محتاج مساعدة فى ميجان 2 Chech GearBox

**flek_a** · 08-06-2012 11:57 AM

السلام عليكم

يا جماعة انا معايا ميجان 2005 اوتوماتيك هيا ماشيا معايا كويس بس من اسبوعين اكلت مطب بالعربية وللاسف المصفحة ماكانتش راكبة وطبعا كارتيرة الموتور اتكسرت وغيرتها بس الغريبة ان العربية مابطلتش مع الخبطة انا اللى بطلتها

المهم العربية الحمدالله اتصلحت تمام وكل حاجة واخدتها المغسلة وكان كله تمام بس بعد ما مشيت بيها بيومين بدات الاحظ ان كل ما اكسر الدريكسيون شمال حتى لو نص كسرة الاقى عداد السرعة بيرفع لوحده ولمبة ال ABS بتنور ويكتبلى Check GearBox ورغم كده ساعات بتكون العربية مظبوطة وساعات القيها وخدة الرابع او التالت لوحدها وده بيخللى سحبها ضعيف واول ما ابطل العربية وادورها تانى كل حاجة بترجع طبيعية لحد ما اكسر الدريكسيون تانى شمال ترجع نفس المشكلة تانى

الحاجة التانية بدات الاحظ من 4 ايام انى لما اجيب الفتيس على N او P بتكون في هزة ملحوظة فى العربية كأن كهربتها واطية وبيكون ال RPM تحت الشرطة اللى قبل ال 1 و الرجة دى بتختفى مع ال D وال R هل ده له علاقة بالبنزين واللا حاجة تانية

اخيرا و اسف على الاطالة
ايه نوع الزيت اللى استخدمه مع الميجان ويكون مناسب جدا ليها؟

وشكرا

**Ahmed Amin** · 24-06-2013 01:13 AM

أنا شوفت موضوعك بالصدفة وأنا عارف أنو قديم,
بس أستغربت من كل المشاكل دي تيجي مع بعضها لعبكة بصراحة..

ممكن أعرف كان أيه السبب اللي خلا العربية تعمل كدا لو كنت حليت المشكلة.

كل ما اكسر الدريكسيون شمال حتى لو نص كسرة الاقى عداد السرعة بيرفع لوحده ولمبة ال abs بتنور ويكتبلى check gearbox ورغم كده ساعات بتكون العربية مظبوطة وساعات القيها وخدة الرابع او التالت لوحدها وده بيخللى سحبها ضعيف

**shawkylotfy** · 24-06-2013 03:16 AM

المشاركة الأصلية كتبت بواسطة proff

راجع كهربه العربيه لان تغيير الكارتيره بيحتاج خروج الموتور وفك ضفيره العربيه وفك فيش كونترول الفتيس
والرجه دي هتلاقيها قاعده الفتيس خلصانه

يابشا كرتيرة الموتور بتتحل عادى خالص من غيير ما تفك الموتور بتحل قنطرة الراديتير وقاعد الكوبلن وبتتحل الكرتيرة عادى

**Ahmed Amin** · 24-06-2013 03:20 AM

يا رجالة الموضوع دا من سنة,,
والراجل أكيد حل المشكلة, لأنه جاوب علي حد في موضوع تاني أنهارده ومسألش تاني في الموضوع دا..

أنا كنت بسأله علي الأسباب اللي خلت المشاكل دي تظهر..

كل ما اكسر الدريكسيون شمال حتى لو نص كسرة الاقى عداد السرعة بيرفع لوحده ولمبة ال abs بتنور