هو فى حاجه فى البنزين اليومين دول؟

**mohamedway** · 31-08-2008 12:50 PM

انا ملاحظ ان استهلاك عربيتى زاد قوى من فتره قريبه و ساعات يبقه حلو جدا و كنت شاكك ان العربيه فيها حاجه غلط و بعدين لاحظت ان الموضوع مرتبط بالتفويله اللى حطها فى العربيه (فى تفويله بتعمل كيلوهات كتيييير و تفويله بتخلص بسرعه رهيبه مع ملاحظه ان ظروف القياده و المشاويير هى هى و العربيه كمان هى هى و متغيرش فيها حاجه يبقه مش فاضل غير انى اشك فى البنزين نفسه وواضح ان فى اسلوب غش جديد فى البنزين او حاجه بيزودو بيها البنزين بتطير و ما بتتحرقش كويس) .
فيا جماعه لو حد ملاحظ الموضوع ده يا ريت يقولينا و لو ليه تجارب او عارف معلومه عن هذا الاسلوب فى غش البنزين يقولنا و هضربلكم مثال(انا عربيتى 1600 مانوال و فولت العربيه عملت 200 كم/الصفيحه مع العلم كله جوه البلد و التكييف شغال علطول مع الوقوف على كوبرى اكتوبر بالساعات و اشارات و زحمه و قرف و لما الطريق بيفتح حرق و جرى و فولت بعدها تانى و الغريبه انه من نفس الحطه و مكملتش 120 كم/الصفيحه مع ان اغلب مشاويرى بعدها كان الطريق سالك و مشغلتش التكييف كتير و محرقتش بالعربيه كتير)؟؟؟؟؟؟؟؟؟؟؟!!!!!!!!!

يا جماعه البنزين مغشوش بس انا اعرف انه ساعات بيتزود ميه وساعات يخلطو انواع البنزين ببعضها او يبيعلك 90 من طلمبه 92 انما الجديد بقه انهم بيزودوه بحاجه ما بتأثرش على اداء العربيه و لا على الموتور بس ما بتتحرقش مع البنزين كويس و البنزين بيخلص هوا

**galilio_mad** · 31-08-2008 01:38 PM

عشان كده انا بطلت افول
بحط ب 50 جنيه بحد اقصى - نص التانك عندى
ما بيلحقش يطير و الاستهلاك معقول

**Sleepy** · 31-08-2008 01:59 PM

فعلا انا ملاحظ نفس الملاحظه بالإضافة ان البنزين كمان بيأثر على أداء العربية فمره بعد التفويله أداء العربيه يكون كويس و مره يكون زفت و ده لاحظته خلال الإسبوعين اللي فاتوا بس فنفس الشك جالي ان البنزين في حاجة مش مظبوطه او بمعنى اصح بيغشوه

**actronx** · 31-08-2008 04:19 PM

صحيح نفس الشعور لدرجه اني بدات اشك ف العربيه ..
خليك على بنزينات موبيل وشل بس .. وشل احسن واضمن كمان زي منا شايف ..

**hazem_khidr** · 31-08-2008 05:14 PM

كل دي هواجس
ممكن يكون حد غيرك ركب العربيه
او ممكن تكون اخدت قرايه العداد غلط.
لان حتي لو محطوط بنزين 90 مكان ال 92 مش حياثر التاثير القوي دا.

**affosah** · 31-08-2008 05:49 PM

أنا ملاحظ برضو في الفترة الأخيرة نفس الموضوع ده لدرجة إني بقيت شاكك إن العيب من العربية
أنا سمعت مرة عن موضوع انه فعلا ممكن يغشوا البنزين هوا
يعني التانك بيتملي هوا مع البنزين مش عارف هل الموضوع ده ممكن يحصل؟

**kareem_Ashmawy** · 31-08-2008 08:00 PM

أنما عندى نفس المشكلة
ونقلا عن ناس شغالين فى شركات بترول
انهم بيغشوا البنزين و كمان اغلب المحطات بما فيها شل ( انا بحط من شيل على طول)
بيلعبوا فى عداد الترمبة يعنى مش بيديك الكمية كلها
أنا عندى مرة تعمل كيلومتر كويس و مرة مرعب
ومرة تكركر و مرة لأ
و كشفت على العربية ك>ا مرة تطلع سليمة

**momenhamdy** · 31-08-2008 08:10 PM

لازم حضرتك تبقي عارف حاجة مهمة اوي ان البنزين لو اتغش التاثير حيكون واضح اوي علي العربية من ناحية الاداء الفعلي لها في السحب و السير العادي كمان ........

**coolsh** · 31-08-2008 10:20 PM

وانا ملاحظ نفس الموضوع بس ساعات صوت الموتور بيبقى هادي وساعات سحبه بطئ وصوته عالي.. مع اني بفول من موبل بس مره المعادي ومره اكتوبر ومره تعمل 10 لتر لكل 100 كيلو ومره تانيه 14 لتر لكل 100 كيلو الكلام ده داخل المدينه بره على الطرق السريعه بينزل ل 8 لتر
ولقيت الحل اخيرا بقيت احط 95 حاسس ان التفويله الحمدلله طولت جدا واداء السياره في الطالع وانصح بيه من توتال الي على كورنيش المعادي..

**bmya** · 01-09-2008 03:31 PM

انا فعلا برده بتحصل معايا نفس الحكايه دي بس في الفتره الاخيره من اسبوعين كده مثلا
كان بيبقي متوسط الاستهلاك عندي علي الطريق بيبقي 5.5 : 6 لكل 100 كم
وجوه البلد 6.5
دلوقتي بقه جوه البلد 9.1 وعلي الطريق 8
ومش عارف ليه وانا بحوط دايما 92 وعمري ماحطيت 90 خالص والعربيه لسه ماشيه 3150 كم فقط
وبحوط من موبيل او كالتكس واحيانا الوطنيه

الموضوع: هو فى حاجه فى البنزين اليومين دول؟

LinkBack

أدوات الموضوع

عرض

-

-

-

-

-

المواضيع المتشابهه

حاجه غريبه اوووووى فى دواسة البنزين

حد حاسس ان البنزين اليومين دول بقي مغشوش

النهاردة هانتكلم عن حاجه جديدة .. مؤشر البنزين

هو البنزين قليل ليه اليومين دول؟

الكلمات الدلالية لهذا الموضوع

المفضلات

المفضلات

ضوابط المشاركة