العصاية مش عصاية و العميد مش عميد و البنت مش بنت
بس الحمد لله
الداخلية بخير
العصاية مش عصاية و العميد مش عميد و البنت مش بنت
بس الحمد لله
الداخلية بخير
ايه ده ؟؟ أنا مصدوم لأ أنا مش قادر اصدق !!! مش كهربه ؟ مش عميد ؟ مش بنت ؟!!! كده محتاجين نتأكد اللى اتخبط عربيه ولا عجله ولا إحتمال ما يكونش فيه حادثه من أصله و الموضوع كله الكاميرا الخفيه بس لو كده يبقى المذيع فين ؟؟؟؟
مش ممكن ، يعنى بيستعموا كل الناس الى اتفرجت على الفيديو ، دا الاليكتريك فى ايدها واضحه و صريحه ، دى شكلها كده ابوها عميد فعلا و منصبه قوى كمان
هيا الشومة (((((بتطقطق))))) كده الأيام دي
وا ضح ان السيد الوالد عضمة ناشفة
ربنا يسهل و مايطلعش ابوها دكتور كبير كمان والا هانكتشف انها مش بنت دكتور و مش بنت حد اصلا و سبحان الله كده طلعت من غير اب او ام..
أثبتت التحقيقات أن صوت الطقطقة المسموع فى الفيديو كان من ركب أحد المتفرجين وليس لهذا الصوت أدنى صلة بالشومة الكرتون اللى كانت هتشل بيها الواد التانى
كما إتضح أن الكليب مدبلج بصوت حريمى ومتركب عليه شتائم فزيعة حيث أنها لم تشتم الولد بأكتر من "يا وحش" و يا" قليل التربية"
كما أوضح الكشف الطبى على الشهود وجود كميات كبيرة من الصمغ والصملاخ فى آذانهم بما يمنع أساسا سمعهم للشتائم
من الاخر اتضح ان الشاب ده مختل عقليا و يهذي بكلمات غير مفهومة و القصة بكاملها من وحي خياله
وهيييييييييييييييييييييه
الحمد لله الذي بنعمته تتم الصالحات
انا كنت قدمت شكوى ضدها على موقع وزارة الداخلية و الناس كلموني و متابعين الموضوع و قالولي انها من البيطاش في اسكندرية و ناس عاديين خالص و مقيمين حاليا في الجيزة و هيتخذوا معاها اللازم