الموضوع: 128 الموديل الجديد 2008

انا بيتهيالى برده ان ال 128 حتى ولو جديدة هتلاقى برده عندك مشاكل السخونية موجوده ومشكله السخونية دى لو مخدتش بالك عواقبه وخيمة ياجوان ياموتور.....
وبيتهيالى برده عفشتها هتبقى وحشة او هتبوظ بسرعة بسبب المطبات والتكسير الى عندنا..
واعتقد ان العربيه هطلع اصوات غريبة من اجزاء الصالون والكبوت والعفشة والابواب..خلال فترة قليلة قوى
بس برده كل ده سهل صيانته وكفايه انك هتاخد 128 كلها جديد فى جديد يعنى لو حافظت عليها هيبقى حققت المعادله الصاعبه خصوصا فى المصروفات الصيانة يعنى (قطع غيار بجد والله ببلاش)
وقطع الغيار الصينى فيها بتعيش وتاخد بنزين 80 متقولش لا.. العربية ينقصها فعلا تكييف والباور مقدور عليه اصلا العربيه الدركسيون بتاعها مش تقيل وقطر دوران العجل قليل جدا....
انا نفسى اركب واحده جديده واجربها هعرف اذا كانت هتقعد فترة طويلة ولا هتخسع بدرى بدرى...

المشاركة الأصلية كتبت بواسطة Mohamed-Saoud

معاك حق بس المعادلة صعبة بسبب "سهولة و رخص" صيانة ال128 يعني مثلا سير الكاتينة في 128 ب 35 جنيه و ممكن تنزل السبت من البلكونة لبتاع قطع غيار الفيات يديك السير علطول :) :)...عندك في النوبيرا بكام؟ :) ده على اعتبار الكوري أرخص قطع غيار في الحديث!

عندى فى النوبيرا ب 55 جنيه ايه الفرق ؟؟

فرق 20 جنية

يا كودك فى قطع تانية فى النوبيرا معدية قوى...ومينفعش واحد راكب 128 يشتريها (راعى ن الفيات 128 الى شاريها شاريها علشان هى اقتصادية يعنى الى شاريها معهوش فلوس فلو اشترى حاجة زى النوبيرا فرضا انه معاه فلوس النوبيرا...مش هيقدر مثلا يدفع 3 اضعاف الى كان بيدفعه فى تصليح الفيات 128....
انا بيتهيالى ان النوبيرا ارخص قطع غيار فى الكورى صح ولا لا؟؟؟؟
وبعدين ال 128 حتحط لها اردىء زيت هتحط ليها بنزين 80 هتهين فيها مش هتصلح غير لما الحاجة تبوظ خالص لحد لما العربية مش هتقدر تتحرك ساعتها تبقى تغيرها...
وصدقنى الى جايب فيات 128 هيفرق معاه كل مليم احمر.....

المشاركة الأصلية كتبت بواسطة kodak_gti

عندى فى النوبيرا ب 55 جنيه ايه الفرق ؟؟

55 جنيه!!! و الله ممتاز ... أصل العربيات الحديثة كل اللي بسمعه مش أقل من 250 تمن سير الكاتينة! بس لو أسعار باقي قطع غيار الكوري على نفس الوتيرة دي يبقى مفيش مشكله فعلا في صيانتها زي ال128 و ربنا يباركلك في عربيتك.

يا ريت لو واحد من الأعضاء يقارن بين خامات و تقفيل ال128 الزيرو أو 2007 مع موديلات السبعينات أو حتي التمانينات (زي مهندس أحمد بس بتفاصيل أكتر)

المشاركة الأصلية كتبت بواسطة Mohamed-Saoud

55

يا ريت لو واحد من الأعضاء يقارن بين خامات و تقفيل ال128 الزيرو أو 2007 مع موديلات السبعينات أو حتي التمانينات (زي مهندس أحمد بس بتفاصيل أكتر)

هى الفيات 128 فيها خامات؟؟!!!!
1-هى عبارة عن اجزاء ميكانيكية بدائية لا تحتك مع التكونولوجيا الحديثة ولاكن اهم مميزتها انها عمليه....
واعتقد انها هتبقى واحد فى العربيتين لاكن ال 128 الاحدث هتبقى احسن لتواجدالموتور ال 1300 والفتيس ال 5 غيارات ودول احدث من الموتور والفتيس القديم....

2-الصاج:
صاج ال 128 ردىء الجوده خصوصا انه قابل للصداء بسرعة عالية جدا (بيجيله باروما على طول)

اعتقد انهم ممكن يكونوا حلو المشكلة دى فى الفيات 128 الحديثة... ممكن يكونو استخدمو صاج احسن وممكن يكونو غطو الاماكن الى بيجلها برومه عن طريق الكرتيرات والفيبر.....

3-شاسية:
هو هو القديم العربية على علب شاسية....

4-الصالون والتابلوة:-
تابلوه احدث من القديم ولاكنه ليس بتابلوه عصرى خامت التابلوه حلوه وليست بلاستيك ردىء والتابلوه بسيط جدا لذلك فهو غير قابل للبهدله....
طبعا الاكر والكراسى والفرش مش هيختلف عن القديم فى حاجه غير انه لسه جديد...


ياجماعة العربية زيها زى اى عربية قديمة بسيطة جدا جدا جدا ومننساش ان التكنولوجيا المستخدمة فى ال 128 موديل 2008 ترجع الى بدايه السبعينيات..
ومع العلم ان فى بدايه السبعينيات العربية ال 128 كانت عربية عائلية صغيرة ولا تمت باى صله بالعربيات ذات الرفاهية او العربيات الرياضية.....


محدش يقارن الفيات 128 بالعربيات الحديثة

المشاركة الأصلية كتبت بواسطة Mohamed-Saoud

55 جنيه!!! و الله ممتاز ... أصل العربيات الحديثة كل اللي بسمعه مش أقل من 250 تمن سير الكاتينة! بس لو أسعار باقي قطع غيار الكوري على نفس الوتيرة دي يبقى مفيش مشكله فعلا في صيانتها زي ال128 و ربنا يباركلك في عربيتك.

فعلا الكورى رخيص وعندك الهيونداى كمان ارخص
يعنى مثلا
واحد صحبى معاه فيات 132 سألنا على كبوت استيراد بكام ؟؟ تخيلو ؟؟
ب 1000 جنيه واعتقد بتاع ال 128 ب 650 جنيه زيرو او اكتر كمان

كبوت الهيونداى الاكسيل بكام ؟؟
ب 380 جنيه جديييييد
والاسعار دى من سنة تقريبا