حد بيشتكي من جوده البنزين اليومين دول؟

**mero100** · 23-06-2013 11:12 AM

ايه رأيكم في جوده البنزين ال 92 اليومين دول ؟

اخر تفويلتين العربيه زي ما تكون متلته علي السلانسيه ... و دوسه البنزين فيها حاجه غلط .. ... انا بحط دايما من محطات وطنيه .

**MITSUKERO** · 23-06-2013 11:28 AM

نفس اللي عندي بالظبط بس التتليته دي بتروح

السحب كويس لما عملت فيشة الاوكتان علي 87 (الوضع الاصلي)

**MEMOAHMED14** · 23-06-2013 11:35 AM

نفس الاحساس عندى ..
أنا بعانى اليومين دول من ضعف السحب وخنقة العربية...
وكنت مفول يوم الجمعة 92 ومفيش غيره خلاص مش لاقيين 90 وحسيت بعدها بضعف السحب برده .. والنهاردة كان السحب كويس جدا..
الواحد مبقاش عارف فيه ايه .. هل البنزين فيه حاجة غلط ولا العربية .....!!!!!!!!!

**mahmoud85** · 23-06-2013 12:04 PM

يعني ايه بنزين ههههههههههههه

**أحمد جودة** · 23-06-2013 12:21 PM

واضح كدة يا جماعة ان دي شكوي جماعية

وفيه ملاحظة لو حصلت حتكون مصيبة وخراب علينا

وهيا ان شاء الله من المفترض انهم بالكروت الذكية بتاعت البنزين هيقدرو يسيطرو على تهريب البنزين وبيعه بالسوق السوداء فبالتالي اصحبا محطات التموين عديمي الضمير وما أكثرهم ممكن يخلطو الـــ29 بشوية بزين 80 أو مش بعيد يزودوة مياة يلاهوي هوة ممكن يحصل كدة بالفعل

**mahmoud85** · 23-06-2013 12:45 PM

المشاركة الأصلية كتبت بواسطة أحمد جودة

واضح كدة يا جماعة ان دي شكوي جماعية

وفيه ملاحظة لو حصلت حتكون مصيبة وخراب علينا

وهيا ان شاء الله من المفترض انهم بالكروت الذكية بتاعت البنزين هيقدرو يسيطرو على تهريب البنزين وبيعه بالسوق السوداء فبالتالي اصحبا محطات التموين عديمي الضمير وما أكثرهم ممكن يخلطو الـــ29 بشوية بزين 80 أو مش بعيد يزودوة مياة يلاهوي هوة ممكن يحصل كدة بالفعل

:01964e~163::_alshmokh11:

المفروض ان ده مايحصلش
لان السوق السوده هتتمنع لان الكميات كلها لازم تتسلم في البنزينه وتيجي خطوه كروت السيارات يعني لازم البنزينه تبيع كميتها عشان تتحاسب
ممكن طبعا بتوع الموتوسيكلات والورش يحتاجو السوق السوده وهنا بقا يجي دور الرقابه وحمايه المستهلك والشكاوي لوزاره التموين ... يعني لما تفول كذا مره وتلاقي مياه عالبنزين تديهم شكوي محتررمه
وربنا يصلح الحال

**ahmedselaraby** · 23-06-2013 01:03 PM

عن تجربه و ملاحظة أداء العربيه ,, كل البنزين اللى فل سوق مضروب ماعدا بنزينات كالتكس ,, و ده من زمان على فكره من قبل الثوره ,, بنزين كالتكس الوحيد اللى بحس انه بيفرق فى أداء العربيه و كمان بلاحظ انه فيه بركه ,, يعنى عداد البنزين بيقف على علامه أعلى من المعتداد !!!!! و الله أعلم ,,

أنا كل مره بحب أمون بحاول قدر المستطاع امون من كالتكس

أما أسوأ بنزين كان من توتال ,,,, و الله أعلم برده