ما هي السيارات التي يعمل كباس المكيف الخاص بها بالكهرباء بدون سير ؟؟؟؟؟؟؟؟؟؟؟؟؟؟؟؟؟؟؟
وما مدى فعاليته ؟؟؟؟؟؟؟؟؟؟؟؟؟؟
ما هي السيارات التي يعمل كباس المكيف الخاص بها بالكهرباء بدون سير ؟؟؟؟؟؟؟؟؟؟؟؟؟؟؟؟؟؟؟
وما مدى فعاليته ؟؟؟؟؟؟؟؟؟؟؟؟؟؟
انا اعرف ان Suzuki SX4هى اللى فيها التكييف على موتور كهربا منفصل و كان احد الاعضاء هنا كتب عنة فى تقييمة للعربية و كان بيقول انه فعلا مفيش اى تأثير على سحب العربية و التكييف تلاجه
طب ياريت والله لو نعرف هل ينفع نركب التكييف دا على اى سيارة ولا لا
لانه هيحل مشاكل السحب وسخونة الموتور كتييييييييييييير
نرجوا الاهتمام والرد لانى منذ 6 اشهر وانا بسال عليه ومحدش يعرف عنه اى حاجة
الظاهر كدا انه مفيش :036:
كنت قريت في تست كريم منير لل sx4 ان تكييفها عادي مش منفصل ولاحاجه
أعتقد انو الكلام ده موجود فى العربيات الهايبريد فقط,
لأنه غير كده ملوش فائدة فعلية,
لو التكييف بيشتغل من البطارية, طيب ماهى البطارية بتجيب طاقتها من المحرك, يعنى برضو بتحمل على المحرك يبقى عملنا ايه؟؟! دوخينى يا لمونة!
أعتقد انو الموضوع ده موجود فى بعض سيارات الهايبريد فقط لأن بطارية الهايبريد بتتشحن أساسا من الفرامل لكن فى سيارة عادية ملهاش لازمة.
تمام
هو الفكرة بدأت من أجل السيارات الكهربائية
ولكن بعد إثبات كفاءة الكباس الكهربائي تم تزويد بعض السيارات التي تعمل بالبنزين به
والحقيقة هو أسهل في تركيبه ويقلل من تعقيد المحرك ويقلل من الفاقد الميكانيكي بالإضافة لأنه سيكون بدائرة فريون مغلقة والتي تتيح إستعمال أنواع أخرى من الفريونات
والفرق الوحيد أن التحميل على الدينامو سيكون عالي
هو التقييم موجود على اللينك دة:
http://www.nilemotors.net/Nile/showthread.php?t=32386
و انا معرفش اذا كان كلام صاحب التقييم صحيح ولا لأ .
مفيش الكلام دا
لا في سوزوكي ولا في غيره
فيه ناس بس لما بتكون فاتحه المروحه بتاع التكييف و الكونتاكت مفتوح بيتخيلوا ان التكييف شغال.
بالضبط, مستحيل أن يعمل الكباس الخاص بالتكييف على البطارية لأنك بكده هتاخد كفاءة أقل,
أنت محتاج محرك كهربائى لتشغيل الكمبرسور الخاص بالتكييف, و هتاخد كفاءة أقل,
و هتحمل على المحرك بشكل أكبر, لأن الطاقة لا تفنى و لا تستحدث, و الطاقة فى النهاية جاية من محرك السيارة, فسواء شغلت التكييف مباشرة من المحرك, أو من خلال محرك كهربائى, و الحمل الميكانيكى هيزيد على المحرك لكن هيتنقل من سير التكييف لسير الدينامو لا فرق,
بعض الناس بتتخيل فعلا انو التكييف شغال من البطارية لأنهم بيسيبو المروحة شغالة بعد اطفاء المحرك, و طبيعى انو المروحة بتفضل لوقت قليل تضخ هواء بارد لأن مواسير التكييف لسه باردة.
الكلام ده مش موجود غير في الاتوبيسات الكبيرة ... سكانيا ومرسيدس والرينو ...الخ .. وبيكون المكيف فوق السقف وله موتور مستقل ......عامل زي العربيات الثلاجة ...بيشتغل حتى والاتوبيس نايم
لكن في الملاكي ..... لا اعتقد
انا اعتقد موضوع ان التكييف ملوش تأثير على سحب الموتور دى ممكن تكون فعلا صح
فى التويوتا كورولا الجديدة الكباس نازل بتقنية معرفش اذا كانت جديدة لا لأ ومن الممكن انها تكون موجودة فى السوزوكى برده
External Control Variable Displacement Compressor
واختصارا " External Variable Compressor"
وده حسب ما اقدرت افهم من الموقع انه بياخد اشارة بحالة الموتور بشكل مستمر يعنى ممكن الكباس يقلل الحمل اللى شغال عليه لو لقى ان الموتور محتاج قوة اضافية
حتلاقو الموقع اللى انا ناقل منو الكلام ده تحت عشان لو اى شخص متخصص فى الموضوع ده يقدر يفيدنا ويوضح الموضوع ده اكتر من كده وحتلاقو فى الموقع برده نوعين من الكباسات الكهربائية بينزلو فى الليكسزس الهايبرد
http://www.toyota-industries.com/pro...ompressor.html
طيب انا سمعت معلومه عايزه واحد عنده خبره ميكانيكيه كويسه
ان فى مواتير بيكون فى خرج منها مخصوص للكمبرسور بتاع التكييف غير الخرج اللى طالع على العجلات ..
باللفظ غرفه للكمبرسور ..
ارجوا التصحيح او التوضيح
انا سمعت انه مكيف الهوندا سيتي 1500 شغال باكهرباء و مش بيحمل على الماتور و الله اعلم
ياريت حد من الاخوة مالكي هوندا سيتي يوضح لنا
من الموقع اللى حضرتك حطيتة فعلا فيه تكييف يعمل بالكهرباء ويزود للسيات العادية مثل لكزس وبى ام
يعنى بكدا الفكرة ممكن تتطور ويتعمل لكل السيارات ويفر فى السحب والبنزين وبكفائه اكبر
بس اكيه هنعوز نكبر الدينامو سنه وامبير البطارية مثلا لو 70 امبير تبقى 90 امبير وبكدا تتحلا المعضلة بتاعت التكييف
القول بأن هذا الأمر مستحيل أو غير واقعي فيه تسرع
أولاً السيارات الكهربائية كلها تعمل بكباس تكييف كهربائي
يتميز بإستخدامه نوع آخر من الفريون يعطي تبريد أكبر بطاقة أقل
ولذلك يكون مجدياً حتى لو إستعملناه في سيارة تعمل بالبنزين
ولذلك نحن هنا نبحث عن موديل يعمل بالبنزين ويتم إستخدام الكباس الكهربائي فيه
وطبعاً المشاهدة هي الفيصل
فياريت اللي شافه بعينه في سيارة يبلغنا
ولكم جزيل الشكر
الله ينور عليك
أعذرني لسه واخد بالي من هذا الرابط
والفكرة بالفعل موضحة بهذا الرابط
وللعلم فإن المستقبل ستتحول فيه السيارات بنسبة 100% سواء السيارات الكهربائية أو السيارات البترولية إلى إستخدام كباسات التكييف الكهربائية بنفس المنوال الذي تتحول به جميع السيارات الآن لإستخدام مؤازر عجلة القيادة الكهربائي (البور الكهربائي) بدل من النوع الهيدروليكي المرتبط بالمحرك ميكانيكياً
ايوه بالظبط لو التكييف كويس مش هيسخن الموتور وذلك لقيام مروحة التكييف المساعدة فى التبريد
ولكن معظم السيارات ال 1300 سىسى والاقل بيظهر فيها السخونة دى (السيارات القديمة)
لو افترضنا اننا هنشغل التكييف على محرك كهربائى, هناخد كفاءة أقل مش أكتر, لسبب بسيط,
احنا فى النهاية عندنا مصدر واحد للطاقة فى السيارة, هو المحرك,
لو افترضنا انو الكباس كهربائى يبقى هناخد طاقة كهربائية بطريقة غير مباشرة, يبقى احنا عندنا فواقد الدينامو العادية+فواقد المحرك الكهربائى, ده غير انو وزن العربية هيزيد لأن المحرك الكهربائى أصلا وزنه تقيل, و بكده هيزيد استهلاك البنزين و تقل سرعة السيارة.
و سحب العربية هيقل مش هيزيد لأن الطاقة لا تفنى و لا تستحدث, سواء شغلت الكباس مباشرة من المحرك, أو عن طريق الدينامو فى النهاية الطاقة مفقودة من محرك السيارة, و هتكون بدرجة أكبر فى حالة الكباس الكهربائى.
كلام سليم هندسيا
ولكنه مبني على فرض أننا سنستخدم نفس الفريون وبالتالي سنحتاج لنفس القدرة المطلوبة (وهذا الفرض غير صحيح وبالتالي فالنتيجة بنيت على فرض غير صحيح فلا يؤخذ بها)
لكن الحقيقة أنه سيتم إستخدام فريون آخر ذو كفاءة أعلى وأقل في إستهلاك الطاقة والذي لا يصلح للإستخادم في الكباس الغير محكم القفل والذي يدار بالسيور وليس بمحرك كهربائي غاطس بالداخل (مثل كباس الثلاجة مثلاً)
أتمنى تكون فهمتنى يا أستاذ فادي
معنديش علم بأنواع الفريون المختلفة و لكن برضو عندنا مجموعة مختلفة من المشاكل,
أولا الكباس محتاج محرك كهربائى, و المحرك الكهربائى وزنه تقيل عموما (لأنه صب مش مفرغ زى محرك الاحتراق الداخلى), و بكده هتقابلنا مشكلة زيادة وزن السيارة, ده بالاضافة الى أننا هنضطر نكبر الدينامو و ربما البطارية و ده هيضيف وزن كبير للسيارة, و لا تنسى أن تكييف السيارة لازم تكون قوته الكبيرة لأن السيارة مش معزولة عن الحرارة الخارجية زى الغرف العادية.
و بكده نكون زودنا وزن السيارة بشكل كبير و بالتالى هيقل الأداء و رشاقة السيارة و هيزيد استهلاك البنزين,
أعتقد انو الصح هو استخدام كمبرسور صغير عشان ميحملش على المحرك بشكل كبير, و لو انو كفاءة التكييف هتقل, لكن الأداء هو الأهم دائما.
المحرك الكهربائى لن يتعدى 10 او 15 كيلو بالكتيير لان وزنة وحجمة هيكون مماثل بالظبط للدينامو الن الدينامو هو محرك كهرباء يعمل بطريقة عكسية.
بالنسبة للكومبرسور التكييف المنزلى بيكون حجمة (بدون الصندوق طبعا) مش كبير اوى وبيغطى غرفة مثلا 3 فى 4 فى 3 ارتفاع = 36 متر مكعب هواء بالنسبة والتناسب للسيارة
3فى 2 فى 1.5 = 9 متر مكعب تقريبا اى ربع الحجم تقريبا.
يعنى موضوع الاحجام والاوزان مش هيا المشكلة اطلاقا
لو استطعنا اخذ طاقة حركة من العجل برولمان بلى بدون تاثير واضح على عزم العجل وتغذية دينامو اضافى (او تكبير الدينامو الاصلى ) وتكبير البطارية من 55 امبير الى 70 امبير (كمثال)
وغذينا الكومبريسور بالكهرباء واستخدام نوع فريون نسبة انضغاطة اقل من المستخدم حاليا هنحصل على النتيجة
لانها بالفعل حصلت فى السيارة الكهربائية يعنى اتعملت
في الحالة دي هيكون تقييم حضرتك منقوص لأن الفريون هو مربط الفرس في هذه الفكرة (معذرةً)
لأنه من الممكن الحصول على كفاءة تبريد واحدة من كباسين بإستخدام نوعين مختلفين من الفريونات ولكن أحد الكباسين يستهلك ثلثي الطاقة التي يستهلكها الآخر بسبب إختلاف نوع الفريون
ياريت تبص على كباس الثلاجة عندك في البيت
المحرك الكهربائي والكباس يكونان وحدة واحدة ووزنة قد يزيد واحد كيلو جرام عن الكباس العادي الذي يوصل بالمحرك عن طريق السير
أنا معاك إن واحد كيلو جرام ممكن يفرق في سباق سيارات الفورميولا وان
لكن مش هيفرق واحد ولا خمسة كيلو ولا عشرة كيلو في سيارات الركاب الخاصة
كبير إيه يا راجل
صلي على النبي (عليه الصلاة والسلام)
هنزود وزن الدينامو كيلو مثلا وهذا فقط في حالة أن الدينامو القديم لم يتحمل (وإن كنت أرى أنه سيتحمل)
لكن برضه هنزود وزن الدينامو كيلو بحاله (هو أصلاً وزنة على بعضه إثنين كيلو ونص)
والبطارية هنزود وزنها إثنين كيلو في حالة فقط أن البطارية القديمة لم تتحمل (وإن كنت أرى أنها ستتحمل)
وبالتالي فإن مجموع الأوزان الزيادة هو:
3 كيلو من الكباس وموتوره (كوحدة واحدة) + 1 كيلو من الدينامو + 2 كيلو من البطارية
المجموع = 5 كيلو جرام زيادة
ومع التقريب = 10 كيلو جرام زيادة
لكن مش: ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
التعديل أساساً سيكون بنفس سعة الكباس وبالتالي نفس الكفاءة إن لم يكن أفضل
محدش قال إننا هنحط واحد صغير بتاع توك توك مثلاً
ولا أنسى أن أشكرك يا أستاذ فادي على إهتمكامك
شركة ساندن هى شركة يابانية لانتاج كمبيرسور التكيف ولها مركز تطوير وابحاث فى الولايات المتحدة
وعلى موقعها على النت بتقول انها بدأت فى تطوير كمبيرسور كهربائى للسيارت الكهربائية والهاجينة من سنة 1990 وانه حاليا بتنتجه للسيارات الجيل الحديث العادية
وان كانت لم تصل الى السعات التبريدية لنفس الكمبيرسور الميكانيكى ويتطلب زيادة سعة البطاريات المستخدمة فى السيارة وزيادة شدة التيار المنتج من الدينامو
http://www.sanden.com/images/Electric_concept.gif
صورة لكمبيرسور كهربائى من انتاج ساندن الجيل القديم
http://www.sanden.com/images/EC_PB-1.gif
صورة لكمبيرسور كهربائى من انتاج ساندن الجيل الجديد مزود بوحدة تحكم الكترونية
لمواجهة متطلبات التكيف للاحمال المختلفة
مبدئيا انا شوفت اتوبيسات بتبقى مركبه تكييف عادى زى بتاع البيت بيبقى سبليت يونت وديه شوفتها كتير بس انا مع راى الاستاذ فادى ان الموضوع ده فيه هدر للطاقه بغض النظر عن أنه موجود اصلا ولا لأ
ومثلا حضربلوكو مثال الشخان الغاز اللى قى البيوت كفائته اعلى من الكهربا لانك بتحول الغاز على طول لطاقه حراريه وتسخن بيها المياه انما السخان الكهربا اساسا الكهربا جايه منين ماهو من غاز بس بتولد بيه كهربا الاول وبعدين عبال ما الكهربا توصل البيت ده جوار كبير بيضيع فيه جزء حلو من الطاقه
ملحوظه اخرى لما تسحب حمل اكبر من الدينامواللى هوه التكييف الحمل على الموتور حيزيد عادى جدا المعليه مش حكايه وزن دينامو وكمان خد عندك انك حتجيب بطاريه اكبر
بالضبط الموضوع ده فى العربيات الكهربائية أو الهجينة ممكن, مثلا السيارات الهجينة تاتى فيها الطاقة الكهربائية أساسا عبر استغلال الطاقة المهدرة من الفرامل أو فى حالة الهبوط, فبالتالى ممكن نستفيد من الطاقة دى فى تشغيل التكييف, أما فى السيارات العادية فانه اهدار للطاقة.
فى الأتوبيسات الموضوع مختلف قليلا لأنك محتاج تكييف يغطى كل الأوتوبيس, و عشان كده التكييف بيبقى بعيد عن المحرك, ففى بعض الاحيان بتحتاج محرك منفصل للتكييف.
بالنسبة لموضوع الفريون فده محتاج دراسة و تشوف كمية الطاقة الى هتوفرها من الفريون, و هل هتعوض فرق الطاقة المهدرة فى تشغيل التكييف بالكهرباء, و فرق الوزن أم لا, و لو اننى لا أعتقد أن تغيير نوع الفريون سوف يعوض الطاقة المهدرة, صحيح أنه ربما يحسن أداء التكييف, و لكنه لن يعوض الطاقة المهدرة, و الهدف الأساسى هو تحسين أداء المحرك, و ليس تحسين كفاءة التكييف, لأن الأداء يأتى قبل الراحة.
الله يفتح عليك يا اخى
انا عاوز اسال سؤال ليكم يا جماعه وياريت تفيدوني
سعر التكييف الكهربا دا كام والاقيه فين ؟؟؟؟
مش موجود في مصر على حد علمي
_