجري بالسهوله دي

البهوات تقريبا حسب ما اتوقع والله اعلم انه اما انه سها امناء الشرطة او لغاهم بحاجة عشان دخلوا يقولوا دا هرب يا باشا وخلاص وحتى معاون المباحث متحركش من مكانه لما قالوله دا هرب
قلهم يعني العربية دي مسروقة وقلهم اتحفظوا على العربية واوعوا العربية تتاخد

**Ashraf_Ibrahim** · 24-06-2013 03:17 AM

الشخص التاني اللي هو صاحب اللانوس كمان طلعله قرار باستلام السيارة
ظاهريا انا مخدتش حقي صح كدة !
لكن فعليا انا خدت حقي كاملا على فكرة
هوضحلكم ازاي :]
شركات التأمين حاجة من اتنين في الحوادث
اما بتحمل قيمة التصليحات لهيئة الطرق والكباري لما بيكون الفاعل مجهول ودا مش حالتنا
او حالتنا دي بقا وهنا شركة التأمين بتاعتي هتاخد المحضر وترفع قضية عل ىصاحب العربية وهتطلع عينه وهتاخد قيمة الاصلاح اضعاف قيمتها عشان هتحاسبه على كل حاجة بقيمة التوكيل
هو لو كان ذكي شوية وحسبها كان حاول يحل معايا الموضوع ودي لأن العربية أقصاها كانت هتصرف 3 او 4 آلاف فقط بأقصى تقدير لكن هو رفض دا وانا معنديش مانع خالص انه يرفض
انا كل اللي يهمني اني اعمل محضر أثبت فيه خطأ الغير وادي رقم المحضر لشركة التأمين وهما بيكملوا الموضوع وانا بخلع منه
مش لازم عشان تاخد حقك تاخده بنفسك لكن فيه اللي هياخدهولك
وفي حالتنا دي شركات التأمين بتقوم بالواجب وزيادة متقلقوش
فالراجل دا هيتنفض يعني

-

الموضوع: حادث تصادم بين سيارتي وسيارة لانوس وسيارة شرطة أوبترا

LinkBack

أدوات الموضوع

عرض

-

-

-

-

-

-

-

المواضيع المتشابهه

مقارنة بين سيارة الألمانية وسيارة الصينية

حصريا جوائز السيارات لعام 2013 فى كل الفئات وسيارة العام ; )

ليس هناك تفرقة بين المواطن العادى وسيارة الشرطة

ليس هناك تفرقة بين سيارة المواطن العادى وسيارة الشرطة

الكلمات الدلالية لهذا الموضوع

المفضلات

المفضلات

ضوابط المشاركة