الموضوع: هي أكر الببان الداخلية للوجان ممكن تركب في الميجان ii

سلام عليكم شباب ..
أول امبارح اكرة الباب الداخلية - الأمامي يمين - اتكسرت وانهارده وانا بدور عندنا عند بتوع الفرنساوي - للأسف اتنين تلاته بس في الاسماعيلية - مالقتش الأكرة انا كلمت مصطفى شاهين بتاع صقر قريش وممكن يجيبهم ويبعتهم في بيجو ولا حاجة .. المهم الامر بسيط مش معضلة يعني ..

السؤال بقه وانا بدور على الاكرة اكتشفت ان اكرة اللوجان تشبه الأكر عندنا بالظبط وحتى نفس الابعاد وطريقة الشغل توأم تقريباً لدرجة انى فكرت اجيبها واشوف ولو على سبيل التجربة بس للاسف الشاب اللى كان واقف ماكنش يعرف سعرها وان اكد انها مش هاتعدي 40 جنيه ..

قلت طبعا أسال هنا ونشوف لو حد عدى عليها الموضوع ده نستفيد منه ولو مافيش فأنا ان شاء الله هاجيب الأكرة واجربها ونشوف واهو برده يبى استفادة للأعضاء هنا ..

المشاركة الأصلية كتبت بواسطة mohammedaladel

فكها وخدها معاك
اشترى طقم ألانكيه نجمة هتحتاجه فى حاجات كتير يعمل له 15 جنيه مش أصلى بس شغال معايا وفكيت بيه حاجات كتير

فى الأكرة فى المنتصف فيه حتة مدوره بلاستيك وفيه مكان فاضى عشان تدخل فيه مفك رفيع وتشدها لبرا هتلاقى وراها مسمار الانكيه نجمة

فكه ... بعدين هتشد اليد لبرا .... وانت بتشد زيحها يمين شوية هتطلع معاك فك الواير منها وشوف الجديدة وقارن

أنا النهاردة فرش الباب بس معرفتش أخلعه عشان أغسله لأنه من فوق للأسف مبرشمينه فى الأطار البلاستيك الكبير بتاع الباب فهضطر أفكه بس وقت تانى

آه صح حاول تخلى الواير برا لأنه لو وقع منك جوا ممكن تحتاج تفك فرش الباب عشان متغلبش نفسك يعنى

تسلم يا محمد .. انا فعلا فكتها وخدتها معايا وجبت الأكر بتاعت اللوجان بـ 30 جنيه وفعلا ركبت بدون أي تعديل .. تسلم ياريس مرة تانية