الموضوع: تغيير زيت لمرسيدس s63 AMG 2012

المشاركة الأصلية كتبت بواسطة midofayad

أكيد يا باشا العريبة فى جراج و شكرا لقلقك :) و احسن وقت للمشى على الكورنيش هو بالليل بعد الساعة 1 بيبقى الكورنيش فاضى و اخر روقان و بعدبن العربية لونها ابيض يعنى بصراحه لو اتحكت هتبقى حاجة تزهق

و فعلا السواقة على الكورنيش دلوقتى عاملة زى الملاهى و طول ما نت ماشى بالعربية كأنك قاعد فى الملاهى من كتر صوت الصفارة بتاعة السنسورز و تبص على الشاشة تلاقى ان كل ناحية بتنور هههههه يعنى هتتخبط من كل جنب و طبعا كله عامل حسابه ان انت هتخاف على عربيتك و توسعله عشان غالية فمش بيهمه حاجة و طبعا ميامى بالليل بتبقى حاجة زى الزفت من كتر الزحمه

و بالنسبة للسنسور اللى فى ورا الشبكة فهو معمول عشان مثبت السرعة و طبع ده استحالة نعرف نستخدمه هنا فى مصر لان كل واحد ماشى بمزاجه و هو شغال كمان طول ما انت ماشى و بينبهك لو قربت من اى عربية قدامك و بيظهرلك ده على شاشة العدادات

بس بصراحه احلى سواقه ليها و انت فاصل ال esp عشان تحس انك سايقها و متحكم فيها

الشكر لله, وأحسن حاجة فعلاً الخروج بليل لو الواحد معاه عربية غالية,
وعربية الصبح تبقي بتاعت الكحرتة

وأنا مش قادر أتخيل كمية الصفارات اللي هتسمعها من السنسور طول مانت ماشي جوا زحمة البلد, ولا حتي عال كورنيش.. الله يكون في عونك من القلق وأنت ماشي بيها.

المشاركة الأصلية كتبت بواسطة midofayad

ده فيديو من غير ال ESP

Mido Fayad mercedes s63 AMG - YouTube

و كمان واحد

Mido Fayad mercedes s63 AMG 2 - YouTube

فيه تانى بس بصراحه انا مكسل ارفع على النت

لا كفاية مترفعش
وأرحم الكاوتش العربية تقيلة ومش بتاعت الكلام دا وكنت هتشيل الولد اللي بيصور كمان
لو C كنا قلنا ماشي, بس برضه..
خلي الكاتوش يعيش معاك محترم ويحافظ عال النقشة ال 6 شهور قبل ماتروح علي بيتها, بدل ما تتغرم في جوز بمبلغ محترم..